Sigingo 15:9 - Mbeti ti Nzapa - Tënë so amu fini

⁹ Awato ti e atene lani, atene: “E tumba peko ti ala, fade e yeke wara ala. E yeke kangbi ya ti aye ti ala so e gbu na peko ti bira, e yeke mu ni alingbi na e. E yeke gboto yongoro zeme ti e, e yeke mu aye ti ala kue na maboko ti ala!”

Sigingo 15:9 Iomraidhean Croise

Tongo nda ti aye 49:27

Benjamin ayeke tongana mbo ti ngonda so ayeke suru ya ti nyama. Na ndaperere, lo yeke te nyama so lo fâ; na lakui, lo yeke kangbi ya ti nyama so lo gbu.”

2 Samuel 22:38

Mbi yeke tumba peko ti awato ti mbi, mbi yeke hunzi ala kue; mbi yeke kiri gi tongana mbi fâ ala kue si.

1 Agbia 19:2

Tongaso Yezabel atokua mbeni zo na Élie ti tene na lo: “Kekereke gi na oko ngbonga so, tongana mbi sara na mo mara ti ye so mo sara na awayanga ti nzapa Baal so pepe, ayeke nzoni anzapa asara ye ti ngangu mingi na mbi!”

1 Agbia 20:10

Ben-Hadad akiri atokua azo na Akab ti tene na lo: “Fade mbi yeke nika gbata ti Samarii biani biani! Mbeni kete fuku ti sese ayeke ngba na ya ti gbata ni pepe titene aturugu ti mbi kue afu ni na ya ti maboko ti ala! Tongana mbi nika gbata ni pepe, ayeke nzoni anzapa asara ye ti ngangu mingi na mbi!”

Sigingo 14:5

Azo atene na Faraon, gbia ti Ezipte, atene: “Baa azo ti Israel akpe awe.” Be ti Faraon na be ti akota zo ti gbe ti lo akiri asanze ndali ti azo ni si ala tene: “Nyen laa e sara si e zia lege na azo ti Israel si ala hon so? Ala yeke kiri ti sara kua ti ngbaa na e pepe!”

Amato 16:19

Titene zo aduti tongana senge zo na popo ti azo ti mawa, so laa ayeke nzoni ahon titene lo na azo ti baba akangbi na popo ti ala akungba so ala gbu na peko ti bira.

Ésaïe 36:20

Na popo ti anzapa kue ti akodro so, nzapa wa laa azi kodro ti lo na maboko ti mbi si fade KOTA GBIA alingbi ti zi Jérusalem na maboko ti mbi?’ ”

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Jérémie 46:17

Ti Faraon, gbia ti Ezipte, a zia iri ti ngia na ndö ti lo, atene: ‘Gba ti sokporo, me lo zia ngoi ahon senge senge!’

Habakuk 3:14

Mo koro li ti amakonzi ti awato ni taa na ale ti kokora ti ala wani. Lani awato ni aga na loro tongana kota pupu ti ngu-Nzapa ti tumba e. Ala yeke dekongo na ngia, mo baa mo tene, ala gbu zo awe si ala yeke gue ti te lo na hondengo ni.

Nzoni Tënë so Luc asu na mbeti 11:22

Me tongana mbeni zo so ngangu ti lo ahon ti koli so aga si akinda lo, amu aye ti bira ti lo so kue lo zia be ti lo daa, fade lo yeke kangbi aye ti lo ni na azo.

Awafango-ngbanga 5:30

‘E hinga pepe, ala ngba ti kangbi aye so ala gbu na peko ti bira: maseka-wali oko wala use ndali ti turugu oko oko kue. Sisra awara ti lo abongo ti nzoroko; a fu bongo ni na pendere nzoroko nde nde. A fu ni mbage na mbage ti zia na go ti zo so aso benda na ya ti bira.’

1 Samuel 30:8

David ahunda KOTA GBIA, atene: “Tongana mbi tumba peko ti bongbi ti azo so ahon so, fade mbi yeke wara ala?” KOTA GBIA atene na lo: “Mo tumba peko ti ala; fade mo yeke wara ala si mo yeke zi azo ti mo na maboko ti ala.”