Sigingo 14:4 - Mbeti ti Nzapa - Tënë so amu fini

⁴ Mbi yeke sara titene be ti Faraon akpengba si lo tumba peko ti ala. Tongaso, fade mbi yeke fa gonda ti mbi na ndö ti Faraon nga na ndö ti aturugu ti lo kue. Tongaso si azo ti Ezipte ahinga atene mbi laa mbi yeke KOTA GBIA.” Nilaa azo ti Israel asara ye ni tongaso.

Sigingo 14:4 Iomraidhean Croise

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Sigingo 10:2

Tongaso, fade mo lingbi ti fa na amolenge ti mo nga na amolenge ti amolenge ti mo peko ti ye ti ngangu so mbi sara na azo ti Ezipte nga na aye ti kpene so mbi sara na kodro ti ala. Fade ala azo ti Israel, ala yeke hinga atene, mbi laa mbi yeke KOTA GBIA.”

Sigingo 10:27

Me KOTA GBIA akpengba be ti Faraon si Faraon ake ti zia lege na azo ti Israel ti gue.

Sigingo 12:28

Na pekoni, ala kiri si ala to nda ti sara ye ni; ala sara ni alingbi gi na yanga so KOTA GBIA amu lani na Moïse na Aaron.

Sigingo 14:23

Azo ti Ezipte atumba peko ti ala; ambarata ti Faraon kue, na apusu ti mbarata ti lo nga na azo ti kpengo na mbarata ti lo, ala li na ya ti kota ngu-ingo ni na peko ti azo ti Israel, ngbii asi na be ti ngu-ingo ni.

Sigingo 14:25

KOTA GBIA asara si gere ti apusu ti mbarata ti ala azi si ala ye ti hon, ala hon gbaa. Tongaso azo ti Ezipte atene: “E kpe yongoro na tere ti azo ti Israel, ngbanga ti so KOTA GBIA laa ayeke tiri bira na e ndali ti azo ti Israel!”

Sigingo 14:3

Fade Faraon ayeke tene tënë ti azo ti Israel, lo tene: ‘Ala girisa na ya ti benyama si li ti ala aga kirikiri; benyama akanga lege na ala awe!’

Sigingo 14:5

Azo atene na Faraon, gbia ti Ezipte, atene: “Baa azo ti Israel akpe awe.” Be ti Faraon na be ti akota zo ti gbe ti lo akiri asanze ndali ti azo ni si ala tene: “Nyen laa e sara si e zia lege na azo ti Israel si ala hon so? Ala yeke kiri ti sara kua ti ngbaa na e pepe!”

Sigingo 14:8

KOTA GBIA asara si be ti Faraon, gbia ti Ezipte akpengba si lo to nda ti tumba peko ti azo ti Israel. Me azo ti Israel asigigi na Ezipte, ala yoro maboko ti ala na nduzu ti fa atene, ala sigigi na gbe ti ngbaa awe.

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Sigingo 7:17

Tënë so KOTA GBIA atene ayeke so: ye so ayeke fa ti hinga atene mbi yeke KOTA GBIA ayeke so: mbi yeke pika ngu ti Nil na keke so ayeke na maboko ti mbi so si ngu ni ayeke ga mene.

Sigingo 7:3

Ti mbi, mbi yeke sara si be ti Faraon akpengba; mbi yeke sara aye ti kpene na aye ti dongo be mingi na kodro ti Ezipte.

Sigingo 7:5

Na ndembe so mbi yeke yoro maboko ti mbi na ndö ti Ezipte si mbi yeke zi azo ti Israel na popo ti ala ti sigigi na ala, na ndo so laa azo ti Ezipte ayeke hinga atene, mbi laa mbi yeke KOTA GBIA.”

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Ezekiel 28:22

Mo tene na lo, mo tene: Tënë so Kota Gbia NZAPA atene ayeke so: Mo Sidon, mbi yeke ga na tere ti mo! Mbi yeke sara titene azo ane mbi na ya ti gbata ni. Fade azo kue ayeke hinga atene, mbi laa mbi yeke KOTA GBIA na ndembe so mbi yeke fâ ngbanga na li ti lo; mbi yeke fa so mbi yeke Nzapa so mbi yeke nde si mbi yeke nzoni kue.

Ezekiel 32:15

Mbi yeke sara titene Ezipte aga benyama, mbi yeke zi aye so kue ayeke na ya ni, mbi yeke fâ azo so kue alango na ya ni. Tongaso, fade azo ayeke hinga atene, mbi laa mbi yeke KOTA GBIA.’

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Ezekiel 38:23

Tongaso, fade mbi yeke fa na gba ti amara nde so mbi yeke kota, mbi yeke nde si mbi yeke nzoni kue. Tongaso, fade ala yeke hinga atene, mbi laa mbi yeke KOTA GBIA.”

Ezekiel 39:13

Azo ti kodro kue laa ayeke lu akuâ ni; lungo akuâ ni ayeke ga ye ti pikango kate ti ala na lango so mbi yeke fa gonda ti mbi. So tënë ti yanga ti Kota Gbia NZAPA laa.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Rome 11:8

tongana ti so Mbeti ti Nzapa atene: “Nzapa akanga lege ti hingango ndo ti ala, lo kanga le ti ala titene ala baa ndo pepe, lo kanga mê ti ala titene ala ma tënë pepe; lo sara tongaso ngbii asi laso.”

Rome 9:17

Na ya ti Mbeti ti Nzapa, Nzapa atene na Faraon: “Taa ye so mbi mu mo ti ga gbia ndali ni ayeke titene mbi fa ngangu ti mbi na lege ti mo si azo agonda iri ti mbi na ndö ti sese kue.”

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

Josué 11:20

Biani, KOTA GBIA asara titene be ti azo ti kodro ni akpengba si ala ngba gi ti tiri bira na azo ti Israel. Tongaso si azo ti Israel abaa mawa ti ala pepe, ala fâ azo ni kue, ahunzi ala tongana ti so *KOTA GBIA amu yanga na Moïse.

Awafango-ngbanga 4:7

Fade mbi yeke pusu Sisra, makonzi ti aturugu ti Yabin titene lo mu apusu ti mbarata ti lo na aturugu ti lo kue ti ga ti tiri bira na mo na tere ti kete ngu ti Kishon. Kâ, fade mbi yeke zia lo na maboko ti mo.”