Sigingo 19:5 - Mbeti ti Nzapa - Tënë so amu fini

⁵ Fadeso, tongana ala ma tënë ti mbi si ala bata tënë ti *mbuki ti mbi, fade ala yeke ga azo ti mbi wani na popo ti amara kue. Biani, sese kue ayeke ti mbi.

Sigingo 19:5 Iomraidhean Croise

Tongo nda ti aye 17:9

Nzapa akiri atene na Abraham: “Bata tënë ti mbuki ti mbi so; mo na ahale ti mo so ayeke ga ande na peko ti mo, na lege ti molongo ti dungo ala oko oko.

1 Agbia 8:53

Biani, Kota Gbia NZAPA, mo laa mo soro e na popo ti amara kue ti sese so titene e ga azo ti mo. Mo tene tënë ni na e na lege ti Moïse, zo ti kua ti mo na ndembe so mo sara si akotara ti e asigigi na kodro ti Ezipte.”

1 Mbai 17:22

Mo mu azo ti Israel titene ala duti azo ti mo kpu na kpu; ti mo KOTA GBIA, mo ga Nzapa ti ala.

Mbeti ti Job 41:11

Awâ ti bekpa ayeke sigigi na yanga ti lo, ale ti wâ ayeke sigigi mbage na mbage.

Mbeti ti Job 41:3

Zo wa laa boon ti lo ayeke na li ti mbi so mbi lingbi ti kiri ni na lo? Aye so kue ayeke na ndö ti sese, ayeke ti mbi.

Abia (Psaumes) 135:4

Biani, KOTA GBIA asoro Jacob ndali ti lo wani, lo soro Israel titene aga ye ti lo wani.

Abia (Psaumes) 24:1

Bia ti David. Sese so na aye ti ndö ni kue ayeke ti *KOTA GBIA. Dunia so na azo ti ndö ni kue ayeke ti lo.

Abia (Psaumes) 25:10

Alege ti KOTA GBIA kue afa so lo yeke bata tënë ti yanga ti lo si lo yeke tene taa-tënë na azo so abata atënë ti mbuki ti lo.

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Sigingo 23:22

Me tongana ala ma yanga ti lo si ala sara ye so kue mbi mu yanga na ala ti sarango ni, fade mbi yeke ga wato ti awato ti ala; mbi yeke ke azo so ayeke ke ala.

Sigingo 24:7

Lo mu mbeti ti mbuki si lo diko na le ti azo ni. Azo ni atene: “Atënë so kue KOTA GBIA atene, fade e yeke sara ye alingbi na ni, fade e yeke ma yanga ti lo.”

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Sigingo 8:22

Moïse akiri tënë: “E lingbi ti sara tongaso pepe, ngbanga ti so asandaga so e yeke ya na KOTA GBIA, Nzapa ti e so ayeke sioni ye mingi na le ti azo ti Ezipte. Tongana ala baa e na yango mara ti asandaga tongaso, fade ala yeke bo e na têne!

Sigingo 9:29

Moïse akiri tënë na lo: “Gi so mbi yeke sigigi na ya ti gbata ni, mbi yeke yoro maboko ti mbi na mbage ti KOTA GBIA ti sambela lo. Fade bekpa na pembe ti bekpa ni ayeke kai. Tongaso, mo yeke hinga, mo tene, sese ayeke ti KOTA GBIA.

B. ti abia 8:12

Salomon, mo lingbi ti bata ale ti nginza saki oko so senge; mo mu ale ti nginza ngbangbo use na azo ti batango vinye ti mo. Yaka ti vinye ti mbi, mbi wani, mbi yeke bata ni.

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 43:1

Me fadeso mo Jacob, lo so lo sara mo, mo Israel, lo so lo leke mo, tënë so KOTA GBIA atene ayeke so: “Mo sara mbeto pepe, mbi zi mo awe, mbi iri mo na iri ti mo, mo yeke ti mbi.

Ésaïe 56:4

Biani, tënë so KOTA GBIA atene ayeke so: “Ambaiwa so ayeke sara ye alingbi na lango ti wungo tere, ala so asoro ti sara ye so anzere na be ti mbi, ala so agbu tënë ti *mbuki ti mbi ngangu,

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Jérémie 13:11

Tongana ti so zo akanga kamba ti ndö ti bongo na ngbonda ti lo, mbi kanga lani azo ti Israel na azo ti Juda na tere ti mbi titene ala duti azo ti mbi, azo ti mungo iri ti mbi na nduzu, azo ti gondango mbi nga na aye ti pendere ti mbi. Me ala ye ti ma mbi pepe; so tënë ti yanga ti KOTA GBIA laa.”

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Awayango-sandaga 20:24

Mbi tene lani na ala azo ti Israel, mbi tene: ‘Ala laa ayeke mu ande sese ti amara ni titene aga ti ala. Mbi laa mbi yeke mu sese ni na ala titene aga ti ala: *sese so ngu ti me ti bagara na mafuta ti wotoro asi singo daa!’ Mbi laa mbi yeke KOTA GBIA, Nzapa ti ala so mbi zia ala nde na popo ti amara nde.

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Malashii 3:17

Na pekoni, tënë so KOTA GBIA so ayeke na ndö ti dunia kue atene laa: “Na lango so mbi yeke fa ngangu ti mbi, azo ni ayeke ga azo ti mbi, ala yeke ga ye ti mbi wani. Fade mbi yeke sara nzoni be na ala tongana ti so babâ ayeke sara nzoni be na molenge ti lo ti koli so ayeke sara kua na lo.

1 Korente 10:26

Biani, sese na aye so kue ayeke na ndö ni ayeke ti *Kota Gbia.

1 Korente 10:28

Me tongana mbeni zo atene na ala: “Kasa ti nyama ni ayeke ti nyama so azo aya na *sandaga na anzapa nde”, ala te ni pepe, ndali ti zo so atene tënë ni na ala so, tongaso si be ti zo ni agi ti lo pepe.

Ndia ti fani use ni 10:14

Yayu so akono ahon ndoni, sese na aye so kue ayeke na ndö ni ayeke ti KOTA GBIA Nzapa ti ala.

Ndia ti fani use ni 11:27

Tongana ala ma andia ti KOTA GBIA so mbi fa na ala laso, fade KOTA GBIA Nzapa ti ala ayeke sara tufa na ndö ti ala.

Ndia ti fani use ni 14:2

Biani, ala yeke azo ti mara so a zia ala nde ndali ti KOTA GBIA Nzapa ti ala. Na popo ti amara ti sese kue, gi ala laa KOTA GBIA Nzapa ti ala asoro ala titene ala ga azo ti lo wani.

Ndia ti fani use ni 14:21

Nyama so akui na be ti lo wani, alingbi ala te lo pepe. Ala mu nyama ni na wande so asara kodro na ndo ti ala, wala ala ka nyama ni kango na mbeni wande. Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.

Ndia ti fani use ni 26:18

Laso KOTA GBIA asara si ala mu zendo so, atene: fade ala yeke duti azo ti lo wani, ala yeke sara ye alingbi na atënë ti ndia ti lo kue.

Ndia ti fani use ni 26:19

Biani, KOTA GBIA Nzapa ti ala aye ti mu iri ti ala na nduzu, ti ne ala, ti sara titene ala wara gonda ahon tanga ti amara so kue lo sara ala. Lo ye titene ala ga azo ti lo wani so ayeke nde si ayeke nzoni kue, tongana ti so lo tene na ala.

Ndia ti fani use ni 28:1

Moïse atene: Tongana ala ma yanga ti *KOTA GBIA Nzapa ti ala biani si ala sara ye alingbi na atënë ti ndia so kue mbi mu yanga na ala daa laso, fade KOTA GBIA Nzapa ti ala ayeke mu iri ti ala na nduzu ahon tanga ti amara ti sese so kue.

Ndia ti fani use ni 28:9

Tongana ala bata atënë ti ndia ti KOTA GBIA si ala sara ye alingbi na ni, fade lo yeke sara si ala ga azo ti lo so ayeke nde si ayeke nzoni kue, alingbi na zendo so lo mu na ala.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 5:2

*KOTA GBIA Nzapa ti e asara *mbuki na e na hoto ti Horeb.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Ndia ti fani use ni 9:29

Andaa ala yeke azo ti mo, ala ga ye ti mo awe. Mo sara si ala sigigi na lege ti kota ngangu ti mo nga na lege ti maboko ti mo so mo yoro.”

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.

Josué 24:24

Azo ni akiri tënë na Josué, atene: “Biani, e yeke sara kua na KOTA GBIA, Nzapa ti e; e yeke ma yanga ti lo!”

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.