Sigingo 21:1 - Mbeti ti Nzapa - Tënë so amu fini

¹ KOTA GBIA akiri atene: “Baa, andia so mo yeke fa na azo ti Israel ayeke so:

Sigingo 21:1 Iomraidhean Croise

1 Agbia 6:12

“Mo yeke sara kota da so ndali ti mbi. Tongana mo sara ye alingbi na atënë ti ndia ti mbi, tongana mo bata akpengba tënë ti mbi si mo ma yanga ti mbi lakue, fade mbi yeke sara ye na mo alingbi na tënë ti yanga ti mbi so mbi tene na babâ ti mo David.

2 Mbai 19:10

Tongana a-ita ti ala so ayeke lango na ya ti agbata nde nde aga na mbeni tënë na gbe ti ala titene ala fâ ngbanga ni, ataa ayeke tënë ti fango zo, wala tënë ti sarango ye so ake ndia, wala tënë ti ye so ake mbela ti Nzapa, wala ye so ake kpengba tënë ti Nzapa, wala ye so ake lege ti sarango ye ti azo, ayeke nzoni ala fa nda ni na a-ita ti ala, tongaso si a-ita ti ala ni asara sioni ti ke KOTA GBIA pepe si ngonzo ti KOTA GBIA ati na ndö ti ala nga na ndö ti a-ita ti ala ni pepe. Tongana ala sara tongaso, fade mbeni tënë oko ayeke na li ti ala pepe.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Abia (Psaumes) 147:19

Lo fa tënë ti lo na Jacob, lo fa ambela ti lo nga na atënë ti ndia ti lo na Israel.

Sigingo 19:7

Moïse akiri na ya ti bâbâ; lo iri *akangba ti Israel si lo fa na ala peko ti atënë so kue KOTA GBIA amu yanga na lo daa.

Ezekiel 20:11

Mbi mu na ala andia ti mbi, mbi sara si ala hinga lege ti sarango ye so mbi fa; zo so asara ye alingbi na ni, lo yeke duti na fini.

Ezekiel 20:25

Mbi nga laa mbi mu na ala andia so ayeke nzoni pepe nga na lege ti asarango ye so mbi fa si ayeke sara titene zo aduti na fini pepe.

Awayango-sandaga 18:26

“Ti ala, azo ti Israel, wala awande so aduti na popo ti ala, ala bata andia ti mbi nga na atënë ti ndia ti mbi. Ala sara sioni ye oko tongaso pepe.

Awayango-sandaga 18:5

“Ala bata andia ti mbi na atënë ti ndia ti mbi; zo so asara ye alingbi na ni, fade lo yeke duti na fini ndali ni. Mbi laa mbi yeke KOTA GBIA.

Awayango-sandaga 19:37

“Alingbi ala bata andia ti mbi kue, ala sara ye alingbi na atënë ti ndia ti mbi. Mbi laa mbi yeke KOTA GBIA.”

Awayango-sandaga 20:22

“Ala bata andia ti mbi kue na atënë ti ndia ti mbi kue. Ala sara ye alingbi na ni, tongaso si kodro so mbi yeke gue na ala titene ala duti daa, kodro ni atumba ala pepe.

Wungo ti azo 35:24

Tongana ye ni ayeke tongaso, fade bongbi ti azo ti Israel ayeke fâ ngbanga na popo ti zo so afâ mba ti lo nga na zo so alingbi ti kiri peko ni na lo.

Wungo ti azo 36:13

So ayeke atënë ti ndia na andia so KOTA GBIA amu na azo ti Israel na lege ti Moïse laa. Lo mu ni na ndembe so ala yeke na lando ti Moab, na tere ti ngu ti Jourdain so abaa le na gbata ti Jéricho.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Ndia ti fani use ni 15:12

Moïse atene: Tongana mbeni ita ti ala hebro, koli wala wali, aka tere ti lo na ala si lo sara kua na ala tongana ngbaa, fade lo yeke sara kua ni na ya ti ngu omene. Na ngu mbarambara ni, ala yeke zi lo na gbe ti ngbaa ni.

Ndia ti fani use ni 4:14

Na ngoi ni so, KOTA GBIA amu na mbi yanga ti fa na ala andia na atënë ti ndia titene ala sara ye alingbi na ni na ya ti kodro so ala yeke gue ti mu ni titene aga ti ala.

Ndia ti fani use ni 4:45

Na peko ti so ala sigigi na sese ti Ezipte, Moïse afa na ala akpengba ndia, andia nga na atënë ti ndia.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Ndia ti fani use ni 4:8

Aye so ndia afa nga na atënë ti ndia so mbi zia na gbe ti ala laso ayeke mbirimbiri. Mbeni kota mara nde ayeke daa so aye so ndia ti lo afa nga na atënë ti ndia ti lo ayeke mbirimbiri tongana ti e so?

Ndia ti fani use ni 5:1

Moïse airi azo ti Israel kue si lo tene na ala: “Ala azo ti Israel, ala ma aye so ndia afa nga na atënë ti ndia so mbi yeke tene na ala laso. Ala manda ni si ala sara kue ti sara ye alingbi na ni.

Ndia ti fani use ni 5:31

Me ti mo, mo ngba ge na tere ti mbi. Fade mbi yeke fa na mo atënë ti yanga ti mbi kue, aye so ndia afa nga na atënë ti ndia so fade mo yeke fa ni na ala titene ala sara ye alingbi na ni na ya ti kodro so mbi yeke mu na ala titene aga ti ala.”

Ndia ti fani use ni 6:1

Moïse atene: So ayeke atënë ti yanga, aye so ndia afa nga na atënë ti ndia so *KOTA GBIA Nzapa ti ala amu yanga na mbi ti fa ni na ala, tongaso si ala lingbi ti sara ye alingbi na ni na ya ti kodro so ala yeke gue ti mu ni titene aga ti ala.

Ndia ti fani use ni 6:20

Gbanda, amolenge ti ala ayeke hunda ala, atene: “Ndali ti nyen si KOTA GBIA Nzapa ti e amu yanga so na ala, andia so nga na atënë ti ndia so?”

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.