Sigingo 13:8 - Mbeti ti Nzapa - Tënë so amu fini

⁸ Na lango ti matanga so, fade ala yeke fa nda ti tënë so na amolenge ti ala, atene: ‘E sara matanga so ndali ti ye so KOTA GBIA asara na e na ndembe so e sigigi na kodro ti Ezipte.’

Sigingo 13:8 Iomraidhean Croise

Abia (Psaumes) 44:1

Bia ti azo ti Kore; bia so ayeke ndali ti makonzi-bia. Bia ti fango ye na zo.

Sigingo 10:2

Tongaso, fade mo lingbi ti fa na amolenge ti mo nga na amolenge ti amolenge ti mo peko ti ye ti ngangu so mbi sara na azo ti Ezipte nga na aye ti kpene so mbi sara na kodro ti ala. Fade ala azo ti Israel, ala yeke hinga atene, mbi laa mbi yeke KOTA GBIA.”

Sigingo 13:14

Gbanda, tongana amolenge ti ala ahunda ala, atene: ‘Nda ti ye so ala sara so ayeke nyen?’ Fade ala kiri tënë na ala, atene: ‘Na ngangu ti maboko ti KOTA GBIA, lo sara si e sigigi na Ezipte, ndo so lani e yeke angbaa daa so.

Ésaïe 38:19

Me gi azo so ayeke na fini laa alingbi ti gonda mo, tongana mbi laso. Ababâ ayeke sara si amolenge ti ala ahinga so mo yeke bata tënë ti yanga ti mo.

Efeze 6:4

Ala ababâ na amama, ala sara ye ti zia ngonzo na be ti amolenge ti ala pepe. Me ala bata amolenge ni nzoni, ala fa lege na ala si ala mu na ala wango so alingbi na tënë ti *Kota Gbia.

Ndia ti fani use ni 6:20

Gbanda, amolenge ti ala ayeke hunda ala, atene: “Ndali ti nyen si KOTA GBIA Nzapa ti e amu yanga so na ala, andia so nga na atënë ti ndia so?”