Sigingo 17:14 - Mbeti ti Nzapa - Tënë so amu fini

¹⁴ KOTA GBIA atene na Moïse: “Su aye so kue na mbeti si aga ye ti dango be ti ala. Tene tënë so na mê ti Josué, mo tene: ‘Fade mbi yeke hunzi azo ti Amalek kue, mbi yeke sara si na ndö ti sese so, azo akiri adabe ti ala na mara ti ala pepe.’ ”

Sigingo 17:14 Iomraidhean Croise

2 Samuel 1:1

Na peko ti kuâ ti Saul, David akiri na gbata ti Siklag na peko ti so lo gue, lo so benda na ndö ti azo ti Amalek. Lo sara lango use na Siklag.

2 Samuel 8:12

azo ti Sirii, ti Moab, ti Amon, ti Filistii na ti Amalek, nga na ambeni ye so lo gbu na peko ti bira na maboko ti Hadadezer, molenge ti Rehob, gbia ti Soba.

1 Mbai 4:42

Ambeni zo ti mara ti Siméon, so wungo ti ala kue ayeke ngbangbo oku, ague na sese ti ahoto ti Edom. Azo so ayeke na li ti ala ti gue na ala ayeke amolenge ti Ishei: Pelatia, Nearia, Refaya na Uziel.

1 Mbai 4:43

Ala fâ tanga ti azo ti mara ti Amalek so akpe, ala sara kodro kâ ngbii asi laso.

Esdras 9:14

Fade e yeke kiri ti ke atënë ti ndia ti mo tongana nyen? E lingbi ti sara songo na lege ti mungo tere koli na wali na azo so sarango ye ti ala ayeke sioni mingi so tongana nyen? Tongana e sara tongaso, fade ngonzo ti mo ayeke londo na tere ti e si mo fâ e kue kue kue ti hunzi e pepe?

Mbeti ti Job 18:17

Na ya ti kodro, azo ayeke kiri ti dabe ti ala na lo pepe, ala yeke kiri ti di iri ti lo na mbeni ndo pepe.

Mbeti ti Job 19:23

Ae! Tongana a su fade atënë ti mbi na mbeti, ka ayeke nzoni mingi! Âdu fade a su ni na ya ti mbeni mbeti, ka ayeke nzoni.

Abia (Psaumes) 9:6

Mo be le na amara nde, mo sara si azo ti sioni akui; mo sara si iri ti ala ahon biani biani.

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

Sigingo 17:13

Nilaa Josué ahon ndö ti azo ti Amalek na bira ni, lo fâ ala na yongoro zeme.

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Sigingo 32:33

KOTA GBIA akiri tënë na Moïse: “Zo so asara siokpari ti ke mbi laa mbi yeke zi iri ti lo na ya ti mbeti ti mbi.

Sigingo 34:27

KOTA GBIA atene na Moïse: “Su andia so na mbeti, ngbanga ti so na lege ti andia so laa mbi yeke sara mbuki na mo nga na azo ti Israel.”

Amato 10:7

Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Jérémie 30:2

“Tënë so KOTA GBIA, Nzapa ti Israel atene ayeke so. Atënë so kue mbi tene na mo so, mo su ni na mbeti.

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Wungo ti azo 24:20

Na pekoni, Balaam abaa azo ti mara ti Amalek si lo diko bia so, lo tene: “Mara ti Amalek ayeke kozo ti amara kue; me fade dunia ti ala ayeke buba biani biani.”

Wungo ti azo 33:2

Moïse asu na mbeti iri ti ando nde nde so ala luti daa, kapa na kapa, tongana ti so *KOTA GBIA amu yanga na ala ti sara. Baa, akapa ni ayeke tongaso:

Ndia ti fani use ni 31:9

Moïse asu *Ndia ti Nzapa so na mbeti si lo mu ni na awayango-sandaga, *ahale ti Lévi so kua ti ala ayeke ti yo sanduku ti *mbuki ti *KOTA GBIA; lo mu ni nga na *akangba kue ti Israel.

Josué 4:7

Fade ala kiri tënë na ala, atene: ‘Ya ti ngu ti Jourdain akangbi use na ndembe so sanduku ti mbuki ti KOTA GBIA ayeke hon lani na ya ni. Na ndembe so sanduku ti mbuki ni ayeke hon na ya ti ngu ni, ya ti ngu ni akangbi use. Atêne so ayeke ga ande ye ti dango be ndali ti azo ti Israel kpu na kpu.’ ”

1 Samuel 15:18

KOTA GBIA atokua mo, atene: ‘Mo gue, mo fâ azo ti Amalek, azo ti sarango siokpari so kue kue kue si mo buba aye ti ala kue.’

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.

1 Samuel 30:17

David afâ ala, ti londo na ndaperere ngbii asi kekereke na lakui. Mbeni zo oko awara lege ti kpe pepe; gi amaseka ngbangbo osio so ako na ndö ti *azambala laa akpe ahon.