Sigingo 14:10 - Mbeti ti Nzapa - Tënë so amu fini

¹⁰ So gbia Faraon aga nduru awe, azo ti Israel ayo le ti ala na nduzu si ala baa so azo ti Ezipte ayeke ga na peko ti ala. Kota mbeto agbu azo ti Israel si ala dema tere ti ala na KOTA GBIA.

Sigingo 14:10 Iomraidhean Croise

2 Mbai 18:31

So amakonzi ti azo ti kpengo na apusu ti mbarata abaa Yosafat, ala tene: “So gbia ti Israel laa.” Nilaa ala ngoro lo titene ala ti na ndö ti lo. Me Yosafat adekongo. Tongaso *KOTA GBIA amu maboko na lo si Nzapa atumba awato ti lo na tere ti lo.

Néhémie 9:9

Pasi so akotara ti e abaa lani na Ezipte, mo baa ni kue; mo ma toto ti ala na yanga ti kota ngu-ingo ti Asosongo.

Abia (Psaumes) 106:44

Me tongana KOTA GBIA ama toto ti ala si lo baa ye ti ngangu so asi na ala,

Abia (Psaumes) 107:13

Tongaso na ya ti ye ti ngangu so asi na ala, ala dekongo na KOTA GBIA si lo soo ala na ya ti mbeto ti ala.

Abia (Psaumes) 107:19

Tongaso na ya ti ye ti ngangu so asi na ala, ala dekongo na KOTA GBIA si lo soo ala na ya ti mbeto ti ala.

Abia (Psaumes) 107:28

Tongaso na ya ti ye ti ngangu so asi na ala, ala dekongo na KOTA GBIA si lo zi ala na ya ti mbeto ti ala.

Abia (Psaumes) 107:6

Tongaso na ya ti ye ti ngangu so asi na ala, ala dekongo na KOTA GBIA si lo zi ala na ya ti mbeto ti ala.

Abia (Psaumes) 34:17

Me KOTA GBIA ake azo ti sarango sioni, lo ye ti zi iri ti ala biani biani na ndö ti dunia so.

Abia (Psaumes) 53:5

Nzapa atene: “Azo ti sarango sioni so, ala hinga ye oko pepe! Ala yeke te azo ti mbi na mbana tongana ti so ala yeke te kobe ti ala; ala ke ti hunda ye na mbi.”

Abia (Psaumes) 81:7

“Mbi zi nengo kungba na ndö ti go ti mo awe, mo zia ti yo nengo sakpa awe.

Sigingo 13:17

So Faraon azia lege na azo ti Israel ti gue, Nzapa azia lege na ala ti gue na kodro ti azo ti Filistii pepe, ataa so nduru lege ni laa. Biani, Nzapa atene na be ti lo, atene: “Tongana awato ti ala asara bira na ala, fade be ti ala ayeke woko si ala kiri na Ezipte.”

Sigingo 15:25

Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni. Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala.

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Ésaïe 7:2

Azo ague, atene tënë ni na gbia Ahaz, mbeni *hale ti David, lo na azo ti yangbo ti lo, ala tene: “Azo ti sese ti Sirii ali na sese ti Efraim awe.” Be ti Ahaz na ti azo ti kodro ti lo ato nda ti do tongana akeke ti gbako so pupu ayeke yingi ni.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Ndia ti fani use ni 9:7

Moïse atene: Ala azo ti Israel, alingbi ala dabe ti ala na ye so: ala zia lani ngonzo na be ti *KOTA GBIA Nzapa ti ala na benyama. Alingbi be ti ala agirisa na ni laoko pepe! Ti londo na lango so ala sigigi na Ezipte si ala ga ngbii asi ge so, ala tomboka na tere ti KOTA GBIA lakue.

Josué 24:6

Mbi sara si akotara ti ala alondo na Ezipte asigigi si ala si na kota ngu-ingo ti Asosongo. Azo ti Ezipte amu apusu ti mbarata na azo ti kpengo na ambarata si ala tumba peko ti akotara ti ala ni ngbii asi na kota ngu-ingo ti Asosongo ni.

Josué 24:7

Tongaso akotara ti ala adekongo na mbi KOTA GBIA si mbi zia mbeni ngbongboro mbinda na popo ti ala na azo ti Ezipte. Na pekoni, mbi sara si ngu ti kota ngu-ingo ni akiri na ndö ti azo ti Ezipte si amene ala. Ala azo ti Israel, ala baa na le ti ala ye so mbi sara na azo ti Ezipte so! Ala azo ti Israel, ala ninga mingi na benyama.

1 Jean 4:18

Ndo so ndoye ayeke daa, mbeto ayeke daa pepe; ndoye so alingbi kue ayeke tumba mbeto. Zo ayeke na mbeto, ngbanga ti so lo hinga atene, ngbanga ayeke ku lo. Zo so ayeke na mbeto, ndoye so alingbi kue, lo de ti hinga ni pepe.