Sigingo 14:13 - Mbeti ti Nzapa - Tënë so amu fini

¹³ Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Sigingo 14:13 Iomraidhean Croise

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Tongo nda ti aye 26:24

Na bi ni, KOTA GBIA asi na lo si atene na lo: “Mbi yeke Nzapa ti babâ ti mo Abraham. Mo sara mbeto pepe, ngbanga ti so mbi yeke na mo. Ndali ti Abraham, zo ti kua ti mbi, mbi yeke sara tufa na ndö ti mo si mbi yeke sara titene *ahale ti mo awu mingi.

Tongo nda ti aye 46:3

Nzapa atene: “Mbi yeke Nzapa, Nzapa ti babâ ti mo. Sara mbeto ti gue na Ezipte pepe. Kâ, mbi yeke sara titene mbeni kota mara abaa gigi na lege ti mo.

Tongo nda ti aye 49:18

*KOTA GBIA, mbi yeke ku songo so mo yeke soo azo na kuâ.

2 Agbia 6:16

Élisée akiri tënë: “Sara mbeto pepe! Ala so ayeke na e ayeke mingi ahon ala so ayeke na ala.”

1 Mbai 11:14

Elazar na azo ti lo aluti na ya ti yaka ni. Na pekoni, ala mu ni si ala fâ azo ti Filistii. KOTA GBIA asara si azo ti Israel aso benda.

2 Mbai 20:15

Yaziel atene: “Ala azo ti Juda kue, ala na azo ti Jérusalem kue na mo gbia Yosafat, ala ma tënë so nzoni. Tënë so KOTA GBIA atene na ala ayeke so: ‘Ala sara mbeto pepe, mbeto ti gba ti aturugu so asara ala pepe! Biani, bira ni ayeke ti ala pepe, me ti Nzapa.

2 Mbai 20:17

Tiringo bira ni ayeke ti ala pepe. Ala, azo ti Juda na ti Jérusalem, ala gue kâ, ala luti kpoo, ala kue ayeke baa lege so KOTA GBIA ayeke soo ande ala na kuâ. Ala sara mbeto pepe, ala zia mbeni ye azia mbeto na be ti ala pepe. Kekereke, ala gue na mbage ti awato ni; fade KOTA GBIA ayeke na ala.’ ”

Néhémie 9:9

Pasi so akotara ti e abaa lani na Ezipte, mo baa ni kue; mo ma toto ti ala na yanga ti kota ngu-ingo ti Asosongo.

Abia (Psaumes) 3:8

KOTA GBIA, londo! Nzapa ti mbi, soo mbi! Biani, mo pika ngbangba ti awato ti mbi kue, mo kungbi pembe ti azo ti sioni.

Abia (Psaumes) 68:21

Ti e, Nzapa ayeke Nzapa so ayeke soo zo na kuâ, lo yeke Kota Gbia NZAPA so alingbi ti zi e na ya ti kuâ.

Abia (Psaumes) 78:53

Lo fa lege na ala, ye oko ti sara ala ayeke daa pepe, mbeto ti mbeni ye asara ala pepe na ndembe so kota ngu-ingo amene awato ti ala.

Abia (Psaumes) 91:8

Zi gi le ti mo, fade mo yeke baa lege so Nzapa ayeke kiri na azo ti sioni peko ti sioni so ala sara.

Sigingo 14:30

Na lango ni so, KOTA GBIA asoo azo ti Israel na maboko ti azo ti Ezipte si azo ti Israel abaa kuâ ti azo ti Ezipte na yanga ti kota ngu-ingo ni.

Sigingo 20:20

Moïse atene na azo ni, atene: “Ala sara mbeto pepe! Nzapa aga ti tara gi be ti ala, tongaso si ala kpe mbeto ti lo si ala sara siokpari pepe.”

Ésaïe 26:3

Na zo so be ti lo aduti kpoo, KOTA GBIA, mo yeke mu na lo siriri, ngbanga ti so lo zia be ti lo na ndö ti mo.

Ésaïe 30:15

Biani, Kota Gbia NZAPA ti Israel, lo so lo yeke nde si lo yeke nzoni kue, tënë so lo tene ayeke so: Ala lingbi ti soo kuâ gi tongana ala kiri na mbi si ala duti kpoo. Ala yeke wara ngangu gi tongana ala duti kpoo si ala zia be ti ala na ndö ti mbi. Me ala ye pepe.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 43:11

Mbi laa mbi yeke KOTA GBIA, gi mbi oko. Mbeni wasongo-zo nde ayeke daa pepe, gi mbi oko.

Ésaïe 7:4

Fade mo yeke tene na lo: ‘Hange! Mo duti kpoo, mo sara mbeto pepe. Ayeke nzoni be ti mo ado pepe, ngbanga ti Resen, zo ti Sirii so nga na Peka. Agbia use so akpa gi anduru keke so guru ti wâ angba ti sigigi daa kete kete.

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Abia ti demango tere 3:26

Ayeke nzoni zo akai kpoo, lo ku titene KOTA GBIA azi lo na ya ti ye ti ngangu.

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Osée 13:9

“Mo Israel, ye so abuba mo, ayeke ti so mo ke mbi awe, mbi so mbi lingbi fade ti mu maboko na mo so.

Habakuk 3:13

Mo ga ti soo azo ti mo, mo ga ti soo zo so mo zia lo gbia. Mo kinda makonzi ti asioni zo, mo hunzi nga azo ti lo kue. Luti kete

Habakuk 3:8

KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.

Wungo ti azo 14:9

Gi ye oko, ala sara ngangu li na KOTA GBIA pepe, ala sara mbeto ti azo ti kodro ni pepe, e yeke nika ala gi legeoko awe! Anzapa ti batango ala ado ala azia awe; me ti e, KOTA GBIA ayeke na e. Ala sara mbeto ti azo ni pepe!”

Matthieu 28:5

Me ange ni atene na awali ni: “Mbeto asara ala pepe; mbi hinga so ala yeke gi Jésus, lo so a fâ lo na ndö ti keke ti kroa.

Ndia ti fani use ni 20:3

lo tene: “Aturugu ti Israel, ala ma! Laso, ala yeke gue ti tiri bira na awato ti ala. Ayeke nzoni ala luti tongana koli, ala sara mbeto pepe, li ti ala aga kirikiri pepe, tere ti ala ado na dawa ti awato ti ala ni pepe!

1 Samuel 11:13

Me Saul atene: “Laso, a yeke fâ zo oko pepe, ngbanga ti so KOTA GBIA asoo azo ti Israel na kuâ awe.”

1 Samuel 12:16

Fadeso, ala luti ge, fade ala yeke baa na le ti ala ye ti kpene so KOTA GBIA ayeke sara.