Sigingo 17:8 - Mbeti ti Nzapa - Tënë so amu fini

⁸ Azo ti mara ti Amalek aga ti tiri bira na azo ti Israel na Refidim.

Sigingo 17:8 Iomraidhean Croise

Tongo nda ti aye 14:7

Na pekoni, ala kiri na mbage ti En-Mishepat, so ti tene Kades. Ala buba kodro ti azo ti mara ti Amalek kue si ala hon nga ndö ti azo ti mara ti Amori so ayeke lango na kodro ti Hasason-Tamar.

Tongo nda ti aye 36:12

Timna ayeke mbeni wali ti Elifaz, molenge ti Ezau. Timna adu na Elifaz Amalek. So amolenge ti Ada, wali ti Ezau laa.

Tongo nda ti aye 36:16

Kora, Gatam na Amalek. So ayeke amakonzi ti Elifaz na sese ti Edom laa. Ala kue, ala yeke amolenge ti Ada ti koli.

Abia (Psaumes) 83:7

Azo ni ayeke azo ti Edom, ti Ismael, ti Moab na azo ti Agar,

Sigingo 17:1

Bongbi ti azo ti Israel kue alondo na benyama ti Sin, ala si na mbeni ndo; ala londo na ndo so ala si na mbeni ndo alingbi na yanga so *KOTA GBIA amu; ala sara tongaso ngbii ala si na Refidim. Ala sara bâbâ ti ala kâ, me ngu ti nyongo ni ayeke daa pepe.

Wungo ti azo 13:29

Azo ti mara ti Amalek alango na mbage ti Mbongo, azo ti mara ti Het, ti Yebus na ti Amori alango na ndö ti ahoto si azo ti mara ti Kanaan alango ti ala na tere ti kota ngu-ingo nga na tere ti ngu ti Jourdain.”

Wungo ti azo 24:20

Na pekoni, Balaam abaa azo ti mara ti Amalek si lo diko bia so, lo tene: “Mara ti Amalek ayeke kozo ti amara kue; me fade dunia ti ala ayeke buba biani biani.”

Awafango-ngbanga 6:3

Lakue tongana azo ti Israel alu ale ti kobe ti ala, azo ti Madian ayeke ga ti tiri bira na ala; azo ti Madian abongbi na azo ti Amalek nga na ambeni mara ti mbage ti To.

1 Samuel 14:48

Lo fa ngangu ti lo na lege so lo so benda na ndö ti azo ti Amalek si lo zi azo ti Israel na gbe ti azo ni so lani ayeke nzi aye ti ala so.

1 Samuel 15:2

Tënë so KOTA GBIA so ayeke na ndö ti dunia kue atene ayeke so: ‘Fade mbi yeke fâ ngbanga na ndö ti azo ti Amalek ndali ti ye so ala sara ando na azo ti Israel. Azo ti Amalek akanga lege na ala na ndembe so ala londo na sese ti Ezipte ti sigigi.

1 Samuel 27:8

David na azo ti lo alondo na Siklag si ala gue ti tiri bira na azo ti Geshur, azo ti Girzi nga na azo ti Amalek. Azo ni so alango na kodro ni ngbene ye aninga, ti londo na mbage ti Shur ngbii asi na yanga ti kodro ti Ezipte.

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.