Sigingo 2:10 - Mbeti ti Nzapa - Tënë so amu fini

¹⁰ So molenge ni amai awe, mama ti lo ague na lo na molenge ti Faraon ti wali. Molenge ti Faraon amu lo tongana molenge ti lo si lo tene: “Ndali ti so mbi gboto lo na ya ti ngu si mbi sigigi na lo, mbi di iri ti lo Moïse.”

Sigingo 2:10 Iomraidhean Croise

Tongo nda ti aye 16:11

Baa, mo yeke na ngo; mo yeke du molenge-koli; mo yeke di iri ti lo Ismael, ngbanga ti so KOTA GBIA ama toto ti mo awe

Tongo nda ti aye 4:25

Adam akiri aduti na wali ti lo. Lo du mbeni molenge-koli si lo di iri ti lo Set. Lo tene na be ti lo, lo tene: “Nzapa amu na mbi mbeni molenge na plase ti Abel so Kain afâ lo awe.”

Tongo nda ti aye 48:5

Fadeso, amolenge-koli use so mo du ala na sese ti Ezipte kozoni si mbi ga na peko ti mo na kodro ni so, ayeke ti mbi. Efraim na Manase ayeke amolenge ti mbi tongana ti so Ruben na Siméon ayeke amolenge ti mbi so.

2 Samuel 22:17

Na nduzu kâ, KOTA GBIA ayoro maboko ti lo si lo gbu mbi; lo gboto mbi na ya ti kota ngu sigigi na ni.

Sigingo 2:9

Molenge ti Faraon ti wali atene na mama ni: “Gue na molenge so, mo mu me na lo; fade mbi yeke futa mo ndali ni.” Wali ni amu molenge ni si lo mu na lo me.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Galasii 4:5

titene lo zi azo so ayeke na gbe ti ngangu ti Ndia ni si e kue, e ga amolenge ti Nzapa.

Ahebro 11:24

Na lege ti mabe, tongana Moïse akono awe, lo ke titene azo airi lo molenge ti molenge ti Faraon ti wali.

1 Jean 3:1

Ala baa yengo so Babâ aye na e! Lo ye e ahon ndoni, ndani laa, a yeke iri e amolenge ti Nzapa. Biani, e yeke amolenge ti lo! Me azo ti dunia so ahinga e pepe, ngbanga ti so ala hinga Nzapa pepe.

1 Samuel 1:20

Anne amu ngo si lo du molenge-koli, lo di iri ti lo Samuel. Anne atene: “Mbi di iri ti lo Samuel, ngbanga ti so ayeke molenge so mbi hunda na maboko ti KOTA GBIA.”