Sigingo 14:17 - Mbeti ti Nzapa - Tënë so amu fini

¹⁷ Ti mbi, mbi yeke sara titene be ti azo ti Ezipte akpengba si ala li na peko ti ala na ya ti kota ngu-ingo ni. Fade mbi yeke fa gonda ti mbi na ndö ti Faraon nga na ndö ti aturugu ti lo kue, apusu ti mbarata ti lo nga na azo ti kpengo na mbarata ti lo.

Sigingo 14:17 Iomraidhean Croise

Tongo nda ti aye 50:9

Ataa apusu ti ambarata na azo ti kpengo na mbarata, lo gue na ni. Gba ti azo mingi mingi si amu peko ti Joseph.

Tongo nda ti aye 6:17

Ti mbi, mbi yeke sara titene ngu asuku, amu ndö ti sese ti buba aye so kue ayeke na fini. Fade aye so kue ayeke na ndö ti sese ayeke kui.

Tongo nda ti aye 9:9

“Mbi yeke sara *mbuki ti mbi na ala, na *ahale ti ala so ayeke ga ande na peko ti ala,

Sigingo 14:23

Azo ti Ezipte atumba peko ti ala; ambarata ti Faraon kue, na apusu ti mbarata ti lo nga na azo ti kpengo na mbarata ti lo, ala li na ya ti kota ngu-ingo ni na peko ti azo ti Israel, ngbii asi na be ti ngu-ingo ni.

Sigingo 14:4

Mbi yeke sara titene be ti Faraon akpengba si lo tumba peko ti ala. Tongaso, fade mbi yeke fa gonda ti mbi na ndö ti Faraon nga na ndö ti aturugu ti lo kue. Tongaso si azo ti Ezipte ahinga atene mbi laa mbi yeke KOTA GBIA.” Nilaa azo ti Israel asara ye ni tongaso.

Sigingo 14:8

KOTA GBIA asara si be ti Faraon, gbia ti Ezipte akpengba si lo to nda ti tumba peko ti azo ti Israel. Me azo ti Israel asigigi na Ezipte, ala yoro maboko ti ala na nduzu ti fa atene, ala sigigi na gbe ti ngbaa awe.

Sigingo 4:21

KOTA GBIA atene na Moïse: “Na kiringo ti mo na Ezipte, mbi mu na mo ngangu ti sara aye ti dongo be. Fade mo yeke sara ni na dawa ti Faraon. Me ti mbi, mbi yeke sara titene be ti lo akpengba si lo yeke ke ti zia lege na azo ti Israel ti gue.

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Sigingo 7:3

Ti mbi, mbi yeke sara si be ti Faraon akpengba; mbi yeke sara aye ti kpene na aye ti dongo be mingi na kodro ti Ezipte.

Ésaïe 48:15

Mbi, mbi oko laa mbi tene tënë ni. Mbi iri lo, mbi sara si lo ga; aye so lo yeke sara, fade ayeke ga nzoni.”

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Jérémie 23:39

fade mbi yeke yo ala na ndö ti go ti mbi tongana nengo kungba si mbi yeke bi ala yongoro, ala na gbata so mbi mu ando na ala nga na akotara ti ala.

Ezekiel 28:22

Mo tene na lo, mo tene: Tënë so Kota Gbia NZAPA atene ayeke so: Mo Sidon, mbi yeke ga na tere ti mo! Mbi yeke sara titene azo ane mbi na ya ti gbata ni. Fade azo kue ayeke hinga atene, mbi laa mbi yeke KOTA GBIA na ndembe so mbi yeke fâ ngbanga na li ti lo; mbi yeke fa so mbi yeke Nzapa so mbi yeke nde si mbi yeke nzoni kue.

Ezekiel 34:11

“Biani, tënë so mbi Kota Gbia NZAPA, mbi tene ayeke so: Mbi wani, mbi yeke ga ti gi ataba ti mbi si mbi yeke baa ndo nzoni na ndö ti ala.

Ezekiel 34:20

Ndani laa, tënë so mbi Kota Gbia NZAPA, mbi tene ayeke so: Mbi wani laa mbi yeke fâ ngbanga na popo ti ataba so akono konongo na ala so ange ngengo.

Ezekiel 5:8

Ndani laa, tënë so mbi Kota Gbia NZAPA, mbi tene ayeke so: Mbi yeke ga na tere ti ala, azo ti Jérusalem. Mbi yeke fâ ngbanga na li ti ala taa na ya ti gbata ni, na le ti amara nde.

Ezekiel 6:3

mo tene: Ahoto ti Israel, ala ma tënë ti Kota Gbia NZAPA! Baa, tënë so Kota Gbia NZAPA atene na azo ti ahoto na azo ti akete hoto, azo ti gbe ti ahoto na azo ti popo-hoto ayeke so: Fade mbi wani, mbi yeke ga na bira na tere ti ala, mbi yeke buba ando so ala leke na nduzu si ala yeke voro anzapa ti ala daa so.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awayango-sandaga 26:28

fade mbi nga, na sioni ngonzo na be ti mbi, mbi yeke sara ngangu li na ala; mbi wani, mbi yeke kiri ti pika ala fani mbarambara ndali ti asiokpari ti ala.

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Josué 11:20

Biani, KOTA GBIA asara titene be ti azo ti kodro ni akpengba si ala ngba gi ti tiri bira na azo ti Israel. Tongaso si azo ti Israel abaa mawa ti ala pepe, ala fâ azo ni kue, ahunzi ala tongana ti so *KOTA GBIA amu yanga na Moïse.

Awafango-ngbanga 4:7

Fade mbi yeke pusu Sisra, makonzi ti aturugu ti Yabin titene lo mu apusu ti mbarata ti lo na aturugu ti lo kue ti ga ti tiri bira na mo na tere ti kete ngu ti Kishon. Kâ, fade mbi yeke zia lo na maboko ti mo.”

1 Samuel 6:6

Ngbanga ti nyen laa ala ye ti kpengba be ti ala tongana ti Faraon na azo ti Ezipte ando so? Ala dabe ti ala na ye so Nzapa asara na ala ngbii si ala zia lege na azo ti Israel ti gue so!