Sigingo 16:3 - Mbeti ti Nzapa - Tënë so amu fini

³ Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Sigingo 16:3 Iomraidhean Croise

Mbeti ti Job 3:1

Na pekoni, Job azi yanga si lo deba lango so a du na lo.

Mbeti ti Job 3:10

Biani, bi ni so akanga lani ya ti mama ti mbi pepe; tongaso laso, le ti mbi ayeke baa aye ti pasi ni so.

Mbeti ti Job 3:20

Azo so ayeke baa pasi, Nzapa azia a du ala ngbanga ti nyen? Azo so be ti ala ayeke na vundu, Nzapa ayeke mu fini na ala ngbanga ti nyen?

Abia (Psaumes) 107:5

Nzara ti kobe na ti ngu ahon ndö ti ala si be ti ala awoko mingi.

Abia (Psaumes) 78:19

Ala tene tënë na tere ti Nzapa, ala tene: “Nzapa alingbi ti mu na e kobe na benyama?

Abia (Psaumes) 78:25

Zo oko oko ate kobe ti *a-ange; lo tokua na ala kobe, ala te ya ti ala asi.

Sigingo 14:11

Ala tene na Moïse, atene: “Du ti kuâ ayeke na Ezipte pepe si mo ga na e titene e kui na benyama so? Mo zi e na Ezipte, mo sigigi na e ngbanga ti nyen?

Sigingo 17:3

Kâ, nzara ti ngu ahon ndö ti azo ni si ala kasa Moïse, atene: “Mo mu e na kodro ti Ezipte, mo ga na e ge ngbanga ti nyen? Mo ye titene nzara ti ngu afâ e, na amolenge ti e nga na anyama ti e?”

Sigingo 2:23

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Sigingo 5:21

Ala tene na Moïse nga na Aaron, atene: “Ayeke nzoni KOTA GBIA abaa ye so ala sara so si lo fâ ngbanga na li ti ala! Ndali ti ala laa Faraon na azo ti gbe ti lo aye ti baa e na le pepe. So ayeke tongana ye ti bira laa ala mu na ala ti fâ e na ni!”

Jérémie 2:6

Ala hunda tere ti ala pepe, atene: ‘KOTA GBIA ayeke na ndo wa? Lo so asara si e sigigi na kodro ti Ezipte si lo fa lege na e na ya ti benyama so? Benyama ni ayeke gi ndo ti gba ti mbutu na adu; ndo so ahole kasakasa, ndo so avuko pitipiti, ndo so zo ayeke hon daa pepe, ndo so zo ayeke lango daa pepe.’

Jérémie 42:14

e yeke gue na Ezipte. Kâ, fade e yeke kiri ti hinga ye so iri ni bira pepe, e yeke kiri ti ma toto ti tatalita pepe si nzara ayeke kiri ti fâ e pepe. E yeke sara kodro gi kâ!’

Jérémie 44:17

Me e yeke sara ye alingbi gi na tënë so kue asigigi na yanga ti e: e yeke ngba ti zö dukani na gbia-wali ti yayu si e yeke tuku samba ti mu na sandaga na lo tongana ti so e sara ni ngbii asi laso. Ababâ ti e, agbia ti e na akota zo ti kodro ti e asara nga legeoko tongaso na ya ti agbata ti Juda nga na ndö ti abalabala ti Jérusalem. Lani so e yeke sara tongaso, e yeke na kobe gbani gbani ti tengo ni, e yeke duti nzoni si e hinga ye so iri ni sioni pepe.

Abia ti demango tere 4:9

Ala so akui kuâ ti bira, pasa ti ala ahon ti ala so akui na nzara. Ala yeke kui gi yeke-yeke ngbii ala hunzi kue, ngbanga ti so ala wara mbeni ye ti te pepe.

Wungo ti azo 11:15

Tongana mo ye ti sara na mbi tongaso, ayeke nzoni mo fâ mbi, tongana mo ye ti sara nzoni be na mbi, alingbi mbi baa ye ti mawa pepe so asi na mbi.”

Wungo ti azo 11:20

Me na ya ti nze oko kue, ala yeke te ni ngbii ayeke sigigi na du ti hon ti ala, nzara ni ayeke hunzi na be ti ala. Ye ni ayeke si na ala tongaso, ngbanga ti so ala ke KOTA GBIA so ayeke na popo ti ala si ala toto na dawa ti lo, ala tene: E sigigi na Ezipte ngbanga ti nyen?’ ”

Wungo ti azo 14:2

Ala kasa Moïse na Aaron, atene: “Tongana e kui lani na kodro ti Ezipte, ka ayeke nzoni! Tongana e kui na ya ti benyama so, ka ayeke nzoni!

Wungo ti azo 14:3

Ngbanga ti nyen *KOTA GBIA aga na e ge titene e kui kuâ ti yongoro zeme so? Fade awato ayeke gbu awali ti e na amolenge ti e kue. Ayeke fade nzoni titene e kiri na Ezipte!”

Wungo ti azo 16:13

So mo mu e, mo sigigi na e na ya ti *kodro so ngu ti me ti bagara na mafuta ti wotoro asi singo daa titene e kui na ya ti benyama so, so alingbi na mo pepe? Na ndö ni kue, mo ye ti sara komandema na ndö ti e?

Wungo ti azo 21:5

Ala to nda ti kasa Nzapa nga na Moïse, ala tene: “Ngbanga ti nyen si ala mu e na kodro ti Ezipte, ala ga na e ge titene e kui na ya ti benyama so? Ataa mapa wala ngu ayeke ge pepe; tengo *mane, buba kobe so, afun sen na hon ti e awe!”

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

1 Korente 4:8

Ka so ala wara aye so kue ala ye ni awe so! Ka so ala ga azo ti mosoro awe so! Ala ga agbia awe si e ngba ti e asenge zo so ma? Ti be ti mbi, mbi ye titene ala ga agbia biani si e na ala kue, e le-gbia!

2 Korente 11:1

Ala kanga be ti ala na mbi tongana mbi ga tongana zo so mbeni ye asara li ti lo! Biani, ala kanga be ti ala na mbi ma!

Ndia ti fani use ni 28:67

Tongana ala baa ande aye so ayeke si, fade be ti ala ayeke do na kota mbeto. Na ndaperere, ala yeke tene: “Ae, tongana lakui fade si!” Na lakui, ala yeke tene: “Ae, tongana ndo ahan fade, ka ayeke nzoni!”

Ndia ti fani use ni 8:3

Na peko ti aye ti ngangu so KOTA GBIA asara si asi na ala, na peko ti so lo sara si ala baa pasi na nzara, lo mu na ala *mane, kobe so ala hinga kozoni pepe. Ataa ala wani, ataa akotara ti ala ahinga kobe ni so pepe. Lo sara tongaso ti fa na ala so zo ayeke ngba na fini gi na lege ti kobe pepe, me na lege ti tënë so kue ayeke sigigi na yanga ti KOTA GBIA.

Josué 7:7

Na pekoni, Josué atene: “Ae Kota Gbia NZAPA! Mo sara si azo so afâ ngu ti Jourdain ngbanga ti nyen? Mo sara tongaso titene mo zia e na maboko ti azo ti mara ti Amori titene ala hunzi e biani biani? Tongana e ngba fade ti sara kodro na mbage ti ngu ti Jourdain kâ, ka ayeke nzoni mingi!