Sigingo 19:17 - Mbeti ti Nzapa - Tënë so amu fini

¹⁷ Moïse asara si azo ni asigigi na ya ti bâbâ ni titene ala wara tere na Nzapa. Ala luti yongoro na gbe ti hoto ni.

Sigingo 19:17 Iomraidhean Croise

Sigingo 19:13

Ataa zo wala nyama, fade zo ayeke ndu lo pepe, me a yeke bo lo bongo na têne wala a yeke kpo lo na likongo ti fâ lo. Tongana a huru didi ti akoli-taba, fade ambeni zo ayeke ma na li ti hoto ni.”

Sigingo 19:16

Na ota lango ni, na kota ndaperere, bekpa asungba na li ti hoto ni, wâ ti bekpa aza si gba ti nengo mbinda akanga li ti hoto ni. Azo ama toto ti adidi ti akoli-taba so atoto ngangu. Na ya ti bâbâ ni, tere ti azo kue ado na mbeto.

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Awayango-sandaga 9:5

Aye so Moïse amu yanga daa so, ala mu ni, ague na ni na yanga ti da ti bongo so KOTA GBIA na azo ti lo ayeke wara tere daa. Bongbi ti azo ti Israel kue aga si ala luti na dawa ti KOTA GBIA.

Awatokua 7:38

Na ndembe so azo ti Israel abongbi tere na benyama, Moïse laa ayeke ando zo ti tokua na popo ti ange so atene tënë na lo na ndö ti hoto ti Sinai nga na akotara ti e; lo laa lo wara atënë so ayeke mu fini na zo titene lo fa ni na e.

Ndia ti fani use ni 4:10

Ala dabe ti ala na lango so ala luti lani na dawa ti *KOTA GBIA Nzapa ti ala, na hoto ti Horeb! KOTA GBIA atene lani na mbi, atene: “Mo bongbi azo ni kue na tere ti mbi; mbi ye ti fa na ala atënë ti mbi. Tongaso, fade ala yeke manda ti kpe mbi na lango so kue ala yeke duti na fini na ndö ti sese so. Fade ala yeke fa nga ni na amolenge ti ala.”

Ndia ti fani use ni 4:11

Na lango ni so, ala ga nduru, ala luti na gbe ti hoto ni; hoto ni kue ayeke gi wâ: menga ti wâ ni alondo ngbii asi na le ti nduzu, taa na ya ti guru so avuko pitipiti nga na ngbongboro mbinda.

Ndia ti fani use ni 5:5

Na ngoi ni so, mbi luti na popo ti ala na KOTA GBIA ti tene na ala peko ti atënë ti KOTA GBIA. Biani, ala sara mbeto ti wâ ni si ala ma na li ti hoto ni pepe. KOTA GBIA atene: