Sigingo 18:16 - Mbeti ti Nzapa - Tënë so amu fini

¹⁶ Tongana ala yeke na mbeni tënë, ala yeke ga na mbage ti mbi, mbi yeke fâ ya ti ngbanga na popo ti ala; mbi yeke fa nga na ala ambela ti Nzapa na andia ti lo.”

Sigingo 18:16 Iomraidhean Croise

2 Samuel 15:3

Absalom ayeke tene na lo: “Mo baa, tënë ti mo ayeke nzoni si ayeke na legeni. Me mbeni zo ti ma mo ande na ndo ti gbia ayeke daa pepe.”

2 Mbai 19:10

Tongana a-ita ti ala so ayeke lango na ya ti agbata nde nde aga na mbeni tënë na gbe ti ala titene ala fâ ngbanga ni, ataa ayeke tënë ti fango zo, wala tënë ti sarango ye so ake ndia, wala tënë ti ye so ake mbela ti Nzapa, wala ye so ake kpengba tënë ti Nzapa, wala ye so ake lege ti sarango ye ti azo, ayeke nzoni ala fa nda ni na a-ita ti ala, tongaso si a-ita ti ala ni asara sioni ti ke KOTA GBIA pepe si ngonzo ti KOTA GBIA ati na ndö ti ala nga na ndö ti a-ita ti ala ni pepe. Tongana ala sara tongaso, fade mbeni tënë oko ayeke na li ti ala pepe.

Mbeti ti Job 31:13

Tongana zo ti kua ti mbi ti koli wala ti wali awara tënë na mbi, mbi yeke baa tënë ti ala na legeni lakue.

Sigingo 18:17

Kogara ti Moïse atene na lo: “Lege ti sarango kua ti mo so ayeke nzoni pepe.

Sigingo 2:13

Lango oko na pekoni, lo kiri lo gue si lo baa ahebro use so ayeke tiri na popo ti ala. Lo tene na zo ti gingo tënë ni, atene: “Mo yeke pika mba ti mo ngbanga ti nyen?”

Sigingo 23:7

Ala zia mê ti ala ti ma atënë ti mvene pepe. Zo so tënë ayeke na li ti lo pepe wala zo ti mbirimbiri, ala fâ lo pepe. Biani, mbi Kota Gbia, zo so tënë ayeke na li ti lo, mbi yeke zia lo senge tongaso pepe.

Sigingo 24:14

Kozo titene Moïse ama na li ti hoto ni, lo tene na *akangba ni, lo tene: “Ala ku e ge ngbii e kiri, e ga, e wara ala. Aaron na Hur ayeke ngba na tere ti ala. Zo so ayeke na mbeni tënë, fade lo baa ala.”

Awayango-sandaga 24:15

Fade mo yeke tene na azo ti Israel, mo tene: “Tongana mbeni zo azonga Nzapa ti lo, fade ngbanga ti sioni ti lo ayeke kiri na li ti lo wani.

Wungo ti azo 15:35

*KOTA GBIA atene na Moïse: “Alingbi ala fâ koli so! Bongbi ti azo ni kue amu lo, asigigi na lo na ya ti bâbâ, ala bo lo na têne.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

1 Korente 6:1

Na popo ti ala, tongana mbeni zo ayeke na tënë na mba ti lo, ngbanga ti nyen laa lo yeke gue na tënë ni ngbii na gbe ti azo so ahinga Nzapa pepe so? Lo lingbi fade ti gue na ni na gbe ti azo ti Nzapa pepe?

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Ndia ti fani use ni 5:1

Moïse airi azo ti Israel kue si lo tene na ala: “Ala azo ti Israel, ala ma aye so ndia afa nga na atënë ti ndia so mbi yeke tene na ala laso. Ala manda ni si ala sara kue ti sara ye alingbi na ni.

Ndia ti fani use ni 6:1

Moïse atene: So ayeke atënë ti yanga, aye so ndia afa nga na atënë ti ndia so *KOTA GBIA Nzapa ti ala amu yanga na mbi ti fa ni na ala, tongaso si ala lingbi ti sara ye alingbi na ni na ya ti kodro so ala yeke gue ti mu ni titene aga ti ala.

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.