Sigingo 20:4 - Mbeti ti Nzapa - Tënë so amu fini

⁴ “Alingbi mo sara mbeni yanda ndali ti mo pepe, wala mbeni ye so akpa ye so ayeke na le ti nduzu, wala ye so ayeke na ndö ti sese, wala ye so ayeke na ya ti ngu na gbe ti sese.

Sigingo 20:4 Iomraidhean Croise

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

2 Agbia 17:12

Ala voro ayanda, ataa so KOTA GBIA atene ando na ala, atene: “Ala sara mara ti ye tongaso pepe!”

2 Mbai 33:7

Lo sara yanda si lo zia ni na ya ti kota da ti Nzapa. Andaa Nzapa atene ando na David nga na molenge ti lo Salomon, atene: “Na ya ti kota da so nga na Jérusalem, gbata so mbi soro na popo ti agbata ti amara kue ti Israel laa mbi yeke sara titene iri ti mbi aduti daa kpu na kpu.

Abia (Psaumes) 78:58

Na lege ti ando so ala leke na ndö ti ahoto si ala yeke voro anzapa nde daa, ala zia ngonzo mingi na be ti Nzapa; na lege ti ayanda ti ala, ala pusu lo ti sara mbanda.

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Sigingo 20:23

Alingbi ala mu wen ti nginza wala lôro, ala leke na ambeni nzapa nde ti zia na tere ti mbi pepe; ala sara ambeni nzapa nde ndali ti ala wani pepe.

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 32:23

Ala tene na mbi, atene: ‘Mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.’

Sigingo 32:4

Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!”

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Sigingo 34:17

“Alingbi ala kporo wen ti sara na mbeni yanda pepe.

Ésaïe 42:17

Azo so azia be ti ala na ndö ti ayanda si ala yeke tene na anzapa so a kporo wen si a sara na ni, atene: ‘Ala laa ayeke anzapa ti e’, fade azo ni so ayeke kiri na peko, kamene ayeke hon ndö ti ala.”

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Ésaïe 45:16

Azo so ayeke leke ayanda, kamene ahon ndö ti ala, kamene agbu le ti ala. Ala ba li ti ala na sese na kamene si ala yeke hon.

Ezekiel 20:7

Mbi mu yanga so na ala, mbi tene: ‘Alingbi zo oko oko abi yongoro afungo yanda so ayeke gboto lo. Ala ga *sioni pepe na lege ti vorongo ayanda ti Ezipte! Mbi laa mbi yeke KOTA GBIA, Nzapa ti ala.’

Ezekiel 8:10

Mbi li si ye so mbi baa ayeke so: na tere ti dere ti gbagba ni kue, a de alimo ti anyama nde nde so kue ayeke hara harango nga na anyama so ayeke sioni so akpa titene zo abaa ni pepe. A de nga limo ti ayanda kue ti azo ti Israel na tere ti dere ni angoro ni kue kue kue.

Ezekiel 8:3

Lo yoro mbeni ye so akpa maboko si lo gbu mbi na kua ti li ti mbi. Tongaso, na ya ti mbeni ye tongana bango-li so alondo na Nzapa, yingo amu mbi ahon na mbi na nduzu na popo ti yayu na sese; na pekoni lo gue na mbi na Jérusalem. Mo ye ti baa, mbi yeke na yanga ti gbagba ti gbata ni, na mbage ti ya ni; yanga ti gbagba ni abaa ndo na mbage ti Banga, na ndo so a zia yanda daa; so asara si mbanda ti Nzapa alondo biani.

Awayango-sandaga 19:4

“Ala mu peko ti ayanda pepe. Ala kporo wen ti sara na asenge nzapa ndali ti ala wani pepe. Mbi laa mbi yeke KOTA GBIA, Nzapa ti ala.

Awayango-sandaga 26:1

“Ala sara ayanda pepe, ala sara limo ti mbeni nzapa wala mbeni ngbongboro têne so aluti na nduzu ndali ti ala wani pepe. Atêne so a de alimo na tere ni, ala zia ni na ya ti kodro ti ala pepe, ala kuku, akpo li ti ala na sese na dawa ni pepe. Biani, mbi laa mbi yeke KOTA GBIA, Nzapa ti ala.

Wungo ti azo 12:8

Mbi yeke tene tënë na lo le na le, na hondengo ni pepe. Mbi yeke fa tere ti mbi na lo si lo yeke baa limo ti mbi. Ngbanga ti nyen laa ala kasa Moïse, zo ti kua ti mbi so?”

Awatokua 17:29

So e yeke amolenge ti Nzapa, e lingbi ti baa Nzapa pepe tongana anzapa so zo amu lôro, wen ti nginza wala têne si aleke na ni na lege ti ndara na kode ti lo.

Rome 1:23

Nzapa so alingbi na gonda si lo yeke na fini kpu na kpu, azo azia ti voro lo si ala yeke voro limo ti zo so ayeke kui kuingo, ti andeke, ti anyama ti gere osio na ti anyama so ayeke hara harango.

Ndia ti fani use ni 16:22

Fade ala yeke leke angbongboro têne aluti na nduzu nga pepe; be ti KOTA GBIA Nzapa ti ala ake ye so mingi.

Ndia ti fani use ni 27:15

‘Deba aga na ndö ti zo so amu wen akporo ni si asara na mbeni nzapa nde wala na mbeni yanda si lo honde ni na mbeni ndo ti voro ni!. So ayeke ye so maboko ti zo asara. Tongaso, ayeke ye so ayeke sioni mingi na le ti *KOTA GBIA.’ Fade azo kue ayeke kiri tënë: ‘Amen!’

Ndia ti fani use ni 5:8

“Alingbi mo sara mbeni yanda ndali ti mo pepe, wala mbeni ye so akpa ye so ayeke na le ti nduzu, wala ye so ayeke na ndö ti sese wala ye so ayeke na ya ti ngu na gbe ti sese.

Aye so Nzapa afa 16:2

Kozo ange ni ague, lo tuku ye ti ya ti kopo ti lo na ndö ti sese. Ambeni sioni ka so aso mingi amu tere ti azo so kue ayeke lani na nzoroko ti nyama ni na tere ti ala, ala so ayeke voro limo ti nyama ni.

Aye so Nzapa afa 9:20

Tanga ti azo so kue akui na lege ti asioni ye so pepe, ala zia pepe lege ti sarango asioni ye ti ala. Ala zia lege ti vorongo asioni yingo pepe; ala ngba ti voro ayanda so a sara na lôro, na wen ti nginza, na bengba wen, na têne nga na keke. Ayanda ni ayeke baa ndo pepe, ala yeke ma ndo pepe, ala yeke tambula nga pepe.

Awafango-ngbanga 17:3

Mika akiri na ale ti nginza saki oko na ngbangbo oko so na mama ti lo. Mama ti lo atene na lo: “Molenge ti mbi, mbi ye ti mu nginza so na iri ti mo na KOTA GBIA titene a leke na mbeni yanda so a kporo wen si a sara na ni. Fadeso, mbi kiri nginza ni na mo.”