Sigingo 18:9 - Mbeti ti Nzapa - Tënë so amu fini

⁹ Tere ti Zetro anzere ndali ti nzoni ye so kue KOTA GBIA asara na azo ti Israel, so lo zi ala na maboko ti azo ti Ezipte.

Sigingo 18:9 Iomraidhean Croise

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Ésaïe 66:10

Ala so kue aye Jérusalem, ala na lo aduti na ngia, ala dodo na ngia ndali ti lo. Ala so kue lani asara mua ndali ti ye ti vundu so asi na lo, ayeke nzoni be ti ala asi singo na ngia ndali ti lo.

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

Rome 12:15

Ala sara ngia na azo so ayeke na ngia, ala toto na azo so ayeke toto.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

1 Samuel 15:6

Saul atene na azo ti Keni: “Ala ngba na popo ti azo ti Amalek pepe; ala londo na tere ti ala ahon yongoro. Mbi ye titene mbi fâ ala na azo ti Amalek kue pepe, ngbanga ti so na ngoi so amolenge ti Israel alondo ando na sese ti Ezipte ti sigigi so, ala, azo ti Keni asara nzoni na ala.” Tongaso, azo ti Keni alondo na tere ti azo ti Amalek ahon.