Sigingo 16:8 - Mbeti ti Nzapa - Tënë so amu fini

⁸ Moïse akiri atene: “Fade ala yeke hinga atene KOTA GBIA laa, na ndembe so lo yeke mu na ala nyama na lakui titene ala te si na ndaperere, lo yeke mu na ala mapa titene ala te ya ti ala asi. Biani, lo ma kasango so ala kasa lo so. E, e yeke ti e zo wa? Ala yeke kasa e pepe, me KOTA GBIA laa ala yeke kasa lo.”

Sigingo 16:8 Iomraidhean Croise

Sigingo 16:12

“Mbi ma kasango ndo ti azo ti Israel. Tene na ala, mo tene: ‘Na lakui so, fade ala yeke te nyama, kekereke na ndaperere, ala yeke te mapa ya ti ala asi si ala hinga atene, mbi laa mbi yeke KOTA GBIA, Nzapa ti ala.’ ”

Sigingo 16:9

Moïse atene na Aaron: “Tene na bongbi ti azo ti Israel kue, mo tene: Ala ga nduru na KOTA GBIA, ngbanga ti so lo ma kasango ndo ti ala.”

Sigingo 17:2

Azo ni agi yanga ti Moïse, atene: “Mu na e ngu, e nyon!” Moïse akiri tënë na ala: “Ala yeke gi yanga ti mbi ngbanga ti nyen? Ala yeke tara be ti KOTA GBIA ngbanga ti nyen?”

Ésaïe 32:6

Biani, zo ti buba ayeke tene abuba tënë, lo yeke zia be ti lo gi ti sara sioni, lo yeke sara aye so ayeke sioni mingi si lo yeke tene asioni tënë na tere ti *KOTA GBIA. Zo so nzara asara lo, lo yeke mu na lo kobe pepe, zo so nzara ti ngu asara lo, lo yeke mu na lo ngu ti nyongo ni pepe.

Ésaïe 37:29

Biani, mo sara ngonzo na tere ti mbi, zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Wungo ti azo 11:18

Ti azo ni, tene na ala, mo tene: ‘Ayeke nzoni ala zia tere ti ala nde ndali ti Nzapa ti ku na lango ti kekereke. Fade ala yeke te kasa ti nyama, ngbanga ti so ala toto na dawa ti KOTA GBIA, ala tene: Zo wa laa ayeke mu na e kasa ti nyama titene e te, zo wa? E duti lani nzoni na Ezipte. Fade KOTA GBIA ayeke mu na ala kasa ti nyama titene ala te.

Wungo ti azo 14:27

“Mbi ma azo ti Israel ayeke kasa mbi. Fade bongbi ti asioni zo so ayeke ngba ti kasa mbi ngbii asi lawa?

Wungo ti azo 21:7

Tanga ti azo ti Israel ague, awara Moïse si atene na lo: “E sara siokpari, e kasa KOTA GBIA, e kasa nga mo! Toto na KOTA GBIA titene lo zi angbo so yongoro na tere ti e.” Moïse atoto na KOTA GBIA ndali ti azo ti Israel.

Matthieu 10:40

“Zo so ayamba ala, andaa lo yamba mbi; zo so ayamba mbi, andaa lo yamba lo so atokua mbi

Matthieu 9:4

Jésus ahinga tënë ti be ti ala si lo hunda ala, lo tene: “Ngbanga ti nyen si be ti ala ayeke sioni tongaso?

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Jean 13:20

Biani, mbi tene na ala taa-tënë: zo so ayamba mbeni zo so mbi tokua lo, andaa mbi wani laa lo yamba mbi; zo so ayamba mbi, andaa lo yamba lo so atokua mbi.”

Rome 13:2

Tongaso, zo so ake ti ma yanga ti akota zo ti li ti kodro, andaa lo ke ye so Nzapa aleke ni awe. Azo so asara ngangu li na akota zo ti li ti kodro, fade ala wani ayeke gi ngbanga na li ti ala.

1 Korente 10:10

Ti hunzi na ni, ala diko tënë na gbe ti go ti ala pepe tongana ti so ambeni na popo ti akotara asara ando si *ange ti kuâ afâ ala so.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Samuel 8:7

KOTA GBIA atene na Samuel: “Atënë so kue azo ni ayeke tene, mo ma ni. Mo laa ala ke mo pepe, me mbi. Ala ye titene mbi kiri mbi le-gbia na ndö ti ala pepe.