Sigingo 14:22 - Mbeti ti Nzapa - Tënë so amu fini

²² Azo ti Israel ahon na ya ti kota ngu-ingo ni, ngu andu gere ti ala pepe. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni kota gbagba.

Sigingo 14:22 Iomraidhean Croise

2 Agbia 2:14

Lo zi kota bongo ti de so alondo na ndö ti go ti Élie si ati so, lo pika na le ti ngu ni si lo tene: “KOTA GBIA, Nzapa ti Élie ayeke na ndo wa?” Élisée akiri apika le ti ngu ni si ya ti ngu ni akangbi mbage na mbage si lo hon daa.

2 Agbia 2:8

Tongaso, Élie azi kota bongo ti lo ti de, lo rule ni si lo pika na le ti ngu ni. Ya ti ngu ni akangbi mbage na mbage. Ala use kue ahon na mbage ti ngu ni kâ na gere na ndö ti kuru sese.

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Abia (Psaumes) 106:9

Lo suku na kota ngu-ingo ti Asosongo ni si ngu ni ahole; lo sara si akotara ti e ahon na ya ti ngu so ali mingi tongana ti so zo ayeke tambula na benyama.

Abia (Psaumes) 136:13

Lo kangbi ya ti kota ngu-ingo ti Asosongo, – Biani, nzoni be ti lo angba kpu na kpu!

Abia (Psaumes) 136:14

lo sara si azo ti Israel ahon na popo ni, – Biani, nzoni be ti lo angba kpu na kpu!

Abia (Psaumes) 66:6

Lo sara si kota ngu-ingo aga kuru sese, azo afâ *bale ni na gere. Na ndo so laa e yeke sara ngia ndali ti lo.

Abia (Psaumes) 74:15

Mo laa mo suru lege na ali ti ngu nga na akete ngu so ayeke sua, *abale so ngu ti ya ni ayeke hole ka pepe, mo sara si ahole.

Abia (Psaumes) 78:13

lo kangbi ya ti kota ngu-ingo, lo sara si ala hon na ya ni; lo sara si ngu ni aluti tongana mbeni kota gbagba.

Sigingo 14:29

Me azo ti Israel ahon na ya ti kota ngu-ingo ni na ndö ti kuru sese. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni gbagba.

Sigingo 15:19

So ambarata ti Faraon, apusu ti mbarata ti lo nga na azo ti kpengo na ambarata ti lo ali na ya ti kota ngu-ingo, KOTA GBIA asara si ngu ni amene ala. Me azo ti Israel ahon na popo ti kota ngu-ingo ni, na ndö ti kuru sese.

Sigingo 15:8

Ngangu pupu ti hon ti mo asara si ngu abongbi na ndö ti tere, *amapo aluti na nduzu tongana gbagba, ngu so ali aga tongana kuru sese na gbe ti kota ngu-ingo.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 43:16

Ando, *KOTA GBIA asuru lege na ya ti kota ngu-ingo, lo suru lege na popo ti ngu so ayeke sua ngangu ngangu.

Ésaïe 51:10

Kota ngu-ingo na kota ngu so alinda mingi so, mo ando laa mo sara si ahole pepe? Mo ando laa mo suru lege na ya ti kota ngu-ingo si azo so mo zi ala awe so ahon daa pepe?

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Ésaïe 63:13

Lo laa lo sara si ala fâ kota ngu-ingo so alinda mingi tongana mbarata so ayeke hon na benyama. Ala pika gere ti ala ti ti pepe.

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Wungo ti azo 33:8

Ala londo na Pi-Hahirot, ala fâ kota ngu-ingo ti Asosongo si ala gue na benyama. Ala tambula lango ota na ya ti benyama ti Etam, ala gue, asara bâbâ ti ala na Mara.

1 Korente 10:1

A-ita, mbi ye ti dabe ti ala na ye so asi ando na akotara ti e: ala kue atambula na gbe ti mbinda, ala kue ahon na ya ti kota ngu-ingo na gere.

Ahebro 11:29

Na lege ti mabe, azo ti Israel afâ kota Ngu-bengba, mo baa mo tene, kuru sese laa; me so azo ti Ezipte aye ti hon na peko ti ala, ngu ni amene ala kue.

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.

Josué 3:17

Awayango-sandaga so ayeke yo sanduku ti mbuki ti KOTA GBIA aluti na ndö ti kuru sese na be ti Jourdain. Na ndembe so ala ngba ti luti, azo ti Israel kue ayeke hon, ngu andu gere ti ala pepe, ngbii azo ni kue afâ ngu ti Jourdain ni.

Josué 4:22

fade ala fa nda ni na amolenge ti ala, atene: ‘Azo ti Israel afâ ando Jourdain, ngu andu gere ti ala pepe.

1 Samuel 25:16

Na ngoi so e yeke na tere ti ala na ya ti ngonda ti bata anyama so, bi na lâ, na ngoi kue, ala yeke na tere ti e tongana gbagba ti bata e.