Sigingo 14:9 - Mbeti ti Nzapa - Tënë so amu fini

⁹ Aturugu ti Ezipte, na ambarata ti ala, na apusu ti mbarata ti ala nga na azo ti kpengo na ambarata ni atumba peko ti azo ti Israel. Ala gue, awara azo ti Israel ni na ya ti bâbâ ti ala, nduru na yanga ti kota ngu-ingo, nduru na Pi-Hahirot so abaa le na Baal-Sefon.

Sigingo 14:9 Iomraidhean Croise

Sigingo 13:18

Ndani laa Nzapa asara si azo ti Israel amu lege so ague na benyama, na mbage ti kota ngu-ingo ti Asosongo. Ala londo na Ezipte na aye ti bira ti ala kue na tere ti ala si ala gue.

Sigingo 14:2

“Tene na azo ti Israel ti kiri ti sara bâbâ ti ala na dawa ti gbata ti Pi-Hahirot, na popo ti Migdol na kota ngu-ingo ti Asosongo. Na ndo so laa ala yeke sara bâbâ ni, abaa le na Baal-Sefon, nduru na kota ngu-ingo.

Sigingo 15:9

Awato ti e atene lani, atene: “E tumba peko ti ala, fade e yeke wara ala. E yeke kangbi ya ti aye ti ala so e gbu na peko ti bira, e yeke mu ni alingbi na e. E yeke gboto yongoro zeme ti e, e yeke mu aye ti ala kue na maboko ti ala!”

Wungo ti azo 33:7

Ala londo na Etam, ala kiri na Pi-Hahirot, ndo so abaa le na Baal-Sefon si ala sara bâbâ ti ala na gbe ti Migdol.

Josué 24:6

Mbi sara si akotara ti ala alondo na Ezipte asigigi si ala si na kota ngu-ingo ti Asosongo. Azo ti Ezipte amu apusu ti mbarata na azo ti kpengo na ambarata si ala tumba peko ti akotara ti ala ni ngbii asi na kota ngu-ingo ti Asosongo ni.