Sigingo 20:6 - Mbeti ti Nzapa - Tënë so amu fini

⁶ Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Sigingo 20:6 Iomraidhean Croise

Néhémie 1:5

mbi tene: “*KOTA GBIA, Nzapa ti yayu, mo yeke kota, mo yeke mu mbeto na zo! Mo yeke bata tënë ti *mbuki ti mo na azo so ayeke sara ye alingbi na atënë ti ndia ti mo; mo yeke sara nzoni be na azo so aye mo.

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Sigingo 34:7

Mbi yeke sara nzoni be na azo ngbii asi na molongo ti ala saki oko. Azo so asara sioni, azo so asara ngangu li na azo so asara siokpari, mbi yeke kanga be na ala; me zo so tënë ayeke na li ti lo, mbi yeke zia lo senge pepe. Azo so asara siokpari, mbi yeke sara titene siokpari ti azo ni akiri na ndö ti amolenge ti ala na *ahale ti ala ngbii asi na molongo ota ni wala osio ni.”

Amato 3:1

Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Jérémie 32:18

Mo yeke sara nzoni be na azo ngbii asi na *ahale ti ala ti molongo saki oko. Me tongana ababâ na amama asara siokpari, mo yeke sara si amolenge ti ala laa awara futa ni. Mo yeke kota Nzapa, mo yeke ngangu mingi; iri ti mo ayeke KOTA GBIA so ayeke na ndö ti dunia kue.

Daniel 9:4

Mbi sambela KOTA GBIA, Nzapa ti mbi si mbi fa siokpari so na lo, mbi tene: “Ae! KOTA GBIA, mo yeke kota, azo alingbi ti kpe mbeto ti mo mingi. Mo yeke bata tënë ti *mbuki ti mo na azo so abata andia ti mo; mo yeke sara nzoni be na azo so aye mo.

Wungo ti azo 14:18

‘Mbi yeke KOTA GBIA, mbi yeke sara ngonzo hio hio pepe, nzoni be ti mbi asi singo, mbi yeke kanga be na ndö ti sioni na siokpari ti zo. Me zo so asara siokpari, mbi yeke zia lo senge pepe. Tongana mbeni zo asara siokpari, mbi yeke zi tënë ni na li ti lo pepe, ngbii asi na amolenge ti lo ti molongo ota ni wala osio ni.’

Jean 14:15

“Tongana ala ye mbi, fade ala yeke sara ye alingbi na andia ti mbi.

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.

Ndia ti fani use ni 5:29

Tongana ala leke fade be ti ala biani ti kpe mbeto ti mbi tongaso lakue si ala sara ye alingbi na atënë ti yanga ti mbi, ka ayeke nzoni mingi! Ka ala, na *ahale ti ala ayeke duti nzoni kpu na kpu!

Ndia ti fani use ni 7:9

Alingbi ala hinga atene, KOTA GBIA Nzapa ti ala laa ayeke Nzapa, taa Nzapa biani. Lo yeke bata tënë ti *mbuki ti lo si lo yeke sara nzoni be na azo so aye lo si ala yeke sara ye alingbi na atënë ti yanga ti lo, ngbii asi na molongo saki oko ti *ahale ti ala.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

1 Jean 4:19

Ti e, e yeke na ndoye, ngbanga ti so Nzapa aye e kozoni.

1 Jean 5:3

Lege ti yengo Nzapa ayeke titene e sara ye alingbi na andia ti lo. Andia ti lo ayeke ngangu pepe.

2 Jean 1:6

Ndoye ayeke so: sarango ye alingbi na atënë ti ndia ti Nzapa. Ala baa, gi oko tënë ti ndia so laa ala ma ni, ngbene ye na tongo nda ni. Tënë ti ndia ni ayeke titene ala duti na lege ti ndoye.