Sigingo 2:22 - Mbeti ti Nzapa - Tënë so amu fini

²² Sefora adu molenge-koli si Moïse adi iri ti lo Gershom, so ti tene ‘Gene na ndo so’. Biani, Moïse atene lani, atene: “Mbi yeke gene na sese ti awande.”

Sigingo 2:22 Iomraidhean Croise

Tongo nda ti aye 23:4

“Mbi yeke wande so aduti na popo ti ala, mbi yeke wande so aga ndali ti mbeni kete ngoi. Ayeke nzoni ala mu na mbi mbeni sese ti ala titene mbi lu kuâ ti wali ti mbi daa, wali ti mbi so ahon na tere ti mbi so.”

1 Mbai 16:20

Ala yeke londo na ndo ti ambeni mara, ala yeke gue na ndo ti ambeni mara nde; ala yeke londo na mbeni kodro-gbia, ala yeke gue na mbage ti ambeni kodro-gbia.

1 Mbai 29:15

Biani, na le ti mo, e yeke awande, e yeke agene tongana akotara ti e. Fini ti e na ndö ti sese so ayeke tongana gbe ti de so ayeke hon hongo, mbeni ye titene e zia be ti e ti ku ayeke daa pepe.

Abia (Psaumes) 119:19

Mbi yeke wande na sese so, honde atënë ti ndia ti mo na mbi pepe.

Abia (Psaumes) 39:12

Tongana mo ye ti kiri zo na nzoni lege, mo yeke pika lo ndali ti sioni ti lo. Mo yeke buba ye so lo ye mingi tongana ti so ngusu ayeke buba ye. Biani, zo ayeke gi pupu senge! Luti kete

Sigingo 2:10

So molenge ni amai awe, mama ti lo ague na lo na molenge ti Faraon ti wali. Molenge ti Faraon amu lo tongana molenge ti lo si lo tene: “Ndali ti so mbi gboto lo na ya ti ngu si mbi sigigi na lo, mbi di iri ti lo Moïse.”

Sigingo 22:21

Alingbi ala sara ngangu pepe na wali-mua nga na nyindu.

Sigingo 4:20

Tongaso Moïse amu wali ti lo na amolenge ti lo ti koli, lo zia ala na ndö ti lele si lo kiri na sese ti Ezipte. Lo mu na maboko ti lo keke so Nzapa atene na lo ti mu ni so.

Awayango-sandaga 25:23

“Fade zo ayeke ka sese biani biani pepe, ngbanga ti so sese ayeke ti mbi KOTA GBIA. Ti ala, fade ala yeke duti tongana awande wala agene na kodro ti mbi.

Awatokua 7:29

So Moïse ama tënë so, lo kpe, lo gue, lo duti na kodro ti Madian. Kâ, lo du amolenge-koli use.

Awafango-ngbanga 18:30

Azo ti Dan amu yanda ti Mika si aga nzapa so ala yeke voro ni. Jonatan, molenge ti Gershom, molenge ti Moïse aga wayango-sandaga ti mara ti Dan. *Ahale ti Jonatan agbu kua ni ngbii asi na ngoi so a gbu azo ti kodro ni, a gue na ala na kodro wande.

1 Samuel 1:20

Anne amu ngo si lo du molenge-koli, lo di iri ti lo Samuel. Anne atene: “Mbi di iri ti lo Samuel, ngbanga ti so ayeke molenge so mbi hunda na maboko ti KOTA GBIA.”