Sigingo 2:24 - Mbeti ti Nzapa - Tënë so amu fini

²⁴ Nzapa ama demango tere ti ala si lo dabe ti lo na tënë ti mbuki ti lo na Abraham, na Isaac nga na Jacob.

Sigingo 2:24 Iomraidhean Croise

Tongo nda ti aye 15:13

KOTA GBIA atene na Abram: “Ayeke nzoni mo hinga so ahale ti mo ayeke gue ande ti duti na mbeni kodro so ayeke ti ala pepe. Fade azo ayeke mu ala na ngbaa si azo ni ayeke sara pasi na ala na ya ti ngu ngbangbo osio.

Tongo nda ti aye 16:11

Baa, mo yeke na ngo; mo yeke du molenge-koli; mo yeke di iri ti lo Ismael, ngbanga ti so KOTA GBIA ama toto ti mo awe

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Tongo nda ti aye 18:18

Fade Abraham ayeke ga kotara ti mbeni kota mara so ayeke ngangu. Na lege ti lo, mbi yeke sara tufa na ndö ti azo ti amara ti ndö ti sese kue.

Tongo nda ti aye 22:16

lo tene na lo: “So tënë ti yanga ti KOTA GBIA laa: Ndali ti so mo sara tongaso si mo gbanzi oko molenge ti mo na mbi pepe, mbi deba na iri ti mbi wani,

Tongo nda ti aye 26:2

KOTA GBIA asi na Isaac si atene na lo: “Mo gue na Ezipte pepe; me mo ngba na kodro so fade mbi yeke fa na mo.

Tongo nda ti aye 26:24

Na bi ni, KOTA GBIA asi na lo si atene na lo: “Mbi yeke Nzapa ti babâ ti mo Abraham. Mo sara mbeto pepe, ngbanga ti so mbi yeke na mo. Ndali ti Abraham, zo ti kua ti mbi, mbi yeke sara tufa na ndö ti mo si mbi yeke sara titene *ahale ti mo awu mingi.

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Tongo nda ti aye 35:11

Nzapa akiri atene na lo: “Mbi yeke Nzapa so ngangu ti mbi ahon angangu kue. Mo du amolenge, ala wu mingi. Fade mbeni mara na amara mingi ayeke baa gigi na lege ti mo. Fade agbia ayeke sigigi na ya ti mo.

Tongo nda ti aye 35:12

Sese so mbi mu na Abraham na Isaac, mbi yeke mu ni na mo, na *ahale ti mo so a yeke du ala na peko ti mo.”

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

2 Agbia 13:23

Me KOTA GBIA asara nzoni be na azo ti Israel, lo baa mawa ti ala; lo kiri na mbage ti ala ndali ti *mbuki so lo sara na Abraham, Isaac na Jacob. Nilaa lo ye ti fâ ala kue pepe. Na ngoi so, ade lo tumba ala yongoro na tere ti lo pepe.

Abia (Psaumes) 102:2

KOTA GBIA, ma sambela ti mbi, ayeke nzoni toto ti mbi asi na mo.

Abia (Psaumes) 102:20

Na nduzu kâ, na ndo ti lo so ayeke nde si ayeke nzoni kue, KOTA GBIA aba tere ti lo ti baa ndo na ndö ti sese. Na yayu kâ, lo baa ndo na sese

Abia (Psaumes) 105:42

Lo dabe ti lo na zendo ti lo so ayeke nde si ayeke nzoni kue, zendo so lo mu na Abraham, zo ti kua ti lo.

Abia (Psaumes) 106:45

lo dabe ti lo na tënë ti mbuki ti lo na ala; ndali ti kota nzoni be ti lo, lo zia lege ti ye so lo ye ti sara na ala.

Abia (Psaumes) 138:3

Na lango so mbi iri mo, mo yeda na mbi, mo mu ngangu na be ti mbi, mo kiri ngangu na ya ti tere ti mbi.

Abia (Psaumes) 22:24

“Ala so ayeke kpe mbeto ti KOTA GBIA, ala gonda lo! Ala azo ti mara ti Jacob kue, ala ne lo! Ala azo ti mara ti Israel kue, ala duti na mbeto ti lo!

Abia (Psaumes) 22:5

Ando, akotara ti e azia be ti ala na ndö ti mo, ala zia be ti ala na ndö ti mo si mo zi ala na ya ti ye ti sioni.

Abia (Psaumes) 79:11

Ayeke nzoni dema ti azo ti kanga ague ngbii asi na mo. Azo so a fâ ngbanga ti kuâ na li ti ala so, mo so mo yeke na ngangu mingi so, ayeke nzoni mo bata ala na fini.

Sigingo 6:5

Fadeso, mbi wani, mbi ma demango tere ti azo ti Israel so azo ti Ezipte asara ala na ngbaa; mbi dabe ti mbi na mbuki ti mbi na ala.

Wungo ti azo 20:16

E dekongo na *KOTA GBIA, lo ma e si lo tokua mbeni *ange ti lo ti sigigi na e na Ezipte. E yeke fadeso na Kades, gbata so ayeke na katikati ti sese ti mo.

Awatokua 7:34

Mbi baa azo ti mbi ayeke baa pasi mingi na Ezipte, mbi ma toto ti ala si mbi zu ti zi ala na gbe ti ngbaa. Fadeso mo gue, mbi yeke tokua mo na Ezipte.’

Awafango-ngbanga 2:18

Lakue tongana KOTA GBIA amu mbeni wafango-ngbanga na ala, KOTA GBIA ayeke na lo; wafango-ngbanga ni ayeke zi azo ti Israel na maboko ti awato ti ala na ngoi so kue wafango-ngbanga ni angba na fini. KOTA GBIA ayeke baa mawa ti ala tongana ala yeke dema tere ndali ti pasi so ala yeke baa na gbe ti azo so ayeke sara sana na ala.

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”