Sigingo 20:5 - Mbeti ti Nzapa - Tënë so amu fini

⁵ Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Sigingo 20:5 Iomraidhean Croise

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

2 Samuel 21:6

Ayeke nzoni ala zia na maboko ti e azo mbarambara ti ya ti *hale ti lo, e kanga kamba na go ti ala na nduzu na dawa ti KOTA GBIA na Gibea, gbata so Saul aduti ando daa, Saul so KOTA GBIA asoro lo so.” Gbia akiri tënë: “Fade mbi yeke zia azo ni na maboko ti ala.”

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

1 Agbia 21:29

“Mo baa lege so Akab asara tere ti lo kete na dawa ti mbi so? Ndali ti so lo sara tere ti lo kete na dawa ti mbi, fade mbi yeke tokua ye ti mawa na ndö ti azo ti sewa ti lo pepe, na ndembe so lo de na fini. Fade mbi yeke tokua ni na ndembe so molenge ti lo ayeke duti gbia.”

2 Agbia 17:35

KOTA GBIA asara ando *mbuki na ala si lo mu yanga na ala, lo tene: “Fade ala voro ambeni nzapa nde pepe, ala kuku na gbe ti ala pepe, ala sara kua na anzapa ni so pepe, ala mu asandaga na ala pepe.

2 Agbia 17:41

Amara ni ayeke voro ando KOTA GBIA si na mbage, ala yeke voro ayanda ti ala. Nilaa amolenge ti ala, na amolenge ti amolenge ti ala angba ti sara ye gi tongana akotara ti ala ngbii asi laso.

2 Agbia 23:26

Me kota ngonzo ti KOTA GBIA akai pepe, ngonzo ti lo so alondo tongana wâ na tere ti azo ti Juda ndali ti asioni ye so kue Manase asara ti zia ngonzo na be ti lo.

2 Agbia 5:18

Me ayeke nzoni KOTA GBIA azi tënë na li ti mbi, zo ti kua ti mo ndali ti mbeni ye so mbi sara: na ndembe so kota zo ti mbi, gbia ti Sirii ayeke li na ya ti da ti nzapa ti lo Rimon ti sambela, lo yeke ba tere ti lo na ndö ti maboko ti mbi; mbi yeke kuku nga na sese na ya ti da ti Rimon ni. Ayeke nzoni KOTA GBIA azi tënë na li ti mbi ndali ti ye ni so.”

2 Agbia 5:27

Biani, fade buruma ti Naaman ayeke ga ti ngba na tere ti mo nga na tere ti *ahale ti mo kpu na kpu!” So Gehazi azia Élisée ti gue, buruma amu tere ti lo si poro ti tere ti lo avuru vurungo tongana tukia.

2 Mbai 25:14

So Amasia akiri na kodro na peko ti so lo kinda azo ti Edom awe, lo mu ayanda ti azo ti Edom ni, lo ga na ala. Lo baa ayanda ni tongana anzapa ti lo, lo yeke voro ala si lo yeke zö dukani ndali ti ala.

2 Mbai 7:19

Me tongana ala zia peko ti ala na mbi si ala ke ti sara ye alingbi na andia ti mbi nga na atënë ti ndia ti mbi so mbi mu na ala, tongana ala gue ti sara na ambeni nzapa nde si ala kuku na gbe ti anzapa ni,

Mbeti ti Job 21:19

Ala tene: “Nzapa abata fade sioni ti ababâ ni ndali ti amolenge ti ala.” Nzapa alingbi fade ti sara sioni na azo ti sioni ni si li ti ala aga daa!

Mbeti ti Job 5:4

“Amolenge ti lo ti koli, alingbi zo oko amu maboko na ala pepe. Na le ti ngbanga, zo oko agbu koko ti ala pepe si awafango-ngbanga anika ala nikango.

Abia (Psaumes) 109:14

Ayeke nzoni a kiri adabe ti KOTA GBIA na asiokpari ti akotara ti lo, mbeni ye azi sioni ti mama ti lo pepe!

Abia (Psaumes) 78:58

Na lege ti ando so ala leke na ndö ti ahoto si ala yeke voro anzapa nde daa, ala zia ngonzo mingi na be ti Nzapa; na lege ti ayanda ti ala, ala pusu lo ti sara mbanda.

Abia (Psaumes) 79:8

Siokpari so akotara ti e asara ando so, bi tënë ni na li ti e pepe! Ga hio mo baa mawa ti e, ngbanga ti so e ti biani awe.

Abia (Psaumes) 81:15

ka mbi kinda gi hio tongaso awato ti ala, ka mbi pika azo ti sarango ngangu na ala so awe!

Sigingo 23:24

Fade ala yeke kuku na gbe ti anzapa ti amara ni so pepe, ala yeke voro anzapa ni pepe; ala yeke mu peko ti sarango ye ti amara ni pepe. Me fade ala yeke buba alimo ti anzapa ni biani biani, ala yeke kungbi na sese angbongboro têne ti ala so ala leke si aluti na nduzu so.

Sigingo 34:14

Fade ala yeke kuku akpo li ti ala na sese na gbe ti mbeni nzapa nde pepe, ngbanga ti so iri ti KOTA GBIA ayeke: ‘Lo so lo yeke sara mbanda’. Biani, mbi yeke Nzapa so mbi yeke sara mbanda.

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Ésaïe 44:15

Azo ayeke mu nga keke ni ti tingo na wâ, ala yeke sara na wâ ti duti na tere ni, wala ti to na kobe. Ala yeke mu nga gi oko keke ni ti leke na mbeni nzapa titene ala voro lo; ala yeke leke mbeni yanda so ala yeke kuku na gbe ti lo.

Ésaïe 44:19

Zo oko ayeke gbu li ti lo wani pepe, zo oko ayeke hinga ndo nzoni pepe, zo oko ayeke hinga nda ti ye nzoni pepe si lo tene na be ti lo wani, lo tene: “Mbage ti keke so, mbi sara na wâ, mbi to kobe ti mbi na le ti wâ ni, mbi zö nyama so mbi te. Na tanga ti mbage ti keke ni, mbi sara na ye so zo alingbi ti baa na le ti lo fani use pepe. Mbi yeke kuku na gbe ti nduru keke!”

Jérémie 2:9

Ndani laa, mbi yeke gue na ala na gbe ti ngbanga; mbi yeke gue nga na *ahale ti ala na gbe ti ngbanga; so tënë ti yanga ti KOTA GBIA laa.”

Jérémie 32:18

Mo yeke sara nzoni be na azo ngbii asi na *ahale ti ala ti molongo saki oko. Me tongana ababâ na amama asara siokpari, mo yeke sara si amolenge ti ala laa awara futa ni. Mo yeke kota Nzapa, mo yeke ngangu mingi; iri ti mo ayeke KOTA GBIA so ayeke na ndö ti dunia kue.

Ezekiel 18:19

“Ala yeke hunda ndo, atene: ‘Asioni so babâ ni asara so, ndali ti nyen si molenge ni ayo ngbanga ni pepe?’ Ayeke ndali ti so molenge ni asara ye na lege ti ndia nga na lege ti ye ti mbirimbiri. Lo bata atënë ti andia ti mbi kue, lo sara ye alingbi na ni. Ndali ni, fade lo yeke ngba na fini.

Ezekiel 18:2

“Na sese ti Israel, azo ayeke tene mato so lakue: ‘Ababâ ate akpi-kpi le ti *vinye, me pembe ti amolenge laa akui.’ Ala yeke tene ni ngbanga ti nyen?

Ezekiel 20:7

Mbi mu yanga so na ala, mbi tene: ‘Alingbi zo oko oko abi yongoro afungo yanda so ayeke gboto lo. Ala ga *sioni pepe na lege ti vorongo ayanda ti Ezipte! Mbi laa mbi yeke KOTA GBIA, Nzapa ti ala.’

Ezekiel 39:25

“Me tënë so mbi Kota Gbia NZAPA, mbi tene ayeke so: Fadeso, mbi yeke sara si gigi ti *ahale ti Jacob aga nzoni, mbi yeke baa mawa ti azo ti Israel kue, mbi yeke sara mbanda ti iri ti mbi so ayeke nde si ayeke nzoni kue so.

Ezekiel 8:3

Lo yoro mbeni ye so akpa maboko si lo gbu mbi na kua ti li ti mbi. Tongaso, na ya ti mbeni ye tongana bango-li so alondo na Nzapa, yingo amu mbi ahon na mbi na nduzu na popo ti yayu na sese; na pekoni lo gue na mbi na Jérusalem. Mo ye ti baa, mbi yeke na yanga ti gbagba ti gbata ni, na mbage ti ya ni; yanga ti gbagba ni abaa ndo na mbage ti Banga, na ndo so a zia yanda daa; so asara si mbanda ti Nzapa alondo biani.

Daniel 1:2

KOTA GBIA azia Yoakim, gbia ti Juda na maboko ti Nabukodonosor; lo zia nga lege na Nabukodonosor si lo mu mbeni mbage ti akungba ti ya ti kota da ti Nzapa. Nabukodonosor ague na akungba ni na kodro ti Shinear si lo zia ni na ya ti kubu ti batango amosoro ti lo so ayeke na ya ti da ti anzapa ti lo.

Daniel 3:18

Ataa lo zi e pepe, o gbia, hinga, mo tene, e yeke sara ande na anzapa ti mo pepe; e yeke voro nga yanda ti lôro so mo zia aluti na nduzu so pepe.”

Awayango-sandaga 20:5

fade mbi wani, mbi yeke ga na tere ti zo ni nga na tere ti azo ti sewa ti lo. Lo na azo so kue amu peko ti lo ti voro Molek, mbi yeke tumba ala na popo ti azo ti Israel.

Awayango-sandaga 26:1

“Ala sara ayanda pepe, ala sara limo ti mbeni nzapa wala mbeni ngbongboro têne so aluti na nduzu ndali ti ala wani pepe. Atêne so a de alimo na tere ni, ala zia ni na ya ti kodro ti ala pepe, ala kuku, akpo li ti ala na sese na dawa ni pepe. Biani, mbi laa mbi yeke KOTA GBIA, Nzapa ti ala.

Awayango-sandaga 26:29

Ala yeke te kasa ti tere ti amolenge ti ala ti koli na ti amolenge ti ala ti wali.

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Wungo ti azo 14:18

‘Mbi yeke KOTA GBIA, mbi yeke sara ngonzo hio hio pepe, nzoni be ti mbi asi singo, mbi yeke kanga be na ndö ti sioni na siokpari ti zo. Me zo so asara siokpari, mbi yeke zia lo senge pepe. Tongana mbeni zo asara siokpari, mbi yeke zi tënë ni na li ti lo pepe, ngbii asi na amolenge ti lo ti molongo ota ni wala osio ni.’

Wungo ti azo 14:33

Fade amolenge ti ala ayeke ga awabatango-nyama na ya ti benyama na ya ti ngu baleosio. Amolenge ti ala ayeke baa pasi ti asioni ye so ala, ababâ ni asara; amolenge ni ayeke ngba na ya ti benyama ngbii ala, ababâ ni akui kue si.

Wungo ti azo 25:11

“Wayango-sandaga Pinas, molenge ti Elazar, tara ti Aaron asara si ngonzo ti mbi ti wâ ade na tere ti azo ti Israel. Na popo ti azo ti Israel kue, lo laa tënë ti aye ti mbi agbu be ti lo mingi. Nilaa, ataa so mbi sara mbanda ti azo ti Israel mingi, mbi fâ ala ti hunzi ala pepe.

Matthieu 4:9

si lo tene na lo: “Tongana mo kuku na gbe ti mbi si mo voro mbi, fade mbi yeke mu aye so kue na mo.”

Jean 15:18

“Tongana azo ti dunia so ake ala, ayeke nzoni ala hinga so azo ni ake mbi kozoni.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Jean 9:2

Adisiple ti lo ahunda lo, atene: “Wafango-ye, zo wa laa asara siokpari si a du koli so waziba so? Lo, wala babâ na mama ti lo?”

Rome 1:30

ala yeke tene sioni tënë na iri ti amba ti ala; ala yeke awato ti Nzapa, ala yeke azo ti sioni yanga, ala baa tere ti ala kota ahon azo kue, ala yeke pika kate ti ala mingi, ala yeke gi gi akode ti sarango sioni, ala yeke sara ngangu li na babâ na mama ti ala,

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.

Ndia ti fani use ni 32:41

Mbi leke yanga ti yongoro zeme ti mbi awe, yanga ni ayeke za zango. Mbi ga nduru ti fâ ngbanga ti awato ti mbi awe, mbi ga nduru ti kiri na peko ti sioni ti ala na ala; mbi yeke kiri ti futa azo so ake mbi.

Ndia ti fani use ni 4:24

Biani, KOTA GBIA Nzapa ti ala ayeke tongana wâ so ayeke gbi ye kue; lo yeke Nzapa so ayeke sara mbanda ti azo ti lo.

Ndia ti fani use ni 5:10

Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Ndia ti fani use ni 5:9

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Ndia ti fani use ni 6:15

ngbanga ti so KOTA GBIA Nzapa ti ala so ayeke na popo ti ala ayeke Nzapa so ayeke sara mbanda ti azo ti lo. Ala sara hange si ala zia ngonzo na be ti lo pepe; tongaso pepe, fade lo yeke fâ ala kue ti hunzi ala na ndö ti sese so.

Ndia ti fani use ni 7:10

Me ti azo so ake lo, gi hio tongaso, lo yeke futa ala alingbi na ye so ala sara; lo yeke sara si ala kui. Zo so ake lo, lo yeke ku kungo pepe ti sara ye na lo; lo yeke futa zo ni gi hio tongaso.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

Josué 23:16

Tongana ala bata tënë ti mbuki so KOTA GBIA, Nzapa ti ala amu yanga na ala ti sara so pepe, tongana ala kuku na gbe ti ambeni nzapa nde ti voro ala, fade ngonzo ti KOTA GBIA ayeke londo na tere ti ala tongana wâ si lo yeke sara titene ala hunzi gi hio na ndö ti nzoni sese so lo mu na ala.”

Josué 23:7

Amara so angba na popo ti ala so, ala sara beoko na ala pepe, ala sambela anzapa ti azo ni pepe, ala deba na iri ti anzapa ni pepe, ala kuku na gbe ti anzapa ni pepe, ala voro ala pepe.

Josué 24:19

Josué atene na azo ni, atene: “Ala lingbi ti sara kua na KOTA GBIA pepe, ngbanga ti so lo yeke Nzapa so lo yeke nde si lo yeke nzoni kue; lo yeke Nzapa so ayeke sara mbanda ti azo ti lo. Ndali ngangu li ti ala na siokpari ti ala, fade lo yeke zi tënë na li ti ala pepe.

Awafango-ngbanga 2:19

Me tongana wafango-ngbanga ni akui awe, ala kiri asara ye ti sioni mingi ahon ti akotara ti ala. Ala yeke gue na peko ti ambeni nzapa nde ti sara na ala, ala yeke kuku akpo li ti ala na sese na dawa ti anzapa ni. Ala zia asioni sarango ye ti ala wala ngangu li ti ala oko pepe.