Sigingo 15:21 - Mbeti ti Nzapa - Tënë so amu fini

²¹ Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

Sigingo 15:21 Iomraidhean Croise

2 Samuel 1:20

Ala tene tënë so na azo ti Gat pepe; ala gue na atënë ni na ndö ti alege ti Askalon pepe, ngbanga ti amaseka-wali ti azo ti Filistii awara ngia daa, ngbanga ti amaseka-wali ti azo so afâ *ganza pepe adodo na ngia.

2 Samuel 6:14

David adodo na ngangu ti lo kue na dawa ti KOTA GBIA; lo yu bongo ti awayango-sandaga so a sara na *len si ayeke tongana mapia-bongo.

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

Abia (Psaumes) 76:6

Azo anzi ye na tere ti akpengba turugu so kue awe, lango ahon na aturugu ni biani biani; angangu zo ti bira so kue, ala wara lege ti tiri pepe.

Sigingo 15:1

Tongaso Moïse na azo ti Israel ahe bia so na *KOTA GBIA, ala tene: Mbi ye ti he bia na KOTA GBIA: lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!

Sigingo 15:4

Lo bi apusu ti mbarata ti Faraon na aturugu ti lo na ya ti kota ngu-ingo. Kota ngu-ingo ti Asosongo amene akpengba turugu ti lo.

Aye so Nzapa afa 14:3

Azo so aluti na dawa ti mbata ti gbia, nga na dawa ti aye osio so ayeke na fini nga na *akangba so, ala yeke he fini bia. Mbeni zo nde alingbi ti manda bia ni so pepe, gi azo ti sese saki ngbangbo oko na baleosio na osio so Nzapa asoo ala awe.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.

Awafango-ngbanga 5:3

Ala agbia ti sese, ala ma mbi si! Ala amakonzi ti kodro, ala dingi mê ti ala, ala ma si! Mbi ye ti he bia ndali ti KOTA GBIA! Mbi ye ti he bia ndali ti KOTA GBIA, Nzapa ti Israel.

1 Samuel 18:6

Na peko ti so David afâ Goliat, zo ti Filistii si lo na aturugu ayeke kiri na kodro, awali alondo na ya ti agbata ti Israel kue ti gue ti wara gbia Saul. Ala yeke he bia, ala yeke dodo, ala yeke pika ngo, ala yeke pika mozoko, ala dekongo na ngia.

1 Samuel 18:7

Awali ni abongbi yanga oko, ala yeke na ngia si ala yeke he bia, atene: “Saul afâ azo saki saki, David afâ ti lo azo saki baleoko, saki baleoko.”