Sigingo 18:10 - Mbeti ti Nzapa - Tënë so amu fini

¹⁰ Zetro atene: “Singila na KOTA GBIA so azi ala na maboko ti azo ti Ezipte nga na maboko ti Faraon so. Singila na lo so lo zi azo ni na gbe ti azo ti Ezipte so!

Sigingo 18:10 Iomraidhean Croise

Tongo nda ti aye 14:20

E gonda Nzapa so ayeke na yayu kâ na ndö ti aye kue, lo so lo sara titene awato ti mo ati na maboko ti mo so.” Abram amu na lo *dime ti aye so kue lo yeke na ni.

Tongo nda ti aye 24:27

lo tene: “Mbi mu singila na KOTA GBIA, Nzapa ti wa ti mbi Abraham, ndali ti so lo zia wa ti mbi pepe, lo ngba lakue ti sara nzoni, ti bata tënë ti lo na wa ti mbi. KOTA GBIA afa lege na mbi ngbii, mbi si na da ti a-ita ti wa ti mbi.”

2 Samuel 18:28

Ahimaas adekongo si atene na gbia: “Ye kue ayeke nzoni!” Lo kuku, lo kpo li ti lo na sese na dawa ti gbia si lo tene: “Mbi mu singila na KOTA GBIA, Nzapa ti mo. Azo so lani atomboka na tere ti mo so, lo sara si ala ti na gbe ti mo awe, gbia ti mbi.”

1 Agbia 8:15

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

1 Agbia 8:56

“Mbi mu singila na KOTA GBIA so amu siriri na azo ti lo, azo ti Israel, alingbi na zendo so lo mu. Biani, anzoni tënë so kue lo tene ando na lege ti Moïse, zo ti kua ti lo, mbeni oko angba senge pepe.

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Nzoni Tënë so Luc asu na mbeti 1:68

“E gonda *Kota Gbia, Nzapa ti Israel, ngbanga ti so lo ga ti baa azo ti lo, ti zi ala na gbe ti ngbaa.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

1 Tesalonike 3:9

Singila ti nyen laa e yeke mu ande na Nzapa ti e ndali ti ala alingbi na kota ngia so ala zia na be ti e na le ti lo so?

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Samuel 15:6

Saul atene na azo ti Keni: “Ala ngba na popo ti azo ti Amalek pepe; ala londo na tere ti ala ahon yongoro. Mbi ye titene mbi fâ ala na azo ti Amalek kue pepe, ngbanga ti so na ngoi so amolenge ti Israel alondo ando na sese ti Ezipte ti sigigi so, ala, azo ti Keni asara nzoni na ala.” Tongaso, azo ti Keni alondo na tere ti azo ti Amalek ahon.

1 Samuel 25:32

David atene na Abigail: “Mbi mu singila na KOTA GBIA, Nzapa ti Israel so atokua mo laso ti wara mbi so.