Sigingo 15:1 - Mbeti ti Nzapa - Tënë so amu fini

¹ Tongaso Moïse na azo ti Israel ahe bia so na *KOTA GBIA, ala tene: Mbi ye ti he bia na KOTA GBIA: lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!

Sigingo 15:1 Iomraidhean Croise

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Mbeti ti Job 36:24

Dabe ti mo ti sepela lo ndali ti aye so lo sara. Ndali ti aye ni so laa azo ayeke he bia ti gonda na lo.

Abia (Psaumes) 105:43

Lo sara si azo ti lo asigigi na ngia na be ti ala, azo ti lo so lo soro ala, ala sigigi na dekongo na ngia.

Abia (Psaumes) 106:12

Tongaso ala ma na be na tënë ti lo si ala he bia ti sepela lo.

Abia (Psaumes) 107:15

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 107:8

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 32:7

Mo yeke ndo so mbi yeke honde tere ti mbi daa, mo yeke bata mbi na ya ti ye ti ngangu. Ndali ti so mo zi mbi, mo sara si azo ahe bia angoro na mbi. Luti kete

Abia (Psaumes) 76:6

Azo anzi ye na tere ti akpengba turugu so kue awe, lango ahon na aturugu ni biani biani; angangu zo ti bira so kue, ala wara lege ti tiri pepe.

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Sigingo 14:26

KOTA GBIA atene na Moïse: “Yoro maboko ti mo na ndö ti kota ngu-ingo titene ngu ni akiri na ndö ti azo ti Ezipte, na ndö ti apusu ti mbarata ti ala nga na ndö ti azo ti kpengo na mbarata ti ala.”

Sigingo 14:27

Moïse ayoro maboko ti lo na ndö ti kota ngu-ingo ni. So ndo aga nduru ti han, ngu ni akiri na plase ni tongana ti kozo. Azo ti Ezipte so angba ti kpe atengbi biaku na ngu ni. KOTA GBIA abi ala na ya ni.

Sigingo 15:21

Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Amato 29:6

Siokpari ti zo ti sioni ayeke gbu lo tongana kuku; me zo ti mbirimbiri ayeke na ngia si lo yeke dodo na ngia.

Ésaïe 42:10

Ala he fini bia na *KOTA GBIA. Ala so ayeke na nda ti sese kâ, ala he bia ti sepela lo; ala so ayeke tambula na le ti kota ngu-ingo, ala so ayeke na ya ti kota ngu-ingo, na ala so ayeke lango na ya ti azoa, ala he bia ti sepela lo.

Jérémie 51:21

Mbi mu mo ti nika ambarata na azo ti kpengo na ambarata ni, apusu ti mbarata na azo ti kpengo na apusu ni.

Osée 2:17

Kâ, mbi yeke kiri na lo ayaka ti vinye ti lo, mbi yeke sara si popo-hoto ti Akor, – popo-hoto ti ye ti vundu so – aga tongana mbeni lege so lo yeke hon daa ti wara ye so lo zia be ti lo ti ku. Kâ, lo yeke ma yanga ti mbi tongana ti so lo sara na ndembe so lo de maseka, tongana ti so lo sara na ngoi so lo sigigi na sese ti Ezipte.”

Habakuk 3:18

Ti mbi, mbi yeke na ngia ndali KOTA GBIA, mbi yeke dodo na ngia ndali ti Nzapa, lo so lo soo mbi na kuâ.

Wungo ti azo 21:17

Ndani laa, azo ti Israel ato nda ti he bia so atene: “Ayeke nzoni ngu asigigi na ya ti du ti ngu! E pika sako na li ti lo!

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!