Sigingo 15:7 - Mbeti ti Nzapa - Tënë so amu fini

⁷ Mo yeke kota ahon ndoni! Mo yeke kinda azo so alondo ti ke mo. Tongana ngonzo ti mo alondo tongana wâ, ngonzo ni ayeke gbi ala tongana holengo pere.

Sigingo 15:7 Iomraidhean Croise

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Abia (Psaumes) 148:13

Ayeke nzoni ala sepela iri ti KOTA GBIA, ngbanga ti so lo oko laa lo yeke kota mingi, gonda ti lo amu ndö ti sese na yayu kue!

Abia (Psaumes) 59:13

Gi so ala zi yanga ti tene tënë, ala sara siokpari na lege ti tënë ti ala. Ayeke nzoni baba ti ala aga mbeni kuku ti gbu ala, ngbanga ti so ala yeke deba azo si ala yeke tene gi mvene.

Abia (Psaumes) 68:33

Akodro-gbia ti sese, ala he bia na Nzapa, ala he bia ti gonda na Kota Gbia! Luti kete

Abia (Psaumes) 83:13

Azo so atene: “E mu kodro ti Nzapa si aga ti e!”

Sigingo 14:27

Moïse ayoro maboko ti lo na ndö ti kota ngu-ingo ni. So ndo aga nduru ti han, ngu ni akiri na plase ni tongana ti kozo. Azo ti Ezipte so angba ti kpe atengbi biaku na ngu ni. KOTA GBIA abi ala na ya ni.

Sigingo 5:12

Tongaso azo ti Israel akangbi tere ti ala na ya ti kodro ti Ezipte kue ti ro aholengo pere ti pika na biriki.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Ésaïe 37:17

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë so Senakerib atokua ni ti zonga Nzapa so ayeke na fini so!

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Ésaïe 37:29

Biani, mo sara ngonzo na tere ti mbi, zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Ésaïe 47:14

Ala yeke tongana pere, fade wâ ayeke gbi ala kue. Ala lingbi ti zi tere ti ala na ya ti menga ti wâ ni pepe. Wâ ni so ayeke ale ti wâ so e yeke to na kobe pepe, wala wâ so zo ayeke duti na tere ni titene tere ti lo amu wâ pepe.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Jérémie 10:6

KOTA GBIA, mbeni Nzapa tongana mo ayeke daa pepe! Mo yeke kota, iri ti mo nga ayeke kota na lege ti ngangu ti mo.

Mishe 4:11

Fadeso, amara gbani gbani abongbi ti tiri bira na mo, ala tene: “Ayeke nzoni Jérusalem aga buba si e baa na le ti e buba ti lo ni.”

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Zakarii 14:8

Na lango ni so, fade mbeni li ti ngu ayeke sigigi na Jérusalem; ngu ni ayeke kangbi ya ti lo use, mbeni mbage ni ayeke sua ti gue na mbage ti kota ngu ti Gba-ti-ingo si mbeni mbage ni ayeke sua ti gue na mbage ti kota ngu-ingo ti Mediterane. Ataa na ngoi ti buru, ataa na ngoi ti ngu-Nzapa, ngu ni ayeke ngba lakue ti sua suango.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

Ndia ti fani use ni 33:26

Na pekoni, Moïse akiri atene: “Yeshurun, mbeni nzapa ti lingbi na Nzapa ti mo ayeke daa pepe! Na ya ti gonda ti lo, lo tambula na ndö ti ambinda, lo hon na le ti nduzu si lo yeke ga ti mu maboko na mo.

Ndia ti fani use ni 4:24

Biani, KOTA GBIA Nzapa ti ala ayeke tongana wâ so ayeke gbi ye kue; lo yeke Nzapa so ayeke sara mbanda ti azo ti lo.

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.