Sigingo 20:25 - Mbeti ti Nzapa - Tënë so amu fini

²⁵ Me tongana ala mu têne ti leke na mbi mbeni gbalaka, fade ala leke ni na têne so a de tere ni dengo pepe, ngbanga ti so na dengo tere ti têne ni na wen, andaa têne ni aga *sioni awe.

Sigingo 20:25 Iomraidhean Croise

1 Agbia 6:7

A sara kota da ti Nzapa ni na atêne so a leke ni kozoni na ndo so a yeke suru ka atêne daa. Nilaa, na ngoi ti sarango kota da ni, zo oko ama go ti wen ti surungo na ya ti atêne pepe, wala martoo wala mbeni wen nde pepe.

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Ezekiel 40:42

Ameza osio ndali ti sandaga so a yeke gbi ni kue na wâ, a leke ni na têne so a de tere ni dengo; ayo kudee oko na ndambo na mbage; kudee oko na ndambo na mbeni mbage; yongo ni na nduzu kudee oko. Na ndö ti ameza ni so, ala zia aye ti fango na go ti anyama so a yeke mu na sandaga ti gbingo ni kue na wâ nga na tanga ti sandaga ni.

Josué 8:31

Lo leke ni alingbi na yanga so Moïse, zo ti kua ti KOTA GBIA amu na azo ti Israel. A su tënë ni na ya ti mbeti ti *Ndia ti Moïse, atene: “Gbalaka ni ayeke na asenge têne so zo andu tere ni na wen oko pepe.” Na ndö ti gbalaka ni, azo ti Israel ayeke mu na KOTA GBIA *asandaga so a yeke gbi ni kue na wâ nga na asandaga ti beoko.