Sigingo 19:15 - Mbeti ti Nzapa - Tënë so amu fini

¹⁵ Na pekoni, lo tene na azo ni, lo tene: “Ala leke tere ti ala ndali ti ota lango ni. Ala bongbi na wali ti ala pepe.”

Sigingo 19:15 Iomraidhean Croise

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

Sigingo 19:11

Ayeke nzoni ala leke tere ti ala ndali ti ota lango ni. Biani, na ota lango ni laa mbi yeke zu na ndö ti hoto ti Sinai na le ti azo kue.

Sigingo 19:14

Moïse alondo na li ti hoto ni, lo zu ti ga na mbage ti azo ni. Lo sara si ala sukula sioni ti ala; ala sukula nga abongo ti ala.

Sigingo 19:16

Na ota lango ni, na kota ndaperere, bekpa asungba na li ti hoto ni, wâ ti bekpa aza si gba ti nengo mbinda akanga li ti hoto ni. Azo ama toto ti adidi ti akoli-taba so atoto ngangu. Na ya ti bâbâ ni, tere ti azo kue ado na mbeto.

Joël 2:16

ala bongbi azo ti kodro, ala iri azo ti bongbi ndali ti Nzapa. Ala bongbi ambakoro, ala bongbi amaseka nga na akete molenge so angba ti nyon me. Ayeke nzoni koli na wali so amu tere fini ni alondo na ya ti kubu ti ala asigigi.

Awayango-sandaga 15:18

“Tongana mbeni koli na mbeni wali aduti koli na wali, alingbi ala use kue asukula ngu; ala yeke ngba *sioni ngbii asi na lakui.

Amos 4:12

“Ndani laa Israel, baa lege so mbi yeke sara ande na mo laa! Ndali ti so mbi yeke sara ye tongaso na mo, Israel, leke tere ti mo ti tengbi na Nzapa ti mo!”

Zakarii 6:3

na tere ti ota pusu ni, a kanga ambarata so tere ti ala avuru vurungo si na tere ti osio pusu ni, a kanga ambarata so nzoroko ti bengba ayeke na tere ti ala.

Zakarii 7:3

ti hunda tënë so na awayango-sandaga so ayeke sara kua na ya ti kota da ti KOTA GBIA so ayeke na ndö ti dunia kue nga na awayanga-Nzapa; hundango tënë ni ayeke so: “Alingbi e ngba ti toto, ti ke kobe na nze oku ni ti sambela tongana ti so e sara na ya ti angu mingi so ahon so?”

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.

Matthieu 24:44

Ndani laa, ala nga, ala leke tere ti ala ti ku, ngbanga ti so Molenge ti Zo ayeke ga ande na ngbonga so ala hinga pepe.”

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.