Sigingo 14:12 - Mbeti ti Nzapa - Tënë so amu fini

¹² So e de na Ezipte so, e tene lani na mo, e tene: ‘Zia e duti kpoo, e sara kua na azo ti Ezipte ma! Ti sara kua na ala ayeke nzoni ahon titene e kui na benyama.’ ”

Sigingo 14:12 Iomraidhean Croise

Abia (Psaumes) 106:7

Na ndembe so akotara ti e ayeke na Ezipte, mo sara aye ti kpene, me ala manda ye na lege ni oko pepe; ala girisa gba ti anzoni ye so mo sara, ala tomboka na tere ti mo na tere ti kota ngu-ingo ti Asosongo.

Sigingo 13:17

So Faraon azia lege na azo ti Israel ti gue, Nzapa azia lege na ala ti gue na kodro ti azo ti Filistii pepe, ataa so nduru lege ni laa. Biani, Nzapa atene na be ti lo, atene: “Tongana awato ti ala asara bira na ala, fade be ti ala ayeke woko si ala kiri na Ezipte.”

Sigingo 3:9

Fadeso, toto ti azo ti Israel ague na nduzu ngbii asi na mbi awe; mbi baa nga lege so azo ti Ezipte ayeke sara pasi na ala.

Sigingo 5:21

Ala tene na Moïse nga na Aaron, atene: “Ayeke nzoni KOTA GBIA abaa ye so ala sara so si lo fâ ngbanga na li ti ala! Ndali ti ala laa Faraon na azo ti gbe ti lo aye ti baa e na le pepe. So ayeke tongana ye ti bira laa ala mu na ala ti fâ e na ni!”

Sigingo 6:9

Moïse atene peko ti atënë so kue na azo ti Israel, me ala ma lo pepe, ngbanga ti so angangu kua ti ngbaa asara si be ti ala awoko.

Osée 4:17

Azo ti Efraim abongbi na ayanda; zia ala!

Jonas 4:3

Fadeso, KOTA GBIA, mo zi fini ti mbi! Titene mbi kui, ayeke nzoni ahon titene mbi ngba na fini.”

Jonas 4:8

Na pekoni, so lâ asigigi awe, Nzapa asara si mbeni kota pupu ti To so ayeke wâ mingi alondo si ayeke ya ngangu ngangu. Lâ asu Jonas ngangu, angba kete ka lo hon na ndö ti yingo ti lo. Jonas airi kuâ na tere ti lo, lo tene: “Titene mbi kui, ayeke nzoni ahon titene mbi ngba na fini.”

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Marc 5:7

si lo dekongo ngangu, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi hunda mo na iri ti Nzapa, sara sioni na mbi pepe!”