Sigingo 19:6 - Mbeti ti Nzapa - Tënë so amu fini

⁶ Me ti ala, ala yeke duti ande kodro-gbia ti awayango-sandaga ndali ti mbi; ala yeke ga mara so ayeke nde si ayeke nzoni kue.’ Baa, tënë so fade mo yeke tene na azo ti Israel laa.”

Sigingo 19:6 Iomraidhean Croise

1 Agbia 3:8

Mbi zo ti kua mo, mbi yeke na li ti azo ti mo so mo soro ala. Ala yeke gbani gbani, zo alingbi ti diko ala pepe.

1 Agbia 8:53

Biani, Kota Gbia NZAPA, mo laa mo soro e na popo ti amara kue ti sese so titene e ga azo ti mo. Mo tene tënë ni na e na lege ti Moïse, zo ti kua ti mo na ndembe so mo sara si akotara ti e asigigi na kodro ti Ezipte.”

1 Mbai 17:22

Mo mu azo ti Israel titene ala duti azo ti mo kpu na kpu; ti mo KOTA GBIA, mo ga Nzapa ti ala.

Abia (Psaumes) 114:2

sese ti Juda aga ndo so a zia ni nde ndali ti Kota Gbia; sese ti Israel aga na gbe ti komandema ti lo.

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Sigingo 28:36

“Fade ala yeke mu lôro ti nzoni ni, ala leke na mbeni palata so akpa kongo, ala yeke kpaka na ndö ni mbeni tënë tongaso: ‘Ye so a zia nde ndali ti KOTA GBIA.’

Ésaïe 43:4

Mbi sara tongaso, ngbanga ti so na le ti mbi, ngere ti mo ayeke ngangu, mo ne na le ti mbi si mbi ye mo. Tongaso, mbi mu azo na plase ti mo, mbi mu amara ti sanze na mo.

Ésaïe 61:6

Me ti ala, fade a yeke iri ala “Awayango-sandaga ti KOTA GBIA”. A yeke di iri ti ala “Azo ti kua ti Nzapa ti e”. Ala yeke te anzoni ye ti amara nde, ala yeke pika kate ti ala ndali ti amosoro ti azo ni.

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Ésaïe 66:21

Ataa na popo ti amara ni, mbi yeke soro ambeni ti ga awayango-sandaga, mbi yeke soro ambeni ti ga tongana azo ti mara ti Lévi; tënë so KOTA GBIA atene laa.”

Jérémie 13:11

Tongana ti so zo akanga kamba ti ndö ti bongo na ngbonda ti lo, mbi kanga lani azo ti Israel na azo ti Juda na tere ti mbi titene ala duti azo ti mbi, azo ti mungo iri ti mbi na nduzu, azo ti gondango mbi nga na aye ti pendere ti mbi. Me ala ye ti ma mbi pepe; so tënë ti yanga ti KOTA GBIA laa.”

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Awayango-sandaga 19:2

Mo tene na bongbi ti azo ti Israel kue, mo tene: “Ayeke nzoni ala duti nde si ala duti nzoni kue, ngbanga ti so mbi KOTA GBIA Nzapa ti ala, mbi yeke nde si mbi yeke nzoni kue.

Awayango-sandaga 20:24

Mbi tene lani na ala azo ti Israel, mbi tene: ‘Ala laa ayeke mu ande sese ti amara ni titene aga ti ala. Mbi laa mbi yeke mu sese ni na ala titene aga ti ala: *sese so ngu ti me ti bagara na mafuta ti wotoro asi singo daa!’ Mbi laa mbi yeke KOTA GBIA, Nzapa ti ala so mbi zia ala nde na popo ti amara nde.

Awayango-sandaga 20:26

“Ayeke nzoni ala duti nde, ala duti nzoni kue ndali ti mbi, ngbanga ti so mbi KOTA GBIA, mbi yeke nde si mbi yeke nzoni kue. Mbi zia ala nde na popo ti amara nde titene ala ga azo ti mbi.

Awayango-sandaga 21:23

Me ndali ti so mbeni mbage ti tere ti lo abuba, lo lingbi ti gue nduru na ridoo wala nduru na gbalaka pepe. Ndo so a zia nde ndali ti mbi na aye ti ndo ni kue, alingbi lo sara si aga sioni pepe. Mbi laa mbi yeke KOTA GBIA so mbi yeke sara titene ala duti nde si ala duti nzoni kue.”

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Aggée 2:5

Na ndembe so ala londo ando na Ezipte ti sigigi, mbi deba yanga ti mbi na ala. Tongaso, Yingo ti mbi ayeke duti na popo ti ala, ala sara mbeto oko pepe!

Wungo ti azo 16:3

Ala kue atomboka na tere ti Moïse na Aaron si ala tene: “Ye ni afun sen awe! Azo ti Israel kue ayeke azo so *KOTA GBIA azia ala nde ndali ti lo; KOTA GBIA ayeke nga na popo ti e kue. Ngbanga ti nyen si ala mu tere ti ala tongana azo so ayeke na ndö ti bongbi ti azo ti KOTA GBIA kue so?”

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

1 Korente 3:17

Tongana mbeni zo abuba da ti Nzapa, fade Nzapa ayeke buba lo. Biani, da ti Nzapa ayeke nde si ayeke nzoni kue, ala laa ayeke da ti Nzapa ni.

Ndia ti fani use ni 14:21

Nyama so akui na be ti lo wani, alingbi ala te lo pepe. Ala mu nyama ni na wande so asara kodro na ndo ti ala, wala ala ka nyama ni kango na mbeni wande. Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.

Ndia ti fani use ni 26:19

Biani, KOTA GBIA Nzapa ti ala aye ti mu iri ti ala na nduzu, ti ne ala, ti sara titene ala wara gonda ahon tanga ti amara so kue lo sara ala. Lo ye titene ala ga azo ti lo wani so ayeke nde si ayeke nzoni kue, tongana ti so lo tene na ala.

Ndia ti fani use ni 28:9

Tongana ala bata atënë ti ndia ti KOTA GBIA si ala sara ye alingbi na ni, fade lo yeke sara si ala ga azo ti lo so ayeke nde si ayeke nzoni kue, alingbi na zendo so lo mu na ala.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

1 Tesalonike 5:27

Mbi hunda na ala na ngangu na iri ti Kota Gbia titene ala diko mbeti so na a-ita, azo ti Christ kue.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 20:6

Ti ala nzoni, ala so ayeke na popo ti akozo kuâ so azingo! Ala yeke ti ala biani azo ti Nzapa, kuâ ti use ni ayeke na ngangu na ndö ti ala pepe. Ala yeke ga awayango-sandaga ti Nzapa na ti Christ si ala na lo ayeke le-gbia na ya ti ngu saki oko.

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”