Sigingo 19:3 - Mbeti ti Nzapa - Tënë so amu fini

³ Moïse ague na li ti hoto ti wara tere na Nzapa. Kâ na li ti hoto ni, KOTA GBIA airi lo si atene na lo: “Baa, tënë so fade mo yeke tene na azo ti mara ti Jacob, azo ti Israel ayeke so:

Sigingo 19:3 Iomraidhean Croise

Sigingo 19:20

KOTA GBIA azu na ndö ti hoto ti Sinai, na li ti hoto ni, lo iri Moïse si Moïse ague na ndö ti hoto ni.

Sigingo 20:21

Azo ni aluti yongoro, me Moïse ague nduru na tere ti mbinda so avuko vukongo si Nzapa ayeke daa so.

Sigingo 24:12

KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Sigingo 24:13

Moïse alondo, lo na Josué, zo ti mungo maboko na lo, ala ma na li ti hoto ti Nzapa.

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Sigingo 3:4

So KOTA GBIA abaa atene, Moïse angoro ti baa ye ni so, na ya ti kete keke ti ki ni kâ, Nzapa airi lo: “Moïse, Moïse!” Moïse ayeda, atene: “Mbi laa!”

Sigingo 34:2

Kekereke na ndaperere, mo leke tere ti mo. Na kota ndaperere, mo gue na ndö ti hoto ti Sinai, mo luti kâ na dawa ti mbi na li ti hoto ni.

Sigingo 34:4

Moïse aleke atêne use si aga kpangbara tongana ti kozoni so. Na kota ndaperere, lo londo, lo gue na li ti hoto ti Sinai alingbi gi na yanga so KOTA GBIA amu na lo. Lo mu atêne ni si lo gue na ni.

Awayango-sandaga 1:1

KOTA GBIA airi Moïse; kâ na ya ti da ti bongo so lo na azo ti lo ayeke wara tere daa, lo mu yanga na lo

Awatokua 7:38

Na ndembe so azo ti Israel abongbi tere na benyama, Moïse laa ayeke ando zo ti tokua na popo ti ange so atene tënë na lo na ndö ti hoto ti Sinai nga na akotara ti e; lo laa lo wara atënë so ayeke mu fini na zo titene lo fa ni na e.