Sigingo 14:21 - Mbeti ti Nzapa - Tënë so amu fini

²¹ Moïse ayoro maboko ti lo na ndö ti kota ngu-ingo. KOTA GBIA atokua mbeni kota pupu ti To so aga aya na ndö ti kota ngu-ingo na bi ni kue si akangbi ya ti kota ngu-ingo ni. Lege azi na ya ni, ndo ni aga kuru sese.

Sigingo 14:21 Iomraidhean Croise

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

2 Agbia 2:8

Tongaso, Élie azi kota bongo ti lo ti de, lo rule ni si lo pika na le ti ngu ni. Ya ti ngu ni akangbi mbage na mbage. Ala use kue ahon na mbage ti ngu ni kâ na gere na ndö ti kuru sese.

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Mbeti ti Job 26:12

Na lege ti ngangu ti lo, lo suru ya ti kota ngu-ingo; na lege ti hingango ndo ti lo, lo kinda Rahab, sioni nyama ti ngu.

Mbeti ti Job 38:24

Ndo so lumiere alondo daa si aga, mo hinga ni? Lege so pupu ti To ahon daa si ayeke ya na ndö ti sese, mo hinga ni?

Abia (Psaumes) 136:13

Lo kangbi ya ti kota ngu-ingo ti Asosongo, – Biani, nzoni be ti lo angba kpu na kpu!

Abia (Psaumes) 148:8

Ala wâ na *pembe ti bekpa, *neze na guru ti le ti ngu, ala sepela lo! Ala, na kota pupu so ayeke sara ye na peko ti yanga ti lo, ala sepela lo!

Abia (Psaumes) 66:6

Lo sara si kota ngu-ingo aga kuru sese, azo afâ *bale ni na gere. Na ndo so laa e yeke sara ngia ndali ti lo.

Abia (Psaumes) 74:13

Mo laa mo kangbi ya ti kota ngu-ingo na lege ti ngangu ti mo, mo laa mo fâ li ti asioni nyama ti kota ngu-ingo.

Abia (Psaumes) 78:13

lo kangbi ya ti kota ngu-ingo, lo sara si ala hon na ya ni; lo sara si ngu ni aluti tongana mbeni kota gbagba.

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 14:20

Ngbongboro mbinda ni aga aluti na popo ti bâbâ ti azo ti Ezipte na ti azo ti Israel. Na mbeni mbage, mbinda ni avuko vukongo si na mbeni mbage ni, mbinda ni ayeke za zango. Tongaso na bi ni kue, azo ti Ezipte na azo ti Israel alingbi ti ga nduru na tere ti mba pepe.

Sigingo 15:8

Ngangu pupu ti hon ti mo asara si ngu abongbi na ndö ti tere, *amapo aluti na nduzu tongana gbagba, ngu so ali aga tongana kuru sese na gbe ti kota ngu-ingo.

Sigingo 7:19

KOTA GBIA akiri atene na Moïse: “Tene na Aaron, mo tene: Mu keke ti mo, yoro maboko ti mo na ndö ti angu ti Ezipte, na ndö ti abale, na ndö ti angu so ayeke sua na ya ti adu, na ndö ti angu ti *alende, na ando so kue ngu ayeke daa. Fade angu ni ayeke ga mene. Tongaso fade mene ayeke mu ya ti kodro ti Ezipte kue, ya ti asembe so a sara na keke nga na asembe so a sara na têne.”

Ésaïe 23:11

KOTA GBIA asuku ngangu na kota ngu-ingo; lo sara si akodro ti agbia ayingi, lo mu yanga si a kungbi agbagba ti bira ti Kanaan.

Ésaïe 43:16

Ando, *KOTA GBIA asuru lege na ya ti kota ngu-ingo, lo suru lege na popo ti ngu so ayeke sua ngangu ngangu.

Ésaïe 44:27

Mbi mu yanga na ngu so alinda mingi, mbi tene: ‘Hole! Mbi yeke sara si *abale ti mo ahole nga.’

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 51:10

Kota ngu-ingo na kota ngu so alinda mingi so, mo ando laa mo sara si ahole pepe? Mo ando laa mo suru lege na ya ti kota ngu-ingo si azo so mo zi ala awe so ahon daa pepe?

Ésaïe 51:15

Mbi laa mbi yeke KOTA GBIA, Nzapa ti ala. Mbi yeke yingi le ti kota ngu-ingo; mbi yeke sara si *amapo ni atoto. Iri ti mbi ayeke KOTA GBIA so ayeke na ndö ti dunia kue.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Ésaïe 63:13

Lo laa lo sara si ala fâ kota ngu-ingo so alinda mingi tongana mbarata so ayeke hon na benyama. Ala pika gere ti ala ti ti pepe.

Habakuk 3:8

KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Josué 2:10

Biani, e ma a tene, *KOTA GBIA asara si kota ngu-ingo ti Asosongo ahole na dawa ti ala na ndembe so ala londo na Ezipte ti sigigi. E ma nga tënë ti agbia use ti mara ti Amori, Sihon na Og, so ala fâ ala na mbage ti ngu ti Jourdain. Ala azo ti Israel, ala fâ azo ni si ala buba aye ti azo ni so kue.

Josué 3:17

Awayango-sandaga so ayeke yo sanduku ti mbuki ti KOTA GBIA aluti na ndö ti kuru sese na be ti Jourdain. Na ndembe so ala ngba ti luti, azo ti Israel kue ayeke hon, ngu andu gere ti ala pepe, ngbii azo ni kue afâ ngu ti Jourdain ni.

Josué 4:23

Biani, KOTA GBIA Nzapa ti ala asara si na hongo ti ala, ngu ti Jourdain ahole. Lo kanga ngu ni ngbii ala kue ahon na mbage ni kâ, tongana ti so lo kanga ando kota ngu-ingo ti Asosongo na hongo ti e ngbii e hon kue na mbage ni kâ so.