Sigingo 2:11 - Mbeti ti Nzapa - Tënë so amu fini

¹¹ So Moïse aga koli awe, mbeni lâ, lo gue na mbage ti a-ita ti lo si lo baa angangu kua so a mu na ala ti sarango ni. Lo baa nga mbeni zo ti Ezipte so ayeke pika mbeni hebro, mbeni ita ti Moïse ni.

Sigingo 2:11 Iomraidhean Croise

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Sigingo 5:14

Na ndö ni kue, azo ti Ezipte ayeke pika akapita ti kua ti azo ti Israel, ala so amakonzi azia ala na ndö ti azo ti kua ni so. Ala hunda ala, atene: “Ngbanga ti nyen si na ya ti alango so, ala sara wungo ti abiriki so a hunda na ala alingbi na wungo ti kozoni pepe so?”

Sigingo 5:4

Gbia ti Ezipte atene na ala: “Moïse na Aaron, ala ye titene azo so ado kua ti ala azia ngbanga ti nyen? Ala kiri na yanga ti akua ti ala ti ngbaa!”

Sigingo 5:5

Faraon atene: “Fadeso, azo so aga gbani awe; ala ye titene azo ni azia kua ti ala?”

Sigingo 5:9

Ayeke nzoni ala mu na azo ni gba ti kua so ane na ndö ti ala titene ala sara, tongaso si ala zia be ti ala na atënë ti mvene so pepe!”

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Matthieu 11:28

“Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,