Sigingo 18:12 - Mbeti ti Nzapa - Tënë so amu fini

¹² Na pekoni, Zetro, kogara ti Moïse aya *sandaga so a yeke gbi ni kue na wâ nga na asandaga nde nde na Nzapa. Tongaso Aaron na *akangba ti Israel kue aga ti te kobe na kogara ti Moïse na dawa ti Nzapa.

Sigingo 18:12 Iomraidhean Croise

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 26:25

Na ndo so, Isaac aleke mbeni gbalaka na Nzapa si lo iri KOTA GBIA na iri ti lo ti voro lo. Kâ, lo leke da ti lo ti bongo si azo ti kua ti lo akiri azi mbeni du ti ngu.

Tongo nda ti aye 26:30

Isaac aleke kobe ti matanga ndali ti ala si ala te, ala nyon.

Tongo nda ti aye 31:54

Jacob amu *sandaga na Nzapa na ndö ti hoto ni. Lo tisa a-ita ti lo ti te kobe. Na peko ti so ala te kobe awe, ala lango na ndö ti hoto ni na bi ni so.

Tongo nda ti aye 4:4

Abel nga aga na akozo molenge ti anyama ti lo so ayeke na mafuta mingi, lo mu na sandaga na KOTA GBIA. KOTA GBIA ayamba Abel na sandaga ti lo na ngia.

Tongo nda ti aye 43:25

Aye so ala ga na ni ti mu na Joseph so, ala leke ni azia ni nduru ti ku na gango ti Joseph na bekombite, ngbanga ti so ala ma a tene, ala na lo ayeke te kobe na ndo so.

Tongo nda ti aye 8:20

Noe aleke mbeni gbalaka ndali ti KOTA GBIA. Na popo ti anyama so kue ayeke *nzoni, na andeke so kue ayeke *nzoni, lo mu oko na ya ti mara oko oko ti mu na *sandaga so a yeke gbi ni kue na wâ na KOTA GBIA na ndö ti gbalaka ni.

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

2 Mbai 30:22

Ezekias atene tënë ti mu ngangu na be ti azo ti mara ti Lévi so kue kua ti KOTA GBIA agbu be ti ala. Na ya ti lango mbarambara kue, ala te kobe ti matanga ni, ala mu asandaga ti beoko si ala he bia ti sepela KOTA GBIA, Nzapa ti akotara ti ala.

Mbeti ti Job 1:5

Tongana amatanga ni ahunzi awe, Job ayeke iri amolenge ti lo ni ti ga titene lo *sukula sioni ti ala. Na ndade ni, lo yeke londo na kota ndaperere si lo mu *sandaga so a yeke gbi ni kue na wâ ndali ti zo oko oko. Lo yeke tene na be ti lo, lo tene: “Mbi hinga pepe, amolenge ti mbi asara siokpari, wala ala zonga Nzapa na be ti ala.” Ye so Job ayeke sara lakue laa!

Mbeti ti Job 42:11

A-ita ti lo ti koli, a-ita ti lo ti wali nga na azo so ahinga lo kozoni, ala kue aga ti baa lo. Ala te kobe na ndo ti lo, ala fa nzoni be ti ala na lo, ala de be ti lo ndali ti aye ti vundu so Nzapa asara si aga na ndö ti lo. Na pekoni, zo oko oko amu na lo kadoo ti kota le ti nginza oko nga na *kati oko so a sara na lôro.

Mbeti ti Job 42:8

Fadeso, ala mu akoli-bagara mbarambara, akoli-taba mbarambara, ala gue, awara Job, zo ti kua ti mbi. Ala mu anyama ni na *sandaga so a yeke gbi kue na wâ ndali ti ala wani. Fade Job ayeke sambela ndali ti ala, mbi yeke yeda na sambela ti lo. Tongaso, mbi yeke sara na ala pepe alingbi na ye ti buba so ala sara; ala tene taa-tënë na ndö ti mbi pepe; gi Job, zo ti kua ti mbi laa atene taa-tënë.”

Sigingo 18:13

Lango oko na pekoni, Moïse aduti ti fâ ya ti ngbanga ti azo ni. Ti londo na ndaperere ngbii asi na lakui, azo ni ayeke ku titene lo fâ ya ti ngbanga ti ala.

Sigingo 2:16

Wayango-sandaga ti azo ti mara ti Madian, Zetro ayeke na amolenge-wali mbarambara. Ala ga ti to ngu titene asi ya ti du so ataba na angasa ti babâ ti ala ayeke nyon ka ngu daa.

Sigingo 2:20

Reuel ahunda amolenge ti lo, atene: “Lo yeke na ndo wa? Ala zia lo kâ ngbanga ti nyen? Ala gue, airi lo, lo ga, lo te kobe!”

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 24:11

Nzapa asara sioni na akota zo ti Israel so pepe. Ala baa lo, na pekoni, ala te, ala nyon.

Sigingo 24:5

Lo tokua ambeni maseka ti Israel ti gue ti mu na KOTA GBIA *sandaga so a yeke gbi ni kue na wâ, ti fâ akoli-bagara ti mu na sandaga ti beoko.

Sigingo 3:1

Moïse ayeke bata ataba na angasa ti kogara ti lo Zetro, wayango-sandaga ti azo ti mara ti Madian. Mbeni lâ, lo mu anyama ni, lo gue na ala na mbage ti benyama kâ, lo si na Horeb, hoto ti Nzapa.

Sigingo 33:7

Na ndembe so azo ti Israel ayeke sara bâbâ ti ala lakue, Moïse ayeke gbara da ti bongo ni yongoro na bâbâ ni. Lo di iri ni “da ti bongo so KOTA GBIA na azo ti lo ayeke wara tere daa.” Tongaso, azo so kue aye ti hunda KOTA GBIA na mbeni tënë, ala yeke sigigi na ya ti bâbâ ni si ala yeke gue na da ti bongo ni.

Daniel 10:3

Mbi ke ti te apendere kobe; ataa nyama wala vin ali yanga ti mbi pepe. Mbi sara mafuta na tere ti mbi pepe ngbii yenga ota so ahunzi.

Wungo ti azo 10:29

Moïse atene na Hobab, molenge ti kogara ti lo Reuel, zo ti mara ti Madian, atene: “E yeke gue fadeso na kodro so *KOTA GBIA amu zendo ti mu na e so. Ga, e na mo, e gue; fade mo nga, mo yeke wara mbeni mbage ti anzoni ye so KOTA GBIA atene tënë ti mungo ni na azo ti Israel.”

Nzoni Tënë so Luc asu na mbeti 14:1

Na mbeni *lango ti wungo tere, Jésus ali na ya ti da ti mbeni makonzi ti *afarizien ti te kobe. Le ti azo kue ayeke baa gi lo.

Nzoni Tënë so Luc asu na mbeti 14:15

Na mango tënë so, mbeni zo so aga na matanga ni atene na Jésus: “Ti lo nzoni, zo so ayeke te ande kobe na *Kodro-gbia ti Nzapa!”

1 Korente 10:18

Ala baa azo ti Israel: ala so ayeke te anyama so a ya na *sandaga na Nzapa na ndö ti gbalaka, ala yeke na beoko na Nzapa.

1 Korente 10:21

Ala lingbi ti nyon ye na ya ti kopo ti Kota Gbia nga na ya ti kopo ti asioni yingo legeoko pepe; ala lingbi ti te kobe ti Kota Gbia na kobe ti asioni yingo legeoko pepe.

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

Ndia ti fani use ni 12:7

Kâ na ya ti da ti KOTA GBIA Nzapa ti ala laa ala yeke te ande kobe ti amatanga, ala na asewa ti ala; be ti ala ayeke si singo na ngia ndali ti anzoni ye so ala wara na lege ti akua so kue ala sara, ngbanga ti so fade KOTA GBIA Nzapa ti ala ayeke sara tufa na ndö ti ala.

Ndia ti fani use ni 27:7

Ala yeke ya nga asandaga ti beoko; ala yeke te kobe ni gi na ndo ni so si ala yeke sara ngia na le ti KOTA GBIA Nzapa ti ala.