Sigingo 18:11 - Mbeti ti Nzapa - Tënë so amu fini

¹¹ Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Sigingo 18:11 Iomraidhean Croise

1 Agbia 17:24

Wali ni atene na Élie: “Biani, fadeso mbi hinga, mbi tene, mo yeke zo ti Nzapa; tënë ti KOTA GBIA so ayeke na yanga ti mo ayeke taa-tënë.”

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

1 Mbai 16:25

Biani, KOTA GBIA ayeke kota, lo lingbi titene azo asepela lo mingi! Lo yeke sara ye ti ziango mbeto na be ti zo si lo yeke na ndö ti anzapa kue.

2 Mbai 2:5

Me zo wa laa alingbi ti sara da ndali ti lo, so yayu so akono ahon ndoni alingbi na konongo ti lo pepe so? Mbi so, mbi yeke ti mbi zo wa ti sara da na lo? Mbi ye ti leke gi mbeni ndo titene a zö dukani daa na dawa ti lo.

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Néhémie 9:16

Me baba ahon ndö ti akotara ti e, ala sara ngangu li, ala ma atënë ti ndia ti mo pepe.

Néhémie 9:29

Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Abia (Psaumes) 119:21

Mo suku na azo ti baba so a deba ala awe, ala so azia lege ti atënë ti ndia ti mo si ala yeke mu mbeni lege nde so.

Abia (Psaumes) 135:5

Biani, mbi hinga so KOTA GBIA ayeke kota; Kota Gbia ti e ayeke na ndö ti anzapa kue.

Abia (Psaumes) 31:23

So li ti mbi aga kirikiri awe, mbi tene na be ti mbi, mbi tene: “A tumba mbi yongoro na le ti mo awe.” Me mo ma toto ti mbi na ngoi so mbi iri mo.

Abia (Psaumes) 95:3

ngbanga ti so KOTA GBIA ayeke kota Nzapa, lo yeke kota Gbia so ayeke na ndö ti anzapa kue.

Abia (Psaumes) 97:9

Biani, mo KOTA GBIA laa mo yeke na yayu kâ na ndö ti aye kue, na ndö ti sese kue, mo yeke na nduzu na ndö ti anzapa kue.

Sigingo 1:10

Alingbi e gi mbeni nzoni kode ti sara si ala kiri awu mingi pepe. Tongaso pepe, tongana mbeni bira alondo, fade ala yeke bongbi na awato ti e ti tiri na e si ala yeke sigigi na kodro ti e ti hon.”

Sigingo 1:16

“Tongana ala yeke mu molenge na tere ti awali ti ahebro, ala baa molenge so wali ni ayeke du lo so nzoni: tongana molenge ni ayeke koli, ala fâ lo, tongana ayeke wali, ala zia lo, lo ngba na fini.”

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Sigingo 14:18

Tongana mbi fa gonda ti mbi na ndö ti Faraon, na ndö ti apusu ti mbarata ti lo nga na ndö ti azo ti kpengo na mbarata ti lo, fade azo ti Ezipte ayeke hinga atene, mbi laa mbi yeke KOTA GBIA.”

Sigingo 14:8

KOTA GBIA asara si be ti Faraon, gbia ti Ezipte akpengba si lo to nda ti tumba peko ti azo ti Israel. Me azo ti Israel asigigi na Ezipte, ala yoro maboko ti ala na nduzu ti fa atene, ala sigigi na gbe ti ngbaa awe.

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Sigingo 5:7

“Kozoni, ala yeke mu na azo ti Israel pere ti sara na biriki. Fadeso, ala kiri amu ni na ala pepe, ala wani, ala yeke gue ti gi ni.

Wungo ti azo 33:4

Andaa na ndembe ni so, azo ti Ezipte ayeke lu akuâ ti akozo molenge ti ala ti koli so KOTA GBIA afâ ala. Lo sara tongaso ti fâ ngbanga na li ti anzapa ti azo ti Ezipte ni.

Nzoni Tënë so Luc asu na mbeti 1:51

Lo sara akota ye na lege ti ngangu ti lo: lo kangbi popo ti azo so ayeke gonda tere ti ala na ya ti be ti ala wani.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.