Sigingo 17:15 - Mbeti ti Nzapa - Tënë so amu fini

¹⁵ Moïse aleke mbeni gbalaka si lo di iri ni “KOTA GBIA ayeke bendere ti mbi.”

Sigingo 17:15 Iomraidhean Croise

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 12:8

Lo londo na ndo so, lo gue, lo si na hoto so ayeke na mbage ti To ti gbata ti Betel; Betel ayeke na Do si Ai ayeke na To. Lo zia da ti lo ti bongo na popo ti agbata use so. Lo leke mbeni gbalaka ndali ti KOTA GBIA. Kâ, lo iri KOTA GBIA na iri ti lo si lo voro lo.

Tongo nda ti aye 22:14

Abraham adi iri ti ndo ni so “KOTA GBIA ayeke baa lege ti mungo ye na zo.” Ndani laa laso azo ayeke tene: “Na ndö ti hoto laa KOTA GBIA ayeke baa lege ti mungo ye na zo.”

Tongo nda ti aye 33:20

Lo leke mbeni gbalaka kâ si lo di iri ni “El, Nzapa ti Israel”.

Abia (Psaumes) 60:4

Mo sara si sese ayingi; mo sara si ya ni asuru; kanga ndo so sese ni asuru daa so, ngbanga ti so sese ni aye ti ti!

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Sigingo 27:1

“Fade ala yeke sara gbalaka na keke ti akasia ti ya *asandaga na ndö ni. Yongoro ni metere use na ndambo alingbi tere mbage na mbage kue. Yongo ni na nduzu metere oko na ndambo.

Sigingo 32:5

So Aaron abaa ye ni so, lo leke mbeni gbalaka na dawa ti yanda ni. Na pekoni, lo to mbela, lo tene: “Kekereke, e yeke sara matanga ndali ti KOTA GBIA!”

Awafango-ngbanga 6:24

Na ndo ni so, Gédéon aleke mbeni gbalaka na KOTA GBIA si lo di iri ni: “KOTA GBIA ayeke mu siriri.” Gbalaka ni angba na Ofra, kodro ti kete mara ti Abiezer ngbii asi laso.