Sigingo 14:11 - Mbeti ti Nzapa - Tënë so amu fini

¹¹ Ala tene na Moïse, atene: “Du ti kuâ ayeke na Ezipte pepe si mo ga na e titene e kui na benyama so? Mo zi e na Ezipte, mo sigigi na e ngbanga ti nyen?

Sigingo 14:11 Iomraidhean Croise

Tongo nda ti aye 43:6

Jacob atene: “Ngbanga ti nyen si ala tene na lo atene, mbeni ita ti ala ayeke daa so? Ala sara sioni na mbi awe.”

Sigingo 13:17

So Faraon azia lege na azo ti Israel ti gue, Nzapa azia lege na ala ti gue na kodro ti azo ti Filistii pepe, ataa so nduru lege ni laa. Biani, Nzapa atene na be ti lo, atene: “Tongana awato ti ala asara bira na ala, fade be ti ala ayeke woko si ala kiri na Ezipte.”

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 5:21

Ala tene na Moïse nga na Aaron, atene: “Ayeke nzoni KOTA GBIA abaa ye so ala sara so si lo fâ ngbanga na li ti ala! Ndali ti ala laa Faraon na azo ti gbe ti lo aye ti baa e na le pepe. So ayeke tongana ye ti bira laa ala mu na ala ti fâ e na ni!”

Sigingo 5:22

Moïse akiri na mbage ti KOTA GBIA si lo tene: “Kota Gbia, mo sara sioni na azo so ngbanga ti nyen? Mo tokua mbi ge ngbanga ti nyen?

Wungo ti azo 11:1

Mbeni lâ, azo ti Israel adema tere ti ala mingi na *KOTA GBIA; so KOTA GBIA ama tënë ni, lo sara ngonzo mingi, lo tokua mbeni wâ na popo ti ala si wâ ni agbi mbeni mbage ti yanga ti bâbâ ni.

Wungo ti azo 11:15

Tongana mo ye ti sara na mbi tongaso, ayeke nzoni mo fâ mbi, tongana mo ye ti sara nzoni be na mbi, alingbi mbi baa ye ti mawa pepe so asi na mbi.”

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.