Sigingo 2:3 - Mbeti ti Nzapa - Tënë so amu fini

³ Me lo lingbi ti honde lo ngbii pepe, tongaso lo mu mbeni sakpa so a sara na pere ti yanga ti ngu; lo kanga adu ti tere ti sakpa ni na gudron nga na kole. Lo zia molenge ni na ya ni si lo gue, lo zia sakpa ni na ya ti pere, na yanga ti *bale ti Nil.

Sigingo 2:3 Iomraidhean Croise

Tongo nda ti aye 11:3

Ala tene na popo ti ala, atene: “E londo, e gboto abiriki, e zö ni.” Ala mu abiriki ni tongana atêne ti da, ala mu gudron tongana potopoto.

Tongo nda ti aye 14:10

Na popo-hoto ti Sidim ni, azo azi adu mingi ti gi gudron daa. Agbia ti Sodome na Gomore ati na ya ti adu ni na kpengo ti ala. Tanga ti azo ni akpe ague na ndö ti ahoto.

Tongo nda ti aye 6:14

Ayeke nzoni mo mu akpengbango keke, mo leke na mbeni kota mangboko ndali ti mo. Mo kangbi ya ti mangboko ni nde nde. Mo kanga adu ti tere ni na gigi na adu ti ya ni na gudron.

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Ésaïe 18:2

Mo so mo yeke tokua alembe ti tambula na le ti kota ngu ti Nil si ala yeke tambula na ya ti ango so a sara na sosongo! Ala alembe so ayeke gue tokua hio hio so, ala kiri na mbage ti azo ti mara so ayo mingi si poro ti tere ti ala ayeke za zango so, azo so ayeke zia mbeto na be ti azo na ndo so ngbii asi na ndo kue, mara so ayeke na ngangu si ayeke nika awato ti ala so. Ala kiri na kodro ti ala so abale ahon na ya ni so.

Ésaïe 19:6

Ngu ti ya ti akota du ayeke fun, akete ngu ti Ezipte ayeke kiri na gbeni si ayeke hole. Asosongo na apere ti yanga ti ngu ayeke hole.

Ésaïe 35:7

Mbutu so amu wâ mingi ayeke kiri ti ga kota ngu, sese so ngu atia daa ayeke kiri ti ga ali ti ngu. Ndo so lani *anzagua ayeke lango daa, asosongo na apere ti ya ti ngu asigigi daa.

Matthieu 2:13

Na peko ti so azo ti gingo nda ti atongoro ni amu lege ague awe, mbeni *ange ti *Kota Gbia asi na Joseph na ya ti bango-li. Lo tene na Joseph: “Londo, mu molenge ni, lo na mama ti lo, ala kpe ague na Ezipte, aduti kâ! Tongana mbi mu yanga na mo ti kiri si mo kiri, ngbanga ti so Herode ayeke gi lege ti fâ molenge ni.”

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Awatokua 7:19

Lo handa azo ti mara ti e si lo sara pasi na akotara ti e; lo gbu ala na ngangu ti zia akete molenge ti ala na gigi titene amolenge ni akui.