Sigingo 15:2 - Mbeti ti Nzapa - Tënë so amu fini

² KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Sigingo 15:2 Iomraidhean Croise

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Tongo nda ti aye 49:18

*KOTA GBIA, mbi yeke ku songo so mo yeke soo azo na kuâ.

2 Samuel 22:3

Nzapa ayeke tongana kota têne so mbi honde tere ti mbi na peko ni; lo yeke tongana *vala ti mbi, lo yeke tongana ye ti bira ti mbi so mbi yeke hon awato ti mbi na ni; lo yeke tongana ngangu da so ayo na nduzu so mbi kpe daa ti honde tere ti mbi; lo yeke ndo so mbi kpe daa ti honde tere ti mbi, lo yeke wasongo mbi na kuâ, lo yeke soo mbi na maboko ti azo so ayeke sara ngangu na mbi.

2 Samuel 22:47

KOTA GBIA ayeke na fini! Mbi gonda lo, lo so lo yeke Kota Têne so mbi luti na ndö ni ti bata tere ti mbi. Ayeke nzoni azo amu iri ti Nzapa na nduzu, lo so lo yeke kota têne so mbi luti na ndö ni ti bata tere ti mbi, lo so lo yeke wasongo mbi.

2 Samuel 22:51

KOTA GBIA asara akota ye mingi ndali ti gbia so lo soro lo, lo sara nzoni be na zo so lo tuku mafuta na li ti lo: lo sara ni ndali ti David na *ahale ti lo kpu na kpu.

2 Samuel 7:24

Mo zia azo ti Israel titene ala duti mbirimbiri azo ti mo kpu na kpu; ti mo KOTA GBIA, mo ga Nzapa ti ala.

2 Samuel 7:5

“Gue mo tene na David, zo ti kua ti mbi, mo tene: Tënë so KOTA GBIA atene ayeke so: ‘Mo laa mo yeke sara da na mbi titene mbi lango daa?

1 Agbia 8:13

Me ti mbi, mbi sara da na mo, ndo so mo yeke duti daa lakue lakue!”

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

1 Mbai 16:14

Lo laa lo yeke KOTA GBIA Nzapa ti e, lo yeke fâ ngbanga na ndö ti sese kue.

Abia (Psaumes) 109:1

Bia so ayeke ndali makonzi-bia. Bia ti David. Nzapa, mo so mbi yeke sepela mo so, mo kai kpoo pepe,

Abia (Psaumes) 118:14

KOTA GBIA ayeke ngangu ti mbi, mbi yeke he bia na lo, lo laa lo soo mbi!

Abia (Psaumes) 118:21

Mbi yeke mu singila na mo, ngbanga ti so mo yeda na iringo ndo ti mbi si mo soo mbi awe.

Abia (Psaumes) 118:28

Mo yeke Nzapa ti mbi, mbi mu singila na mo; Nzapa ti mbi, mbi yeke he bia ti fa kota ti mo.

Abia (Psaumes) 132:5

ngbii mbi wara mbeni ndo ndali ti KOTA GBIA, mbeni da ndali ti ngangu Nzapa ti Jacob si!”

Abia (Psaumes) 140:7

Mbi tene na KOTA GBIA, mbi tene: “Mo yeke Nzapa ti mbi. KOTA GBIA, dingi mê ti mo, mo ma toto ti mbi.

Abia (Psaumes) 145:1

Bia ti sepelango Nzapa; bia ti David. Nzapa ti mbi, gbia ti mbi, fade mbi yeke he bia ti fa so mo yeke kota! Mbi yeke mu singila na mo kpu na kpu!

Abia (Psaumes) 18:46

Be ti awande ni awoko kue awe; tongana ala londo na ya ti gbagba ti bira ti ala ti sigigi, tere ti ala ayeke do dongo.

Abia (Psaumes) 22:10

KOTA GBIA, mo sara si mbi sigigi na ya ti mama ti mbi; mo sara si mbi duti na siriri na ndö ti kate ti lo.

Abia (Psaumes) 22:3

Nzapa ti mbi, na kota lâ, mbi iri mo, me mo kiri tënë pepe; na bi, mbi kiri mbi iri ndo gbaa, mbi wu tere ti mbi pepe.

Abia (Psaumes) 27:1

Bia ti David. *KOTA GBIA ayeke lumiere ti mbi, lo yeke wasongo mbi na kuâ. Zo wa laa mbeto ti lo alingbi ti sara mbi, zo wa? KOTA GBIA laa ayeke bata fini ti mbi, lo yeke tongana kota gbagba na tere ti mbi. Zo wa laa mbi yeke do na mbeto na dawa ti lo, zo wa?

Abia (Psaumes) 28:8

KOTA GBIA ayeke ngangu ti azo ti lo; lo yeke tongana gbagba ti bira so ayeke soo zo ti lo so lo zia lo gbia.

Abia (Psaumes) 30:1

Bia ti David. A he ni ndali ti matanga ti ziango kota da ti Nzapa na maboko ti lo.

Abia (Psaumes) 34:3

Mbi yeke pika kate ti mbi ndali ti KOTA GBIA; ala asenge zo, ala ma mbi, ala duti na ngia!

Abia (Psaumes) 48:14

Ala baa lege so agbagba ti gbata ni apendere, ala diko ayangbo ti ya ni si fade ala tene tënë ni na amolenge ti ala so ayeke ga ande na peko ti ala; fade ala tene:

Abia (Psaumes) 59:17

Ti mbi, fade mbi yeke he bia ti fa ngangu ti mo; na ndaperere, mbi yeke he bia na kota go ndali ti nzoni be ti mo, ngbanga ti so mo yeke ngangu gbagba na tere ti mbi; mo yeke ndo so mbi kpe daa ti bata tere ti mbi na ndembe so mbi yeke na ya ti ye ti ngangu.

Abia (Psaumes) 68:20

Na ya ti lango oko oko, e mu singila na Kota Gbia! Lo laa lo mu e ti bata e, Nzapa so ayeke soo e na kuâ. Luti kete

Abia (Psaumes) 99:5

Ala azo, ala mu iri ti KOTA GBIA Nzapa ti e na nduzu, ala kuku akpo li ti ala na sese na dawa ti mbata ti gere ti lo. – Biani, lo yeke nde si lo yeke nzoni kue!

Abia (Psaumes) 99:9

Ala mu iri ti KOTA GBIA Nzapa ti e na nduzu, ala kuku akpo li ti ala na sese na dawa ti hoto ti lo so ayeke nde si ayeke nzoni kue. – Biani, KOTA GBIA Nzapa ti e ayeke nde si ayeke nzoni kue!

Sigingo 14:13

Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Sigingo 4:22

Tongaso, fade mo yeke tene na lo: Tënë so KOTA GBIA atene ayeke so: ‘Israel ayeke kozo molenge ti mbi ti koli.

Sigingo 40:34

Tongaso mbinda akanga ndö ti da ti bongo so Nzapa na azo ti lo ayeke wara tere daa si gonda ti KOTA GBIA asi singo na ya ni.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 32:38

Ala yeke kiri ti duti azo ti mbi si mbi yeke duti Nzapa ti ala.

Habakuk 3:13

Mo ga ti soo azo ti mo, mo ga ti soo zo so mo zia lo gbia. Mo kinda makonzi ti asioni zo, mo hunzi nga azo ti lo kue. Luti kete

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Nzoni Tënë so Luc asu na mbeti 1:77

Mo yeke fa na azo ti lo lege so Nzapa ayeke zi tënë na li ti ala titene ala soo kuâ.

Nzoni Tënë so Luc asu na mbeti 2:30

Biani, le ti mbi abaa awe zo ti mo so mo tokua lo ti soo azo na kuâ;

Jean 4:22

Ala azo ti Samarii, ala yeke voro Nzapa so ala hinga lo pepe, me e yeke voro ti e Nzapa so e hinga lo, ngbanga ti so ye so ayeke soo zo na kuâ alondo na mbage ti azuife.

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

2 Korente 5:19

Biani, Nzapa laa asara si songo akiri na popo ti lo na azo na lege ti Christ. Lo kanga le ti lo na ndö ti asiokpari ti azo, lo zia tënë ti lekengo songo na yanga ti e ti tene ni na azo.

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Ndia ti fani use ni 10:21

Lo laa alingbi ala sepela lo, lo laa lo yeke Nzapa ti ala. Ndali ti ala laa lo sara akota ye na aye ti ziango mbeto na be ti zo so ala wani abaa na le ti ala so.

Filipe 2:11

si ala kue atene na yanga ti ala, atene: Jésus Christ ayeke *Kota Gbia si ala gonda Nzapa Babâ.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Kolose 2:9

Biani, Nzapa aduti kue kue kue na ya ti tere ti Christ so aga zo.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!

Aye so Nzapa afa 19:1

Na pekoni, mbi ma mbeni kota go tongana ti gba ti azo na yayu; ala tene: “Aleluya! Nzapa ayeke Wasongo e! Gonda na ngangu ayeke ti lo!

Awafango-ngbanga 5:21

Kete ngu ti Kishon, kete ngu so asua ngbene ye aninga, asua amu awato ni kue ahon na ala. E gue na bira na mbeto pepe!