Sigingo 20:12 - Mbeti ti Nzapa - Tënë so amu fini

¹² “Alingbi mo ne babâ ti mo na mama ti mo, tongaso si gigi ti mo ayo na ndö ti sese so mbi KOTA GBIA Nzapa ti mo, mbi mu na mo.

Sigingo 20:12 Iomraidhean Croise

Tongo nda ti aye 48:12

Joseph azi amolenge ni na ndö ti gere ti babâ ti lo, lo kuku, lo kpo li ti lo na sese.

Tongo nda ti aye 50:12

Amolenge ti Jacob asara gi ye so babâ ti ala amu yanga na ala ti sara.

1 Agbia 2:19

Batsheba ague, abaa gbia Salomon ti tene tënë ti Adonia na lo. Gbia alondo na ndö ti mbata ti lo ti gbia, lo gue na dawa ti Batsheba, lo kuku, lo kpo li ti lo na sese na dawa ti lo. Na pekoni, lo kiri lo duti na ndö ti mbata ti lo ti gbia. Lo hunda titene a zia mbeni mbata ti gbia na tere ti lo, na mbage ti maboko ti lo ti koli si mama ti lo aduti daa.

2 Agbia 2:12

So Élisée abaa ye ni tongaso, lo dekongo, lo tene: “Babâ ti mbi! Babâ ti mbi! Mo yeke lani tongana apusu ti mbarata ti Israel! Mo yeke tongana azo ti kpengo na ambarata ni!” Na pekoni, lo kiri lo baa lo pepe. Élisée agbu bongo ti lo si lo suru ya ni use.

Sigingo 21:15

“Zo so apika babâ ti lo wala mama ti lo, alingbi ala fâ lo.

Sigingo 21:17

“Zo so adeba babâ ti lo wala mama ti lo, alingbi ala fâ lo.”

Amato 15:5

Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Amato 17:6

Ye so ayeke sara nengo ti atara ayeke amolenge ti amolenge ti ala; ye so ayeke sara gonda ti amolenge ayeke ababâ na amama ti ala.

Amato 20:20

Zo so adeba babâ na mama ti lo, fini ti lo akpa lamba so amingo na bi.

Amato 28:24

Zo so anzi babâ na mama ti lo si lo tene: “So siokpari laa pepe”, zo ni ayeke legeoko na zo ti fango zo!

Amato 3:16

Na mbage, ndara ayeke mu na zo fini so ayo; na mbeni mbage, lo yeke mu nga na lo mosoro na gonda.

Amato 30:11

“Ambeni zo ayeke daa so ayeke deba babâ ti ala si ala yeke tene nzoni tënë na ndö ti mama ti ala pepe.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Jérémie 35:18

Na pekoni, Jérémie atene na azo ti kete mara ti Rekab, atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala ma yanga ti kotara ti ala Yonadab, ala sara ye alingbi na ni; ala sara ye so kue lo mu yanga na ala ti sarango ni.

Jérémie 35:7

Ala yeke sara ada pepe, ala yeke lu ale ti kobe pepe, ala yeke fâ yaka ti *vinye pepe, ala yeke mu yaka ti vinye pepe ti ga ti ala. Me fade ala yeke lango na ya ti ada ti bongo na lango ti fini ti ala kue; tongaso si fade ala yeke lango aninga na ndö ti sese so ala yeke duti daa.’

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Awayango-sandaga 19:32

“Alingbi ala londo na nduzu na dawa ti mbeni zo so kua ti li ti lo avuru. Alingbi ala ne mbakoro; tongaso laa ala yeke fa atene, ala yeke kpe mbeto ti mbi Nzapa ti ala laa. Mbi laa mbi yeke KOTA GBIA.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Matthieu 19:19

alingbi mo ne babâ ti mo na mama ti mo; alingbi mo ye nga mba ti mo zo tongana ti so mo ye tere ti mo wani.”

Marc 10:19

Mo hinga akota tënë ti *Ndia so atene: ‘Alingbi mo fâ zo pepe; alingbi mo gi wali wala koli ti zo pepe; alingbi mo nzi pepe; alingbi mo tene mvene na le ti ngbanga pepe; alingbi mo handa zo ti mu ye ti lo pepe; alingbi mo ne babâ na mama ti mo.’ ”

Marc 7:10

Biani, Moïse atene: ‘Mo ne babâ na mama ti mo!’ Lo kiri lo tene: ‘Zo so atene sioni tënë na tere ti babâ ti lo wala mama ti lo, lo lingbi na kuâ.’

Nzoni Tënë so Luc asu na mbeti 18:20

Mo hinga atënë ti ndia so atene: ‘Alingbi mo gi wali wala koli ti zo pepe; alingbi mo fâ zo pepe; alingbi mo nzi pepe; alingbi mo tene mvene na le ti ngbanga pepe; alingbi mo ne babâ ti mo na mama ti mo.’ ”

Efeze 5:21

Ala ma yanga na popo ti ala ndali ti mbeto ti Christ so ayeke na be ti ala.

Ndia ti fani use ni 11:8

Nilaa, alingbi ala sara ye alingbi na atënë ti yanga ti mbi so kue mbi yeke tene na ala laso. Tongaso, fade ala yeke wara ngangu so alingbi titene ala gue, amu sese so ala yeke li na ya ni;

Ndia ti fani use ni 11:9

tongaso, fade gigi ti ala ayeke gue, ayo na ya ti sese so KOTA GBIA adeba yanga ti lo ti mu na akotara ti ala nga na *ahale ti ala; *sese so ngu ti me ti bagara na mafuta ti wotoro asi singo daa.

Ndia ti fani use ni 21:18

Moïse atene: Mbeni ye tongaso alingbi ti si: mbeni zo alingbi ti duti na molenge-koli so ayeke zo ti ngangu li, lo yeke tomboka na tere ti babâ na mama ti lo; lo yeke ma yanga ti babâ na mama ti lo pepe. Ataa so ala pika lo, lo yeke ma ala pepe.

Ndia ti fani use ni 25:15

Alingbi ala duti na mbirimbiri kilo nga na mbirimbiri sakpa ti hakango na ye. Tongaso si fade gigi ti ala ague, ayo na ya ti kodro so *KOTA GBIA Nzapa ti ala ayeke mu na ala.

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

Ndia ti fani use ni 32:47

Biani, so ayeke gi asenge tënë pepe. Atënë ni ayeke ndali ti fini ti ala; na lege ti atënë so laa fade gigi ti ala ayeke gue, ayo na sese so ala yeke fâ ngu ti Jourdain ti mu ni titene aga ti ala.”

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.

Ndia ti fani use ni 4:40

Alingbi ala sara ye alingbi na aye so ndia ti lo afa nga na atënë ti yanga ti lo so mbi yeke fa na ala laso. Tongana ala sara ye alingbi na ni, fade ala na ahale ti ala ayeke baa nzoni; gigi ti ala ayeke yo na ya ti kodro so KOTA GBIA Nzapa ti ala amu na ala kpu na kpu.

Ndia ti fani use ni 5:16

“Alingbi mo ne babâ na mama ti mo, tongana ti so mbi KOTA GBIA, mbi mu yanga na mo. Tongaso si gigi ti mo ague, ayo si mo yeke duti nzoni na sese so mbi KOTA GBIA Nzapa ti mo, mbi mu na mo.

Ndia ti fani use ni 5:33

Ala tambula lakue gi na lege so KOTA GBIA Nzapa ti ala afa na ala; tongaso si fade ala yeke duti na fini, gigi ti ala ayeke yo si ala yeke duti nzoni na ya ti kodro so ala yeke mu ni titene aga ti ala.

Ndia ti fani use ni 6:2

Tongaso, fade ala yeke kpe mbeto ti KOTA GBIA Nzapa ti ala na lango ti fini ti ala kue, ala yeke sara ye alingbi na aye so kue ndia ti lo afa nga na atënë ti ndia ti lo so kue mbi fa na ala, na *ahale ti ala, tongaso si gigi ti ala ague, ayo.

Kolose 3:20

Amolenge, ala ma yanga ti ababâ na amama ti ala na ya ti aye kue; ye so anzere na be ti Kota Gbia laa.

Ruth 3:6

Ruth ague na le ti lakere ni si lo sara aye so kue kogara ti lo amu yanga na lo ti sara.

1 Samuel 22:3

David alondo na ndo so lo gue na Mispe, na sese ti Moab. Lo tene na gbia ti Moab: “Mbi gbu gere ti mo, zia lege na babâ ti mbi na mama ti mbi ti ga ti duti na tere ti mo ngbii mbi hinga ye so Nzapa ayeke sara ande ndali ti mbi si.”