Sigingo 16:21 - Mbeti ti Nzapa - Tënë so amu fini

²¹ Lakue na ndaperere, zo oko oko ayeke ro akobe so alingbi na nzara ti lo. Tongana lâ asu, kobe ni ayeke ga ngu.

Sigingo 16:21 Iomraidhean Croise

Sigingo 16:20

Me ambeni zo ni ama Moïse pepe. Ala bata kobe ni asi na ndaperere; angusu adu daa si kobe ni afun sioni. Tongaso Moïse asara ngonzo na tere ti ala.

Sigingo 16:22

Na lango omene ni, ala ro mapa ni fani use ahon ti kozo, zo oko ta use. Amakonzi kue ti bongbi ti azo ni aga atene tënë ni na Moïse.

Zo ti bongbingo azo 12:1

Na ngoi so mo de maseka, ayeke nzoni mo dabe ti mo na lo so asara mo. Dabe ti mo na lo kozoni si alango ti pasi asi, so ti tene ngoi so fade mo yeke tene: “Dunia ni anzere na mbi oko pepe”.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

2 Korente 6:2

Biani, Nzapa atene: “So ngoi ni alingbi, mbi sara na mo ye so mo hunda. So lango ti songo azo na kuâ alingbi, mbi mu na mo maboko.” Baa, taa nzoni ngoi ni alingbi awe, taa lango ti songo azo na kuâ alingbi awe.