Sigingo 16:4 - Mbeti ti Nzapa - Tënë so amu fini

⁴ KOTA GBIA atene na Moïse: “Mbi yeke sara titene mapa alondo na nduzu kâ, atuku tongana ngu-Nzapa na ala. Na ya ti lango oko oko, fade azo ayeke sigigi ti ro mapa ni ndali ti kobe ti lango oko. Fade mbi yeke tara be ti ala ti baa wala ala yeke sara ye alingbi na *Ndia ti mbi, wala ala yeke sara pepe.

Sigingo 16:4 Iomraidhean Croise

Néhémie 11:23

Gbia amu mbeni mbela ndali ti azo ti hengo bia ni, mbela ni afa ndia ti akua so ala yeke sara na ya ti lango oko oko.

Néhémie 9:15

Tongana nzara asara ala, mo mu na ala kobe so alondo na yayu titene ala te. Tongana nzara ti ngu asara ala, mo sara si ngu asigigi na ya ti têne si ala nyon. Mo tene na ala ti gue ti mu sese so mo yoro ando maboko ti mo na nduzu, mo deba yanga ti mo ti mu na ala titene aga ti ala.

Néhémie 9:20

Mo mu na ala nzoni yingo titene ala wara hingango ndo; mo mu na ala *mane ti tengo ni lakue, mo mu na ala ngu ti nyon.

Abia (Psaumes) 105:40

Ala hunda lo, lo sara si adodoro aga; lo mu na ala kobe so alondo na yayu, ala te ya ti ala asi.

Abia (Psaumes) 78:23

Na pekoni, lo mu yanga na mbinda ti nduzu, lo zi yanga ti yayu.

Sigingo 15:25

Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni. Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala.

Sigingo 16:15

Azo ti Israel abaa ye ni si ala tene na popo ti ala, atene: “So nyen laa?” Biani, ala hinga ye ni so pepe. Moïse atene na ala: “Mapa so KOTA GBIA amu na ala titene ala te laa.

Amato 30:8

Mo zi na ya ti fini ti mbi aye ti kirikiri na atënë ti mvene. Mo sara si mbi ga wayere pepe wala zo ti mosoro nga pepe; mo mu na mbi gi kobe so alingbi na mbi.

Matthieu 6:11

Mu na e laso kobe so alingbi na e.

Nzoni Tënë so Luc asu na mbeti 11:3

Mu na e na ya ti lango oko oko, kobe so alingbi na e.

1 Korente 10:3

Ala kue ate gi oko kobe ti yingo,

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”