Sigingo 17:6 - Mbeti ti Nzapa - Tënë so amu fini

⁶ Ti mbi, fade mbi yeke luti na dawa ti mo, na ndö ti mbeni kota têne so ayeke na Horeb. Fade mo yeke pika têne ni, ngu ayeke sigigi daa si azo ni ayeke nyon.” Moïse asara tongaso na dawa ti akangba ti Israel.

Sigingo 17:6 Iomraidhean Croise

Néhémie 9:15

Tongana nzara asara ala, mo mu na ala kobe so alondo na yayu titene ala te. Tongana nzara ti ngu asara ala, mo sara si ngu asigigi na ya ti têne si ala nyon. Mo tene na ala ti gue ti mu sese so mo yoro ando maboko ti mo na nduzu, mo deba yanga ti mo ti mu na ala titene aga ti ala.

Abia (Psaumes) 105:41

Lo suru ya ti kota têne, ngu asigigi daa; ngu ni asua tongana *bale na ya ti benyama.

Abia (Psaumes) 114:8

Lo laa lo yeke sara si kota têne aga *lende si kpengbango têne aga li ti ngu.

Abia (Psaumes) 46:4

ataa *amapo ti kota ngu-ingo atoto, asuku, ataa ngangu ti angu ni ayingi akota hoto. Luti kete

Abia (Psaumes) 74:15

Mo laa mo suru lege na ali ti ngu nga na akete ngu so ayeke sua, *abale so ngu ti ya ni ayeke hole ka pepe, mo sara si ahole.

Abia (Psaumes) 78:18

Taa na be ti ala, ala tara be ti Nzapa, ala hunda lo ti mu na ala kobe ti tengo ni alingbi na ye so be ti ala aye.

Abia (Psaumes) 78:20

Biani, lo pika kota têne, ngu asigigi daa, ngu ni asua gbani gbani. Me lo lingbi nga ti mu na e mapa wala lo lingbi nga ti mu nyama na azo ti lo?”

Abia (Psaumes) 81:7

“Mbi zi nengo kungba na ndö ti go ti mo awe, mo zia ti yo nengo sakpa awe.

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 16:10

Na ndembe so Aaron ayeke tene tënë na bongbi ti azo ti Israel kue, ala zia le ti ala na mbage ti benyama, mo ye ti baa, ala baa gonda ti KOTA GBIA asigigi na ya ti mbinda.

Ésaïe 48:21

Na ya ti benyama so lo fa lege na azo ti lo, nzara ti ngu asara ala pepe. Ndali ti ala, lo sara si ngu asigigi na ya ti têne; lo suru ya ti têne ni si ngu asigigi daa.

Wungo ti azo 20:8

“Mu nduru keke ti mo, mo na ita ti mo Aaron, ala bongbi azo ti Israel kue na ndo oko. Na dawa ti azo ni, ala tene tënë na têne so si fade têne ni ayeke mu ngu na ala. Mo sara titene ngu asigigi na ya ti têne ni si bongbi ti azo ti Israel anyon ni, ala, na anyama ti ala.”

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

1 Korente 10:4

ala kue anyon nga gi oko ngu ti yingo, ngbanga ti so ala yeke nyon ando ngu so alondo na ya ti kota têne ti yingo so ayeke tambula na peko ti ala, kota têne ni ayeke Christ.

Ndia ti fani use ni 1:2

– Ti londo na hoto ti Horeb ti si na Kades-Barnea, zo ayeke sara lango baleoko na oko na lege, tongana lo mu lege so ague na sese ti ahoto ti Seir. –

Ndia ti fani use ni 8:15

Lo laa lo sara si ala tambula na ya ti kota benyama so ayeke mu mbeto na zo, so asioni ngbo na akparakongo asi singo na ya ni. Na benyama so ahole kasakasa, so ngu ti nyongo ni ayeke daa pepe, KOTA GBIA asara si ngu asigigi ndali ti ala na ya ti kota têne so akpengba ahon ndoni.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.