Sigingo 15:25 - Mbeti ti Nzapa - Tënë so amu fini

²⁵ Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni. Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala.

Sigingo 15:25 Iomraidhean Croise

2 Agbia 2:21

Élisée ague na li ti ngu ni, lo tuku ingo ni na ya ti ngu ni si lo tene: “Tënë so *KOTA GBIA atene ayeke so: ‘Mbi sara si ngu so aga *nzoni awe! Fade ngu so ayeke kiri ti sara si kuâ aga na ya ti kodro so pepe; ayeke sara si sese ni akiri ti du ale ti kobe.’ ”

2 Agbia 4:41

Zo ti Nzapa atene: “Ala ga na mbi farini.” Lo tuku farini ni na ya ti tawa si lo tene na zo ti kua ti lo: “Fu kobe ni na azo, ala te!” Mbeni sioni ye oko akiri angba na ya ti tawa ni pepe.

2 Agbia 6:6

Élisée ahunda lo: “Do ni ati na ndo wa?” Lo fa na Élisée ndo so do ni ati daa. Élisée afâ mbeni nduru keke, lo bi na ndo so do ni ati daa. Do ni alondo na gbe ti ngu asigigi na le ti ngu ni.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 66:10

Nzapa, mo tara e awe, mo tara e tongana wen ti nginza so a kporo ni na ya ti wâ.

Abia (Psaumes) 81:7

“Mbi zi nengo kungba na ndö ti go ti mo awe, mo zia ti yo nengo sakpa awe.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Sigingo 14:10

So gbia Faraon aga nduru awe, azo ti Israel ayo le ti ala na nduzu si ala baa so azo ti Ezipte ayeke ga na peko ti ala. Kota mbeto agbu azo ti Israel si ala dema tere ti ala na KOTA GBIA.

Sigingo 16:4

KOTA GBIA atene na Moïse: “Mbi yeke sara titene mapa alondo na nduzu kâ, atuku tongana ngu-Nzapa na ala. Na ya ti lango oko oko, fade azo ayeke sigigi ti ro mapa ni ndali ti kobe ti lango oko. Fade mbi yeke tara be ti ala ti baa wala ala yeke sara ye alingbi na *Ndia ti mbi, wala ala yeke sara pepe.

Sigingo 17:4

Moïse adema tere ti lo na KOTA GBIA: “Nyen laa mbi lingbi ti sara ndali ti azo so? Angba gi kete titene ala bo mbi na têne!”

Sigingo 20:20

Moïse atene na azo ni, atene: “Ala sara mbeto pepe! Nzapa aga ti tara gi be ti ala, tongaso si ala kpe mbeto ti lo si ala sara siokpari pepe.”

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 9:7

Menga ti azo ni ayeke tongana le ti kokora so ayeke fâ zo; atënë ti ala gi atënë ti mvene: nzoni tënë ayeke sigigi na yanga ti ala na tere ti amba ti ala, me na be ti ala kâ, ala leke kuku ti gbu na amba ti ala ni.

Ezekiel 47:7

Tongana lo kiri na mbi awe, mbi baa gba ti akeke na yanga ti ngu ni mbage na mbage.

Ezekiel 47:8

Lo tene na mbi: “Ngu so ayeke sua na mbage ti To ti sese ni, ayeke gue na lando ti Araba, na pekoni, ayeke tuku na ya ti kota ngu ti Gba-ti-ingo. Tongana atuku na ya ti kota ngu-ingo ni awe, ngu ni akiri aga nzoni.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

Ndia ti fani use ni 13:3

Tongana ye ti kpene ni na ye ti dongo be ni asi alingbi na tënë so lo tene, tongana lo tene na ala: “E mu peko ti ambeni nzapa nde, e voro ala”; – andaa ayeke anzapa so ala hinga ala pepe –

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Awafango-ngbanga 2:22

Na lege ti amara ni, mbi yeke tara be ti azo ti Israel ti hinga, wala ala yeke bata ndia ti mbi si ala yeke sara ye alingbi na ni tongana ti so akotara ti ala asara ando.”

Awafango-ngbanga 3:1

*KOTA GBIA azia amara so ti ngba na ya ti kodro ni si na lege ti ala, lo tara be ti azo ti Israel, so ti tene ala so aduti ando pepe na ya ti bira so ayeke na Kanaan.

Awafango-ngbanga 3:4

KOTA GBIA aye si na lege ti amara so, lo tara be ti azo ti Israel ti baa wala ala yeke bata andia ti lo so lo mu ando na akotara ti ala na lege ti Moïse.