Sigingo 20:8 - Mbeti ti Nzapa - Tënë so amu fini

⁸ “Alingbi mo dabe ti mo na *lango ti wungo tere, mo zia ni nde ndali ti mbi.

Sigingo 20:8 Iomraidhean Croise

Tongo nda ti aye 2:2

Na lango mbarambara ni, Nzapa ahunzi kua ti lo. Na lango mbarambara ni, Nzapa awu tere ti lo na peko ti kua so kue lo sara.

Tongo nda ti aye 2:3

Nzapa asara tufa na ndö ti lango mbarambara ni si lo zia ni nde ndali ti lo, ngbanga ti so na lango so laa lo wu tere ti lo na peko ti kua so kue lo wani, lo sara.

Néhémie 13:15

Na ngoi ni so, mbi baa so na sese ti Juda, ambeni zo ayeke pete ale ti *vinye na ya ti du so a leke ti pete ale ti vinye daa; ala yeke pete ale ti vinye ni na *lango ti wungo tere. Ambeni akanga gba ti ale ti kobe na ndö ti alele, vin, ale ti vinye, fige na ambeni ye nde nde si ala yeke gue na ni na Jérusalem na lango ti wungo tere. Mbi gboto mê ti ala na lango so ala yeke ka akungba ti ala ni.

Néhémie 9:14

Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Sigingo 23:12

“Na ya ti lango omene, fade ala yeke sara akua ti ala. Me na lango mbarambara ni, ala wu tere ti ala; tongaso si bagara ti ala na lele ti ala alingbi ti wu tere ti ala; tongaso si angbaa nga na awande so ayeke na ndo ti ala alingbi ti wu pupu.

Sigingo 31:12

KOTA GBIA atene na Moïse:

Sigingo 35:1

Moïse abongbi azo ti Israel kue si lo tene na ala: “Aye so KOTA GBIA amu yanga titene a sara ye alingbi na ni ayeke so:

Ésaïe 56:2

Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Ésaïe 58:13

*KOTA GBIA atene: “Tongana mo ke ti sara kua na *lango ti wungo tere, mo ke ti sara ye so mo lingbi ti baa nzoni na peko ni na lango so a zia nde ndali ti mbi; tongana mo iri lango ti wungo tere ‘Lango ti ngia’, mo iri *lango ti KOTA GBIA ‘Nengo lango’, tongana mo ne lango ni so, mo ke ti sara kua, mo ke ti sara ye so mo lingbi ti baa nzoni na peko ni, mo ke ti papa,

Jérémie 17:21

Tënë so lo tene ayeke so: Ala sara hange! Ala yo akungba na *lango ti wungo tere pepe, ala li na kungba na mbeni oko ti ayanga ti gbagba ti Jérusalem pepe!

Jérémie 17:22

Na lango ti wungo tere, ala mu akungba na da ti ala ti sigigi na ni pepe; ala sara mbeni kua oko pepe. Me ala bata lango ni nde ndali ti mbi tongana ti so mbi mu ando yanga daa na akotara ti ala.

Jérémie 17:24

‘Me ti ala, ala ma mbi nzoni; so tënë ti yanga ti KOTA GBIA laa. Na lango ti wungo tere, alingbi ala hon na akungba na ayanga ti gbagba ti gbata so pepe. Ala bata lango ni so nde ndali ti mbi, ala sara nga mbeni kua na lango ni so pepe.

Ezekiel 20:20

Ala zia *lango ti wungo tere nde ndali ti mbi; lango ni afa songo so ayeke na popo ti mbi na ala, tongaso si ala hinga atene, mbi laa mbi yeke KOTA GBIA, Nzapa ti ala.’

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Awayango-sandaga 19:30

Alingbi ala bata lango ti wungo tere, ala ne ndo so a zia nde ndali ti mbi. Mbi laa mbi yeke KOTA GBIA.

Awayango-sandaga 23:3

“Na ya ti yenga oko, ala yeke sara kua na ya ti lango omene; me lango mbarambara ni ayeke *lango ti wungo tere; na lango ni so, ala yeke sara kua oko pepe, lango so ala yeke bongbi ti voro mbi. So ayeke lango ti wungo tere: na ndo so kue ala yeke duti daa, ala bata lango ni so ndali ti mbi KOTA GBIA.

Awayango-sandaga 26:2

“Alingbi ala bata *lango ti wungo tere, ala ne ndo so a zia nde ndali ti mbi. Mbi laa mbi yeke KOTA GBIA.”

Wungo ti azo 15:32

Na ngoi so azo ti Israel angba na ya ti benyama, ala wara mbeni koli so ayeke ro keke ti wâ na *lango ti wungo tere.

Ndia ti fani use ni 5:12

“Alingbi mo bata *lango ti wungo tere nde ndali ti mbi, alingbi na yanga so KOTA GBIA Nzapa ti mo amu na mo.