Sigingo 2:20 - Mbeti ti Nzapa - Tënë so amu fini

²⁰ Reuel ahunda amolenge ti lo, atene: “Lo yeke na ndo wa? Ala zia lo kâ ngbanga ti nyen? Ala gue, airi lo, lo ga, lo te kobe!”

Sigingo 2:20 Iomraidhean Croise

Tongo nda ti aye 18:5

Mbi yeke ga na kete kobe titene ala te, ala wara ngangu si ala hon, ngbanga ti so ala si na tere ti mbi, zo ti gbe ti ala awe.” Ala kiri tënë na lo, atene: “Sara tongana ti so mo tene so.”

Tongo nda ti aye 29:13

So Laban ama tënë ti singo ti Jacob, molenge ti ita ti lo ti wali, lo kpe, lo gue, lo wara lo. Lo gbu lo ngangu na kate ti lo, lo su ngbangba ti lo si lo gue na lo na da ti lo. Jacob afa na lo peko ti aye so kue asi.

Tongo nda ti aye 31:54

Jacob amu *sandaga na Nzapa na ndö ti hoto ni. Lo tisa a-ita ti lo ti te kobe. Na peko ti so ala te kobe awe, ala lango na ndö ti hoto ni na bi ni so.

Tongo nda ti aye 43:25

Aye so ala ga na ni ti mu na Joseph so, ala leke ni azia ni nduru ti ku na gango ti Joseph na bekombite, ngbanga ti so ala ma a tene, ala na lo ayeke te kobe na ndo so.

Mbeti ti Job 31:32

Laoko wande alango na gigi pepe, yanga ti da ti mbi ayeke lakue na zingo ni ndali ti azo so ayeke tambula na lege.

Mbeti ti Job 42:11

A-ita ti lo ti koli, a-ita ti lo ti wali nga na azo so ahinga lo kozoni, ala kue aga ti baa lo. Ala te kobe na ndo ti lo, ala fa nzoni be ti ala na lo, ala de be ti lo ndali ti aye ti vundu so Nzapa asara si aga na ndö ti lo. Na pekoni, zo oko oko amu na lo kadoo ti kota le ti nginza oko nga na *kati oko so a sara na lôro.

Sigingo 2:19

Ala kiri tënë: “Mbeni zo ti Ezipte laa azi e na maboko ti azo ti batango nyama. Gi lo laa lo to ngu na e si lo mu ngu na anyama ti e, ala nyon.”

Sigingo 2:21

Moïse ayeda ti ngba na ndo ti Zetro. Zetro amu Sefora, molenge ti lo ti wali, ti ga wali ti Moïse.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.