Sigingo 15:16 - Mbeti ti Nzapa - Tënë so amu fini

¹⁶ Mbeto na kota mbeto agbu ala. KOTA GBIA, so ala baa ngangu ti maboko ti mo, mbeto ahon ndö ti ala si tënë ahunzi na yanga ti ala, ngbii azo ti mo ahon na mbage ti ngu ni; azo ti mo so mo vo ala so.

Sigingo 15:16 Iomraidhean Croise

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

2 Samuel 7:23

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Ambeni nzapa asara tongaso ndali ti azo ti ala awe? Mo sara si iri ti azo ti mo awu na lege ti akota ye nga na aye ti dongo be so mo sara na ya ti kodro ti mo, na dawa ti azo ti mo so mo zi ala na Ezipte; mo zi ala na maboko ti ambeni mara nga na maboko ti anzapa ti amara ni, ti sara si ala ga azo ti mo.

Abia (Psaumes) 105:38

Be ti azo ti Ezipte anzere mingi ndali ti hongo ti ala, ngbanga ti so mbeto ti ala asara azo ti Ezipte.

Abia (Psaumes) 74:2

Dabe ti mo na azo ti mo so mo mu ala ti ga ye ti mo ngbene ye giriri; dabe ti mo na azo ti mo so mo zi ala ando na gbe ti ngbaa titene ala ga azo ti mo so; dabe ti mo na hoto ti *Sion so ayeke ndo so mo yeke duti ando daa so.

Abia (Psaumes) 89:14

Maboko ti mo ayeke ngangu mingi, mo yeke ngangu, mo yo maboko ti mo ti koli na nduzu!

Sigingo 11:7

Me na ndo ti azo ti Israel kue, fade mbo oko ayeke dekongo na li ti mbeni zo wala na li ti mbeni nyama pepe. Tongaso si ala hinga atene, mbi KOTA GBIA, mbi sara kangbi na popo ti azo ti Ezipte na azo ti Israel.’

Sigingo 15:13

Na lege ti nzoni be ti mo, mo fa lege na azo ti mo so mo zi ala awe. Na lege ti ngangu ti mo, mo gue na ala na ndo ti duti ti mo so ayeke nde si ayeke nzoni kue.

Sigingo 15:5

Ala li na gbe ti ngu tongana têne si ngu so ali mingi akanga ndö ti ala kue.

Sigingo 15:6

KOTA GBIA, maboko ti mo ti koli afa kota ngangu ti mo! KOTA GBIA, maboko ti mo ti koli anika awato!

Sigingo 18:8

Moïse afa na kogara ti lo peko ti ye so kue KOTA GBIA asara na Faraon nga na azo ti Ezipte ndali ti azo ti Israel. Lo fa nga na lo peko ti akpale so kue ala wara na lege si KOTA GBIA azi ala na ya ni.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Sigingo 23:20

“Fade mbi yeke tokua mbeni *ange na dawa ti ala ti bata ala na lege; lo yeke sara si ala si na ndo so mbi leke ndali ti ala.

Sigingo 23:22

Me tongana ala ma yanga ti lo si ala sara ye so kue mbi mu yanga na ala ti sarango ni, fade mbi yeke ga wato ti awato ti ala; mbi yeke ke azo so ayeke ke ala.

Sigingo 23:27

“Amara so ayeke ma tënë ti gango ti ala, mbi yeke sara titene kota mbeto agbu azo ni. Amara so kue ala yeke li na ya ti kodro ti ala, mbi yeke sara titene azo ni akpe kirikiri, mbi yeke sara titene awato ti ala kue akpe na dawa ti ala.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Ésaïe 51:10

Kota ngu-ingo na kota ngu so alinda mingi so, mo ando laa mo sara si ahole pepe? Mo ando laa mo suru lege na ya ti kota ngu-ingo si azo so mo zi ala awe so ahon daa pepe?

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Jérémie 31:11

Biani, KOTA GBIA azi azo ti Israel awe, lo zi ala na maboko ti mbeni zo so ayeke ngangu ahon ala.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Ndia ti fani use ni 11:25

Zo oko ti gbu le ni na ala ayeke daa pepe. Na ndo so kue ala yeke si daa na ya ti sese ni, fade KOTA GBIA Nzapa ti ala ayeke zia kota mbeto ti ala na be ti azo ni, azo ni ayeke duti na mbeto ti ala, azo ti Israel, alingbi na zendo so lo mu lani na ala.

Ndia ti fani use ni 2:25

Gi laso laso, mbi yeke to nda ti sara si amara ti dunia kue aduti na kota mbeto ti ala, ala duti na mbeto ti ala. Tongana azo ni ama tënë ti ala, fade be ti ala ayeke fun kue si ala yeke do na mbeto.”

Ndia ti fani use ni 2:4

Mo mu yanga so na azo ti Israel, mo tene: “Ala yeke ga ti fâ ya ti sese ti Seir ti hon; ndo so laa a-ita ti ala, *ahale ti Ezau asara kodro daa. Fade a-ita ti ala ni ayeke sara mbeto ti ala, azo ti Israel; me ala sara hange!

Ndia ti fani use ni 32:6

Ala azo so li ti ala ayeke daa pepe so, ala azo so ndara atia ala so, so lege ti sarango ye na KOTA GBIA laa? Lo laa lo yeke babâ ti ala pepe? Ndali ti lo laa ala baa gigi pepe? Lo laa lo sara ala pepe? Ndali ti lo laa ala kpengba so pepe?

Ndia ti fani use ni 32:9

Me azo ti Israel ayeke azo so aga ti KOTA GBIA, *ahale ti Jacob aga ye ti lo.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Josué 2:9

Lo tene na ala: “Mbi hinga, mbi tene, KOTA GBIA amu kodro ni na ala awe. Mbeto ti ala agbu e mingi si tere ti azo ti kodro ni kue ado na mbeto ndali ti gango ti ala.

Josué 4:24

Lo sara tongaso titene azo ti ndö ti sese kue ahinga atene, maboko ti KOTA GBIA ayeke ngangu; tongaso si ala, azo ti Israel, ala kpe mbeto ti KOTA GBIA, Nzapa ti ala lakue.’ ”

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.

1 Samuel 2:9

KOTA GBIA ayeke bata fini ti azo so aye lo. Me azo so ake tënë ti lo, ala yeke kui na ya ti vukongo ndo. Taa-tënë, zo alingbi ti hon ndö ti aye na ngangu ti lo wani pepe.

1 Samuel 25:37

Na ndaperere ni, tongana samba ahunzi na le ti Nabal awe, wali ti lo atene na lo peko ti ye so asi so. Be ti Nabal afun kue si tere ti lo akiri awoko kue.