Sigingo 2:23 - Mbeti ti Nzapa - Tënë so amu fini

²³ Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Sigingo 2:23 Iomraidhean Croise

Tongo nda ti aye 16:11

Baa, mo yeke na ngo; mo yeke du molenge-koli; mo yeke di iri ti lo Ismael, ngbanga ti so KOTA GBIA ama toto ti mo awe

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

Néhémie 9:9

Pasi so akotara ti e abaa lani na Ezipte, mo baa ni kue; mo ma toto ti ala na yanga ti kota ngu-ingo ti Asosongo.

Mbeti ti Job 35:9

Tongana a nika azo, ala yeke dema tere ti ala; ala yeke dekongo na gbe ti azo ti sarango ngangu.

Abia (Psaumes) 102:1

Sambela ti zo ti mawa so ye ahon ndö ti lo si lo yeke dema tere ti lo na KOTA GBIA.

Abia (Psaumes) 102:2

KOTA GBIA, ma sambela ti mbi, ayeke nzoni toto ti mbi asi na mo.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 18:6

Gbanda ti ndo ti akuâ agbu mbi, kuâ azia kuku ti lo na dawa ti mbi ti gbu mbi.

Sigingo 1:14

Ala sara si dutingo ti azo ti Israel aga ngangu na lege ti angangu kua ti ngbaa: sarango potopoto ti pika na biriki, gbotongo abiriki nga na sarango akua kue ti yaka; so ti tene, azo ti Ezipte asara pasi mingi na azo ti Israel na lege ti sarango angangu kua nde nde.

Sigingo 4:19

Kâ na sese ti Madian, KOTA GBIA atene na Moïse: “Kiri na Ezipte, ngbanga ti so azo so agi lege lani ti fâ mo so akui awe.”

Sigingo 6:5

Fadeso, mbi wani, mbi ma demango tere ti azo ti Israel so azo ti Ezipte asara ala na ngbaa; mbi dabe ti mbi na mbuki ti mbi na ala.

Sigingo 6:9

Moïse atene peko ti atënë so kue na azo ti Israel, me ala ma lo pepe, ngbanga ti so angangu kua ti ngbaa asara si be ti ala awoko.

Sigingo 7:7

Na ngoi so Moïse na Aaron ague, atene tënë na Faraon so, ngu ti Moïse ayeke balemiombe, ngu ti Aaron ayeke balemiombe na ota.

Ésaïe 19:20

So ayeke mbeni ye so ayeke fa atene, KOTA GBIA so ayeke na ndö ti dunia kue ayeke na ya ti kodro ti Ezipte. Tongana azo ti Ezipte adekongo na KOTA GBIA ndali ti azo so ayeke sara ngangu na ala, fade lo yeke tokua mbeni wasongo ala so ayeke gbu koko ti ala si ayeke zi ala.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Wungo ti azo 20:16

E dekongo na *KOTA GBIA, lo ma e si lo tokua mbeni *ange ti lo ti sigigi na e na Ezipte. E yeke fadeso na Kades, gbata so ayeke na katikati ti sese ti mo.

Awatokua 7:30

“Ngu baleosio na pekoni, na ya ti benyama, nduru na hoto ti Sinai, mbeni *ange asi na Moïse na ya ti mbeni wâ so ayeke za na ya ti kete keke ti ki.

Ndia ti fani use ni 24:15

Gi na lango so lo sara kua na mo, mo futa lo; mo futa lo kozoni si ndo avuko, ngbanga ti so lo yeke wayere, be ti lo ayeke gi na ndö ti futa ni so. Tongana mo futa lo pepe si lo toto na iri ti mo na *KOTA GBIA, andaa siokpari ati na li ti mo awe.

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.

Awafango-ngbanga 4:3

Yabin ayeke na apusu ti bira ngbangbo gumbaya so a sara na wen; lo sara sana na azo ti Israel na ya ti ngu baleuse. Tongaso azo ti Israel adekongo na KOTA GBIA titene lo mu maboko na ala.

1 Samuel 12:8

So Jacob asi lani na Ezipte, akotara ti ala atoto na KOTA GBIA. KOTA GBIA atokua Moïse na Aaron ti sara si akotara ti ala asigigi na sese ti Ezipte, ti zia ala na ya ti kodro so.

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”