Sigingo 19:21 - Mbeti ti Nzapa - Tënë so amu fini

²¹ KOTA GBIA atene na Moïse: “Gue mo gboto mê ti azo ni titene ala do tere ti ala ti baa mbi pepe. Tongaso pepe, fade azo mingi na popo ti ala ayeke kui.

Sigingo 19:21 Iomraidhean Croise

Sigingo 3:3

Moïse atene na be ti lo: “Mbi yeke ngoro ti gue ti baa kota ye ti ndima so. Ngbanga ti nyen si wâ agbi keke ni pepe so?”

Sigingo 3:5

KOTA GBIA atene: “Ga nduru na kete keke ni pepe! Zi poro na gere ti mo, ngbanga ti so ndo so mo yeke luti daa so ayeke nde si ayeke nzoni kue.

Sigingo 33:20

KOTA GBIA atene: “Mo lingbi ti baa le ti mbi pepe. Biani, zo so abaa le ti mbi, lo yeke ngba na fini pepe.”

Zo ti bongbingo azo 5:1

Yanga ti mo ayapu na tenengo tënë hio hio pepe. Mo do tere ti mo ti mu zendo na Nzapa pepe, ngbanga ti so Nzapa ayeke na yayu si mo yeke ti mo na sese. Tongaso, ayeke nzoni mo diko gba ti atënë pepe.

Wungo ti azo 4:15

Tongana Aaron na amolenge ti lo akanga akungba ti da ni kue nga na aye so kue a yeke sara na kua na ya ti da ni, gi na ndembe so ala yeke londo ti hon, ahale ti Kehat ayeke ga ti yo aye ni. Me ala yeke ndu mbeni ye ti ya ti kungba ni oko pepe, ngbanga ti ala kui. So kua ti ahale ti Kehat laa.

Wungo ti azo 4:18

“Ala sara kue titene azo ti kete mara ti Kehat angba na fini na popo ti azo ti mara ti Lévi.

Wungo ti azo 4:19

Ala sara tongaso si azo ti kete mara ni alingbi ti ngba na fini, ala kui pepe na ndembe so ala yeke ga nduru na ndo so ayeke nde si ayeke nzoni kue ahon atanga ni: ti mo Aaron, mo na amolenge ti mo, fade ala yeke ga ti mu na zo oko oko kua ti lo nga na akungba ti lo ti yongo ni.

Wungo ti azo 4:20

Tongaso, azo ti kete mara ni ayeke li pepe ti baa aye so a zia ni nde ndali ti Nzapa, ataa na ya ti kete ngoi. Tongaso pepe, fade ala yeke kui.”

Ndia ti fani use ni 5:5

Na ngoi ni so, mbi luti na popo ti ala na KOTA GBIA ti tene na ala peko ti atënë ti KOTA GBIA. Biani, ala sara mbeto ti wâ ni si ala ma na li ti hoto ni pepe. KOTA GBIA atene:

1 Samuel 6:19

KOTA GBIA afâ azo ti Bet-Shemesh balembarambara na popo ti azo saki baleoku, ngbanga ti so ala baa sanduku ti mbuki ti KOTA GBIA. Azo ti gbata ni ayeke na ya ti kota mawa, ngbanga ti so KOTA GBIA asara ngangu na ala mingi.